ນາງຢາງສາຍລີງເວົ້າວ່າ, ແຕ່ກີ້ແຕ່ກ່ອນພຸ້ນ, ເຜົ່າຈີງໂພ່ໄດ້ຍົກຍ້າຍຈາກພູພຽງຊິງຫາຍຕິເບດມາຮອດແຂວງຢຸນນານ, ຕົ້ນຕໍໄດ້ອາໄສຢູ່ພາກຕາເວັນຕົກສຽງໃຕ້ຂອງແຂວງຢຸນນານ. ຜູ້ຊາຍເຜົ່າຈີງໂພ່ອົງອາດກ້າຫານ, ສ່ວນຜູ້ຍິງກໍມິນິດໃສເຂັ້ມແຂງ. ເຊັ່ນດຽວກັນກັບຊົນເຜົ່າສ່ວນໜ້ອຍອື່ນໆ, ເຜົ່າຈີງໂພ່ມັກຟ້ອນລຳທຳເພງ, ການເຄື່ອນໄຫວ"ມູ້ໜາວຈົ້ງເກີ"ຂອງພວກເຂົາເຈົ້າກໍໄດ້ຊື່ຍ້ອນການຟ້ອນ.
ພວກເຮົາກຳລັງລົມກັບນາງຢາງສາຍລີງ, ພິທີບູຊາທີ່ຈັດກ່ອນການເຄື່ອນໄຫວ"ມູ້ໜາວຈົ້ງເກີ"ໄດ້ເລີ່ມຕົ້ນແລ້ວ. ພວກເຮົາໄດ້ເຫັນຢູ່ໃກ້ສະໜາມຫຼວງ, ຜູ້ເຖົ້າເຜົ່າຈີງໂພ່ຫຼາຍຄົນຂັດພ້າທີ່ໃສ່ຝັກແບບດັ້ງເດີມຢູ່ຫຼັງເອົາໄຫເຫຼົ້າໄວ້ຢູ່ເທິງໂຕະບູຊາ, ທັງຈົ່ມມົນໄປພ້ອມ.
ຕາມຊາບວ່າ, ພິທີດັ່ງກ່າວແມ່ນຈັດເພື່ອຮັບປະກັນການເຄື່ອນໄຫວ"ມູ້ໜາວຈົ້ງເກີ"ໃຫ້ດຳເນີນຢ່າງສະດວກສະບາຍ. ຫຼັງຈາກບູຊາເຫຼົ້າແລ້ວ, ຜູ້ເຖົ້າໄດ້ໃສ່ໝວກທີ່ປະດັບເອ້ດ້ວຍສົບນົກໃຫ້ຜູ້ນຳພາຟ້ອນທີ່ນຸ່ງຊຸດລາຍມັງກອນສອງຄົນ. ພາຍລຸນມາ, ທ້າວເລີຍຊຸນເຕີ ຜູ້ນຳພາຟ້ອນບອກນັກຂ່າວວ່າ, ເຜົ່າຈີງໂພ່ເຄົາລົບຜູ້ນຳພາຟ້ອນຂອງ"ມູ້ໜາວຈົ້ງເກີ"ເປັນ"ໜາວຊ່ວງ". ໃນພິທີໃສ່ໝວກໃຫ້"ໜາວຊ່ວງ"ນັ້ນ, ໄດ້ຝາກຝັງຄວາມຫວັງຂອງຜູ້ເຖົ້າເຜົ່າຈີງໂພ່ທີ່ມີຕໍ່ຊາວໜຸ່ມ. ທ້າວເລີຍຊຸນເຕີເວົ້າວ່າ:
"ໃສ່ໝວກໃຫ້ໜາວຊ່ວງ, ແມ່ນເພື່ອຂໍອະທິຖານໃຫ້ຄົນທັງຫຼາຍປະສົບຄວາມປອດໄພ, ມີສຸຂະພາບແຂງແຮງ, ມີສິລິມຸງຄຸນ, ປາຖະໜາສິ່ງໃດໃຫ້ສົມຫວັງທຸກປະການ."
1 2 3
|
