|
|
 |
| (GMT+08:00)
2006-06-22 14:32:07
|
 |
|
ວິສາຫະກິດຜະລິດຢາຂອງຈີນເພີ່ມທະວີການຄົ້ນຄວ້າພັດທະນາຢາໃໝ່(ສຽງ)
cri
Author: shuo
ນອກນີ້,ລັດຖະບານຈີນຍັງພວມຄົ້ນຄວ້າໃຊ້ນະໂຍບາຍພິເສດດ້ານສ່ວຍສາອາກອນ,ສົ່ງເສີມໃຫ້ວິສາຫະກິດຄົ້ນຄວ້າຜະລິດຢາໃໝ່.
ໂດຍມີລັດຖະບານສົ່ງເສີມຢ່າງແຂງແຮງ,ວິສາຫະກິດຜະລິດຢາຂອງຈີນນັບມື້ນັບຫຼາຍເລີ່ມເອົາໃຈໃສ່ນຳການຄົ້ນຄວ້າຜະລິດຢາໃໝ່.ກຸ່ມຜະລິດຢາຊຽງໄຮ້ ເຊິ່ງເປັນກຸ່ມຜະລິດຢາທີ່ໃຫຍ່ກວ່າໝູ່ຂອງຈີນໄດ້ສ້າງຕັ້ງອົງການຄົ້ນຄວ້າພັດທະນາຢູ່ອາເມລິກາແລະການາດາແລ້ວ,ຫວ່າງກ່ອນນີ້ບໍ່ດົນ,ກຸ່ມດັ່ງກ່າວຍັງໄດ້ເຊັນສັນຍາຮ່ວມມືຄົ້ນຄວ້າຜະລິດຢາກັບບໍລິສັດໜຶ່ງຂອງຍີ່ປຸ່ນ;ໃນ3ປີມານີ້,ກຸ່ມຜະລິດຢາກວາງໂຈ່ວໄດ້ລົງທຶນ800ລ້ານຢວນໃນດ້ານວິທະຍາສາດເຕັກນິກ,ກວມ7%ຂອງລາຍໄດ້ຈາກການຈຳໜ່າຍ.ສ່ວນການຄົ້ນຄວ້າຜະລິດຢາໃໝ່ຂອງຫຼາຍວິສາຫະກິດຜ້ານກາງແລະຂະໜາດນ້ອຍກໍໄດ້ຮັບການສະໜັບສະໜູນຂອງໂຄງການຄົ້ນຄວ້າໄຮເຕັກຂອງລັດ.
ໃນດ້ານຄົ້ນຄວ້າຜະລິດຢາໃໝ່,ຈີນຍັງມີຊັບພະຍາກອນພິເສດຢ່າງໜຶ່ງ ຄືຢາພື້ນເມືອງຈີນ.ດ້ານໜຶ່ງ,ຈາກຫວ້ານຢາພື້ນເມືອງຈີນຫຼາຍຢ່າງ,ສາມາດຊອກພົບສ່ວນປະກອບທີ່ມີຜົນປິນປົວດີ;ອີກດ້ານໜຶ່ງ,ອີງຕາມລະບົບທິດສະດີແລະວິທີຄົ້ນຄວ້າຂອງຢາພື້ນເມືອງຈີນ,ອາດຈະຊອກພົບວິທີຄົ້ນຄວ້າຢາໃໝ່ທີ່ຕ່າງກັບເມື່ອກ່ອນ.
ຕົວຢ່າງຄື,ຢາອາເຕມີຊີນີນ ຢາເຄມີຊະນິດທຳອິດທີ່ຈີນຄົ້ນຄວ້າຜະລິດເອົາເອງ,ແມ່ນຕົວຢ່າງຢາຝ່າຍຕາເວັນຕົກທີ່ຄົ້ນຄວ້າຜະລິດຢ່າງສຳເລັດຜົນຕາມທິດສະດີຢາພື້ນເມືອງຂອງຈີນ.ຢາອາເຕມີຊີນີນ ຢາປົວພະຍາດໄຂ້ຍູງທີ່ໄດ້ຜົນໄວ ດີແລະມີລັກສະນະລື້ງຢາໜ້ອຍ,ປະຊາຄົມໂລກຍ້ອງວ່າຢານີ້ເປັນຫຼັກໝາຍທາງໃນປະຫວັດການຄົ້ນຄວ້າຢາຕ້ານພະຍາດໄຂ້ຍູງ.ປີ2004,ອົງການອະນາໄມໂລກໄດ້ສະເໜີຢາອາເຕມີຊີນີນເປັນຢາຕ້ານພະຍາດໄຂ້ຍູງປະເພດທີໜຶ່ງ,ແລະເຜີຍແຜ່ໃນຂອບເຂດທົ່ວໂລກ.ທ່ານເຊິນສີຢູ ຮອງຜູ້ອຳນວຍການໃຫຍ່ຂອງກຸ່ມຟູ້ຊິ່ງຊຽງໄຮ້ທີ່ຄົ້ນຄວ້າຜະລິດຢາອາເຕມີຊີນີນແນະນຳວ່າ,ຍ້ອນຢາປົວພະຍາດໄຂ້ຍູງຈຳນວນໜຶ່ງຄ່ອຍໆບໍ່ບັງເກີດຜົນອີກແລ້ວໃນຫຼາຍປີມານີ້,ການປະກົດຕົວຂອງຢາອາເຕມີຊີນີນໄດ້ຕາບຈູນບ່ອນເປົ່າຫວ່າງດັ່ງກ່າວ.ທ່ານເວົ້າວ່າ:"ຢູ່ອາຟຼີກາ,ຢາເກົ່າບໍ່ຜົນອີກແລ້ວ,ກິນຢາເກົ່າຄືກັບກິນແປ້ງລ້າໆ,ສະນັ້ນ,ອົງການອະນາໄມໂລກຈຶ່ງຕົກລົງສະເໜີໃຫ້ໃຊ້ຢາອາເຕມີຊີນີນ.ທັງນີ້ໄດ້ນຳອະນາຄົດອັນດີງາມທີ່ນຳມາໃຫ້ວິສາຫະກິດຈີນພວກເຮົາ,ການປະດິດຢາໃໝ່ເອົາເອງນັ້ນ,ດຽວນີ້ເລີ່ມຕົ້ນ."
ປະຈຸບັນນີ້,ວິສາຫະກິດຈີນນັບມື້ນັບຫຼາຍໄດ້ເອົາໃຈໃສ່ນຳການຄົ້ນຄວ້າຢາພື້ນເມືອງຈີນ,ໃນເວລາຄົ້ນຄວ້າຜະລິດຢາໃໝ່,ທ່າແຮງອັນພິເສດຂອງຢາພື້ນເມືອງຈີນໄດ້ປຸກລະດົມໃຫ້ວິສາຫະກິດຈີນໄປຄົ້ນຄວ້າຜະລິດຢາໃໝ່ຢ່າງຫ້າວຫັນ.
1 2
|
|
|
