|
|
 |
| (GMT+08:00)
2006-06-28 17:57:04
|
 |
|
ສຳຜັດຮີດຄອງປະເພນີຂອງເຜົ່າຈີງໂພ່ທີ່ມີເອກະລັກເຂັ້ມຂຸ້ນ
cri
Author: MO
|
ຢູ່ເມືອງຄຸນມິງແຂວງຢຸນນານ ພາກຕາເວັນຕົກສຽງໃຕ້ຂອງຈີນ, ມີທິວທັດແຫ່ງໜຶ່ງຊື່ວ່າ"ບ້ານຊົນເຜົ່າ". ຢູ່ແຫ່ງນີ້, ທ່ານບໍ່ພຽງແຕ່ໄດ້ເຫັນສິ່ງກໍ່ສ້າງທີ່ມີສີສັນພິເສດຂອງ 20 ກວ່າຊົນເຜົ່າສ່ວນໜ້ອຍຂອງແຂວງຢຸນນານທໍ່ນັ້ນ, ຍັງສາມາດຊົມການເຄື່ອນໄຫວຮີດຄອງປະເພນີທີ່ມີເອກະລັກພິເສດຂອງຊົນເຜົ່າສ່ວນໜ້ອຍເຫຼົ່ານີ້ອີກດ້ວຍ. ຫວ່າງກ່ອນນີ້ບໍ່ດົນ, ໃນເວລານັກຂ່າວເອົາຂ່າວຢູ່ບ້ານຊົນເຜົ່າແຂວງຢຸນນານ, ພໍດີໄດ້ພົບເຜົ່າຈີງໂພ່ພວມຈັດການເຄື່ອນໄຫວ"ມູ້ໜາວຈົ້ງເກີ"ອັນໃຫຍ່ໂຕມະໂຫລານ. ຍິງຊາຍນ້ອຍໃຫຍ່ຂອງເຜົ່າຈີງໂພ່ທີ່ມາຈາກແຫ່ງຕ່າງໆແຂວງຢຸນນານ, ໄດ້ນຸ່ງຊຸດວັນບຸນທີ່ສວຍງາມ, ເຕັ້ນລຳຢ່າງເບີກບານມ່ວນຊື່ນ, ທຸກບ້ານຊົນເຜົ່າເຕັມໄປດ້ວຍບັນຍາກາດອັນຄຶກຄື້ນຟົດຟື້ນ.
ໃນພາສາເຜົ່າຈີງໂພ່, "ມູ້ໜາວຈົ້ງເກີ"ແປວ່າ"ຄົນທັງຫຼາຍມາເຕັ້ນລຳນຳກັນ". ເມື່ອຮອດລະດູເກັບກ່ຽວ, ວັນບຸນສຳຄັນ, ຫຼືມີແຂກຜູ້ມີກຽດມາຢາມ, ແລະຈັດງານດອງນັ້ນ, ເຜົ່າຈີງໂພ່ຈະຈັດການເຄື່ອນໄຫວ"ມູ້ໜາວຈົ້ງເກີ"ທີ່ມີຂະໜາດຕ່າງກັນ. ຢູ່ສະໜາມຫຼວງ"ມູ້ໜາວຈົ້ງເກີ"ບ້ານຊົນເຜົ່າແຂວງຢຸນນານ, ນັກຂ່າວໄດ້ເຫັນວ່າ, ໃຈກາງສະໜາມຫຼວງມີເສົາໄມ້ 4 ເສົາຕັ້ງໂຈ້ໂກ້ຢູ່, ຢູ່ເທິງເສົາໄດ້ຄວັດຮູບພາບທີ່ມີຫຼາຍສີຫຼາຍສັນ. ຢູ່ລະຫວ່າງສອງເສົາທີ່ຕັ້ງຢູ່ທາງກາງໄດ້ວາງພ້າໃຫຍ່ສັບກັນສອງດວງ, ເປັ່ງແສງເຫຼື້ອມຍິບຍັບ. ນາງຢາງສາຍລິງ ສາວເຜົ່າຈິງໂພ່ບອກນັກຂ່າວວ່າ, 4 ເສົານີ້ກໍເອີ້ນວ່າ"ມູ້ໜາວຊື້ຕົ້ງ". ນາງເວົ້າວ່າ:
"ຮູບພາບຢູ່ເທິງເສົາ"ມູ້ໜາວຊື້ຕົ້ງ"ແມ່ນເສັ້ນທາງທີ່ເຜົ່າຈີງໂພ່ຍົກຍ້າຍມາຈາກພູພຽງຊິງຫາຍຕິເບດ, ໃນເວລາຈັດການເຄື່ອນໄຫວ"ມູ້ໜາວຈົ້ງເກີ", ຄົນທັງຫຼາຍຟ້ອນລຳຕາມເສັ້ນທາງຍົກຍ້າຍດັ່ງກ່າວ."
1 2 3
|
|
|
