|
|
 |
| (GMT+08:00)
2006-07-12 15:37:43
|
 |
|
ສິ່ງທີ່ໄດ້ຮູ້ໄດ້ເຫັນໃນເວລາເອົາຂ່າວຢູ່ໂຮງຮຽນປະຖົມເຜົ່າຜູມີ(ສຽງ)
cri
ສິ່ງທີ່ເຮັດໃຫ້ທ່ານຊົງຢູເວິນມີຄວາມໝັ້ນໃຈນັ້ນຍັງແມ່ນລັດຖະບານຈີນໄດ້ວາງນະໂຍບາຍ"ສອງຍົກເວັ້ນໜຶ່ງເກື້ອກູນ",ຄືຍົກເວັ້ນຄ່າປຶ້ມ,ຄ່າສາລະພັດຂອງນັກຮຽນຜູ່ທຸກຍາກທີ່ສຸດ,ທັງໃຫ້ຄ່າເກື້ອກູນອັນແນ່ນອນແກ່ພວກເຂົາເຈົ້າ.ຢູ່ຈີນ,ໃນໄລຍະການສຶກສາພາກບັງຄັບບໍ່ເກັບຄ່າຮຽນ,ແຕ່ຕ້ອງເກັບຄ່າປຶ້ມແລະຄ່າສາລະພັດ.ເມືອງລານພິງແມ່ນເມືອງບຳບັດຄວາມທຸກຍາກຈຸດໜັກຂອງລັດ,ມີນັກຮຽນຫຼາຍໆຄົນຈຳເປັນເຊົາຮຽນຍ້ອນບໍ່ມີເງິນເສຍຄ່າໃຊ້ຈ່າຍສອງລາຍດັ່ງກ່າວ.
ທ້າວອິນຈ້າວສວນ ປີນີ້ອາຍຸ13ປີ,ໃນຕອນຮຽນປ.3,ລາວຈຳເປັນເຊົາຮຽນຍ້ອນຄວາມຫຍຸ້ງຍາກດ້ານເສດຖະກິດຂອງຄອບຄົວ.ໃນຕອນທີ່ລາອອກຈາກໂຮງຮຽນ,ລາວເຄີຍຄອຍຫາມື້ທີ່ຈະກັບຄືນສູ່ໂຮງຮຽນທີ່ສຸດ.
"ຂ້ອຍໄດ້ເຊົາຮຽນມາຢູ່ ເຮືອນເຄິ່ງພາກຮຽນແລ້ວ.ໃນຄາວນັ້ນ,ຂ້ອຍອ່ານໜັງສືໃນເຮືອນຫຼເອົາຄວາຍໄປກິນຫຍ້າຢູ່ເທິງພູ.ໃນຄາວນັ້ນ,ຂ້ອຍ ຄິດວ່າຖ້າວ່າມີເງິນ,ຂ້ອຍກໍຈະສືບຕໍ່ເຂົ້າຮຽນຄືຜູ່ອື່ນ."
ພາຍລຸນມາ, ຄວາມປາຖະໜາທີ່ຢາກຮຽນຕໍ່ຂອງທ້າວອິນຈ້າວສວນໄດ້ບັນລຸຜົນເປັນຈິງ.ຕາມນະໂຍບາຍຂອງລັດ,ທາງໂຮງຮຽນໄດ້ຍົກເວັ້ນຄ່າປຶ້ມ,ຄ່າສາລະພັດຂອງລາວ,ແຕ່ລະເດືອນຍັງເບີກຄ່າເກື້ອກູນ40ຢວນໃຫ້,ເພື່ອໃຫ້ລາວຮ່ຳ ຮຽນຢ່າງໄວ້ວາງໃຈ.ຢູ່ເມືອງລານພິງ,ມີນັກຮຽນ1ໝື່ນ8ພັນຄົນໄດ້ຮັບຜົນດີຈາກນະໂຍບາຍດັ່ງກ່າວ.
ເມື່ອກ່າວເຖິງອະນາຄົດຂອງໂຮງຮຽນປະຖົມກ່ານຈູເຮີ,ທ່ານຊົງຢູເວີນ ຄູໃຫຍ່ໂຮງຮຽນໄດ້ເຕັມໄປດ້ວຍຄວາມໝັ້ນໃຈ."ດຽວນີ້,ໂຮງຮຽນຂອງພວກຂ້າພະເຈົ້າບໍ່ມີນັກຮຽນເຊົາຮຽນຈັກຄົນແລ້ວ,ພວກເຮົາຍິ່ງມີຄວາມໝັ້ນໃຈຫຼາຍ.ຂ້າພະເຈົ້າເຊື່ອວ່າຈະມີນັກຮຽນຫຼວງຫຼາຍເກັ່ງກວ່າຂ້າພະເຈົ້າ.ເພາະວ່າເມື່ອໂຮງຮຽນກ້າວເຂົ້າສູ່ໂຄຈອນທີ່ເປັນແບບສະບັບແລ້ວ, ຄົນຫຸ່ນຫຼັງດີກວ່າຫຸ່ນກ່ອນຢ່າງແນ່ນອນ."
ບໍ່ເປັນຫ່ວງເປັນໃຍນຳຄ່າຮຽນແລະຄ່າຕ່າງໆແລ້ວ,ພວກນັກຮຽນກໍສາມາດຮ່ຳຮຽນຢ່າງໄວ້ວາງໃຈ.ນັກຮຽນຫຼາຍຄົນບອກນັກຂ່າວວ່າ,ເມື່ອໃຫຍ່ຂຶ້ນແລ້ວ,ພວກເຂົາເຈົ້າກໍຢາກກາຍເປັນຄົນເໝືອນທ່ານຊົງຢູເວີນ ຄູໃຫຍ່ຂອງໂຮງຮຽນ.
"ຂ້ອຍຢາກເປັນຄູສອນ,ເພາະວ່າຂ້ອຍມັກສອນໜັງສື,ໃຫ້ນັກຮຽນມີຄວາມກ້າວໜ້າ."
ໃນເວລານັກຂ່າວອຳລາຈາກໂຮງຮຽນປະຖົມກ່ານຈູເຮີ,ທ່ານຊົງຢູເວີນ ຄູໃຫຍ່ໂຮງຮຽນເລີ່ມກຽມອາຫານທ່ຽງຂອງນັກຮຽນຢູ່ຫ້ອງອາຫານແລ້ວ.ສຽງອ່ານໜັງສືຂອງພວກເດັກພູດອຍໄດ້ດັ່ງກ້ອງພູຜາທີ່ຢູ່ອ້ອມແອ້ມໂຮງຮຽນ.
1 2
|
|
|
