|
ຮູບເງົາເລື່ອງເມືອງເສື້ອເກາະຄຳ(The City of Golden Armor) ເຊິ່ງເປັນຮູບເງົາເລື່ອງໃຫມ່ສຸດຂອງທ່ານຈ່າງອີ້ເຫມົາ ຜູ່ກຳກັບການສະແດງທີ່ມີຊື່ສຽງຂອງຈີນພວມຖ່າຍທຳຢ່າງເຄັ່ງຮ້ອນ,ແຕ່ການລາຍງານຂ່າວຂອງສື່ມວນຊົນຕ່າງໆກ່ຽວກັບຮູບເງົາເລື່ອງນີ້ພັດຟົດຟື້ນຂຶ້ນມາແຕ່ດົນແລ້ວ.ຮູບເງົາເລື່ອງນີ້ໄດ້ລົງທຶນ 360 ລ້ານຢວນ,ຕາມແນະນຳວ່າ,ວິທີຖ່າຍທຳແລະພາບລ້ວນແຕ່ເຕັມໄປດ້ວຍຄວາມໃຫມ່ອ່ຽມ, ບວກກັບມີດາລາຮູບເງົາຫລາຍໆຄົນ ເຂົ້າ ຮ່ວມ,ຍິ່ງເຮັດໃຫ້ແຟນຮູບເງົາຈຳນວນຫລວງຫລາຍສົນໃຈນຳຮູບເງົາເລື່ອງ ນີ້.
ຮູບເງົາເລື່ອງເມືອງເສື້ອເກາະຄຳແມ່ນດັດແປງມາຈາກລະຄອນເວົ້າກາລາຊິກທີ່ມີຊື່ສຽງຂອງຈີນເລື່ອງຫນຶ່ງຊື່:ໄລອີ ແປວ່າ:ຝົນຟ້າຄະນອງ.ເລື່ອງໄລອີໄດ້ຖືສັງຄົມຈີນໃນຊຸມປີທີ່ 20 ສະຕະວັດແລ້ວນີ້ເປັນເບື້ອງຫລັງ,ໄດ້ບັນລະຍາຍໂສກນາດຕະກຳທີ່ເກີດຂຶ້ນໃນຄອບຄົວສັກດີນາໃຫຍ່ຄອບຄົວຫນຶ່ງ.ເນື້ອໃນມີດັ່ງນີ້:ເມື່ອທ່ານໂຈ່ວພູຢວນ ນາຍທຶນໄດ້ເກີດມີລູກຊາຍໂຈ່ວຜິງ ກັບນາງລູຊື້ຜິງຄົນໃຊ້ອອກແລ້ວ,ກໍ່ເລີຍປະຖິ້ມນາງລູຊື້ຜິງ;ທ້າວໂຈ່ວຜິງ ລູກຊາຍກົກຍ້ອນເບື່ອຫນ່າຍນຳຄວາມຮັກທີ່ຜິດຈະລິຍະທຳກັບນາງຟານອີທີ່ເປັນແມ່ນ້າທີ່ຫນຸ່ມ,ແລ້ວຫັນມາຂໍຮັກນຳນາງຊືເຟິ້ງ ທີ່ເປັນຜູ່ໃຊ້,ແຕ່ນາງຊືເຟິ້ງພັດເປັນນ້ອງສາວຕ່າງພໍ່ຂອງທ້າວໂຈ່ວຜິງ.
ເມື່ອຄວາມເປັນຈິງຖືກເຜີຍເປີດແລ້ວ, ນາງຊືເຟິ້ງກັບທ້າວໂຈວຜິງໄດ້ຂ້າໂຕຕາຍຕາມໆກັນສ່ວນທ້າວໂຈວຊົງ ລູກຊາຍຖ້ວນສອງທີ່ຮັກນາງຊືເຟິ້ງໃນໃຈນັ້ນກໍ່ຕາຍຍ້ອນຖືກໄຟຟ້າຊ້ອດ.ໂສກນາດຕະກຳກະລາຊິກເລື່ອງນີ້ເມື່ອເອົາໃຫ້ທ່ານຈ່າງອີ້ເຫມົາເປັນຜູ່ກຳກັບການສະແດງແລ້ວ, ຈະເປັນແນວໃດ?ຜູ່ຊົມເຕັມໄປດ້ວຍຄວາມຄ່ອງຄອຍ.
ຮູບເງົາເລື່ອງເມືອງເສື້ອເກາະຄຳທີ່ກຳກັບໂດຍທ່ານຈ່າງອີ້ເຫມົາ,ໄດ້ຈັດເອົາເບື້ອງຫລັງຍຸກສະໄຫມໄວ້ຢູ່ໃນພະລາຊະວັງລາດຊະວົງຖາງຂອງຈີນເມື່ອສະຕະວັດທີ 9.ຊື່ຂອງຮູບເງົານີ້ກໍ່ມາຈາກກາບກອນປະໂຫຍດຫນຶ່ງຂອງຮວງຊາວ ຜູ່ນຳການລຸກຮືຂຶ້ນຂອງຊາວນາທີ່ມີຊື່ສຽງໃນຄາວນັ້ນ.ຮູບເງົານີ້ໄດ້ປ່ຽນຄວາມຮັກຄວາມອາຄາດບາດຫມາງຂອງຄອບຄົວສັກດີນາຕະ ກຸນໃຫຍ່ເປັນການຫລອກຕົ້ມກັນຢູ່ໃນພະລາຊະວັງ,ໄດ້ເຜີຍແບທາດແທ້ຂອງຊີວິດການເປັນຢູ່ໃນພະລາຊະວັງທາງນອກເສາະໃສ,ທາງໃນເປັນຫມາກເດື່ອ,ໄດ້ວາດພາບຊະຕາກຳຂອງຄົນໃນພະລາຊະວັງ.ທ່ານຈ່າງອີ້ເຫມົາກ່າວເນັ້ນວ່າຕົນເອງມັກລັກສະນະລະຄອນແລະລັກສະນະຂັດແຍ່ງກັນຂອງບຸກຄົນໃນລະຄອນເວົ້າໄລອີ,ແຕ່ຮູບເງົາເລື່ອງເມືອງເສື້ອເກາະຄຳເດັດຂາດບໍ່ແມ່ນສະບັບກອບບີ້ຂອງລະຄອນເວົ້າໄລອີ.ທ່ານຈ່າງອີ້ເຫມົາເວົ້າວ່າ:
1 2
|
