|
ຫວ່າງມໍ່ໆນີ້,ມີຜູ້ຟັງວຽງຈັນຜູ້ໜຶ່ງໄດ້ຝາກຈົດໝາຍມາຍັງພວກເຮົາໂດຍຂຽນວ່າ,ປະເທດລາວ ເຊິ່ງເປັນບ້ານເກີດເມືອງນອນຂອງພວກເຮົາແມ່ນປະເທດທີ່ບໍ່ມີທາງອອກສູ່ທະເລ,ຍ້ອນເງື່ອນໄຂຈຳກັດ,ຂ້າພະເຈົ້າຍັງບໍ່ມີໂອກາດເຫັນທະເລ,ພຽງແຕ່ໄດ້ເບິ່ງໃນຮູບເງົາໂທລະພາບເທົ່ານັ້ນ,ສະນັ້ນ,ຂ້າພເຈົ້າຫວັງຢາກຊອກຮູ້ຄວາມຮູ້ກ່ຽວກັບທະເລໃຫ້ຫຼາຍກວ່າເກົ່າ,ຂໍໃຫ້ວິທະຍຸCRIແນະນຳການຈໍ່ຕົວຂຶ້ນຂອງທະເລໄດ້ບໍ່?
ເພື່ອຕອບສະໜອງກັບຄວາມຮຽກຮ້ອງຕ້ອງການຂອງຜູ້ຟັງຜູ້ນີ້,ກໍ່ເພື່ອໃຫ້ຜູ້ຟັງທຸກຄົນທີ່ສົນໃຈຄວາມຮູ້ກ່ຽວກັບທະເລເພິ່ມຄວາມຮູ້ກ່ຽວກັບທະເລ,ໃນລາຍການພາກນີ້,ພວກເຮົາກໍຂໍແນະນຳການຈໍ່ຕົວຂຶ້ນຂອງທະເລສູ່ທ່ານຟັງ.
ທະເລຈໍ່ຕົວຂຶ້ນແນວໃດ?ນ້ຳທະເລມາແຕ່ໃສ?
ກ່ຽວກັບບັນຫາເຫຼົ່ານີ້,ປັດຈຸບັນ,ວິທະຍາສາດຍັງບໍ່ສາມາດໃຫ້ຄຳຕອບສຸດທ້າຍ,ນີ້ແມ່ນຍ້ອນວ່າ,ບັນຫາດັ່ງກ່າວຕິດພັນກັບບັນຫາຄວາມເປັນມາຂອງລະບົບສຸລິຍະເຊິ່ງເປັນບັນຫາທົ່ວໄປທີ່ຍັງບໍ່ທັນໄດ້ແກ້ໄຂຢ່າງເຖິງຖອງເທື່ອ.
ໃນລາຍການ"ເພື່ອນມິດຜູ້ຟັງ"ພາກກ່ອນ,ພວກເຮົາໄດ້ແນະນຳຄວາມເປັນມາຂອງໜ່ວຍໂລກສູ່ທ່ານຟັງແລ້ວ,ພວກເຮົາຈົ່ງມາພ້ອມກັນຫວນຄືນ ກ່ອນ.ການຄົ້ນຄວ້າໃນປັດຈຸບັນຢັ້ງຢືນໃຫ້ເຫັນວ່າ,ປະມານ5ຕື້ປີກ່ອນ,ໄດ້ມີກ້ອນເມກດາວນ້ອຍໃຫຍ່ຫຼາຍກ້ອນແຍກອອກຈາກເມກດາວຕາເວັນ.ພວກມັນທັງໝູນອ້ອມຕາເວັນ,ທັງໝູນອ້ອມຕົວມັນເອງ.ໃນຂະບວນການເຄື່ອນທີ່ໄຫວ,ໄດ້ຕຳກັນ,ມີຫຼາຍກ້ອນໄດ້ຕິດກັນ,ໃຫຍ່ຂຶ້ນ,ຄ່ອຍໆປະກອບເປັນໜ່ວຍໂລກດັ້ງເດີມ.ໃນຂະບວນການຕຳກັນ,ພາຍໃຕ້ກຳລັງຖ່ວງດຶງ,ກ້ອນເມກດາວໄດ້ຫົດເຂົ້າຢ່າງໄວພະລັນ,ບວກກັບສານກຳມັນຕະສັງສີພາຍໃນປ່ຽນທາດ,ເຮັດໃຫ້ອຸນຫະພູມຂອງໜ່ວຍໂລກດັ້ງເດີມສູງຂຶ້ນຢ່າງບໍ່ຢຸດຢັ້ງ,ໃນເວລາອຸນຫະພູມພາຍໃນ,ສານຕ່າງໆໃຕ້ດິນ ເຊັ່ນ,ເຫັຼກແລະນິກເກັນເປັນຕົ້ນກໍ່ເລິ່ມເປື່ອຍ.ພາຍໃຕ້ບົດບາດຂອງຄວາມຖ່ວງ,ສານໜັກກໍ່ລົງໄປເຕົ້າໂຮມກັນຢູ່ໃຈກາງຂອງໜ່ວຍໂລກ,ແລ້ວປະກອບເປັນແກນໜ່ວຍໂລກ,ສ່ວນສານເບົາຈະຟູຂຶ້ນ,ປະກອບເປັນເປືອກໂລກແລະຊັ້ນໃນຂອງໂລກ.ອຸນຫະພູນສູງເຮັດໃຫ້ນ້ຳພາຍໃນໜ່ວຍໂລກຫັນເປັນອາຍແລະພຸ່ງອອກນຳກັນກັບອາຍ,ແລ້ວບິນສູ່ທ້ອງຟ້າ.ແຕ້ຍ້ອນວ່າໃຈກາງໜ່ວຍໂລກມີກຳລັງຖ່ວງດຶງ,ສະນັ້ນ,ອາຍເຫຼົ່ານີ້ໜີໄປບໍ່ໄດ້,ຈຶ່ງໄດ້ຈໍ່ຕົວເປັນຊັ້ນອາຍແລະນ້ຳຢູ່ອ້ອມຂ້າງໜ່ວຍໂລກ.
ໃນຂະບວນການເຢັນລົງແລະໜ່ຽງເຂົ້າກັນເປັນກ້ອນ,ເປືອກໂລກທີ່ຢູ່ຜິວໄດ້ຖືກການເຄື່ອນໄຫວອັນຮຸນແຮງພາຍໃນໜ່ວຍໂລກຊຸທັ່ງແລະບຽດຢ່າງບໍ່ຢຸດຢັ້ງ,ແລ້ວຈິ່ງເປັນກີບບໍ່ຮາບພຽງ,ບາງເທື່ອຍັງຖືກບຽດຈົນແຕກ, ແຜ່ນດິນໄຫວກໍເກີດຂຶ້ນພູໄຟກໍລະເບີດຫີນມາກມາແລະອາຍຮ້ອນພຸ່ງອອກ.ໃນໄລຍະຕົ້ນ,ສະພາບດັ່ງກ່າວເກີດຂຶ້ນຢ່າງເນື່ອງນິດ,ຕໍ່ມາກໍຄ່ອຍໆໜ້ອຍລົງແລະໝັ້ນທ່ຽງ.ຂະບວນການທີ່ວັດຖຸເບົາແລະວັດຖຸໜັກແຍກອອກຈາກກັນແນວນີ້ໄດ້ສຳເລັດໃນປະມານ4ຕື້500ລ້ານປີກ່ອນແລ້ວ.
ເມື່ອເປືອກໂລກໄດ້ເຢັນລົງແລະເປັນຮູບເປັນຮ່າງຂຶ້ນແລ້ວ,ຜິວໂລກບາງບ່ອນຫຼຸບ,ບາງບ່ອນໂນມ,ບໍ່ຮາບພຽງ,ພູມສັນຖານຕ່າງໆ,ເຊັ່ນ,ພູສູງ,ທົ່ງພຽງ,ທ້ອງແມ່ນ້ຳແລະຫຼົ້ງທະເລເປັນຕົ້ນມີຄົບຖ້ວນແລ້ວ.
ໃນເວລາຍາວນານສົມຄວນ,ອາຍນ້ຳຢູ່ນຳກັນກັບອາກາດໜາຢູ່ທ້ອງຟ້າ,ເຕັມໄປດ້ວຍເມກໜາ,ຟ້າມືດດິນມົວ,ຄຽງຄູ່ກັບເປືອກໂລກຄ່ອຍໆເຢັນລົງ,ອຸນຫະພູມຂອງອາກາດໜາກໍ່ຫຼຸດລົງເທື່ອລະກ້າວ,ອາຍນ້ຳໄດ້ຕິດຢູ່ຂີ້ຝຸ່ນ,ກາຍເປັນຢອດນ້ຳ,ນັບມື້ນັບຫຼາຍ.ໃນອາກາດຍ້ອນວ່າບາງບ່ອນຮ້ອນ,ບາງບ່ອນເຢັນບໍ່ສະໝ່ຳສະເໝີກັນ,ອາກາດຈຶ່ງໄຫຼສວນທາງກັນຢ່າງຮຸນແຮງ,ຈໍ່ຕົວເປັນຟ້າເຫຼື້ອມຟ້າຮ້ອງແລະລົມແຮງ,ຝົນຕົກຫ່າເປັນເວລາດົນນານ,ເຮັດໃຫ້ຜິວໜ້າຂອງໂລກເກີດມີນ້ຳຖ້ວມໄຫຼຜາດໆ,ໃນທີ່ສຸດໄດ້ເຕົ້າໂຮມກັນເປັນນ້ຳທີ່ມີເນື້ອທີ່ກວ້າງຂວາງ,ນີ້ກໍ່ແມ່ນທະເລດັ້ງເດີມ.
1 2
|
