|
 ການເອົາລະຄອນເວົ້າມາດັດແປງເປັນຮູບເງົາ, ຂ້າພະເຈົ້າຄິດວ່າສິ່ງສຳຄັນກວ່າຫມູ່ແມ່ນຕ້ອງຕັດບົດສົນທະນາຢ່າງຫລວງຫລາຍ,ເຮັດໃຫ້ມັນກາຍເປັນກິລາຍາຮູບເງົາ, ຫາກບໍ່ແມ່ນກອບບີ້ລະຄອນເວົ້າຊື່ໆ.ຕົວສະແດງຕ້ອງມີການປະດິດສ້າງອັນໃຫມ່ອ່ຽມ,ພວກຂ້າພະເຈົ້າພະ ຍາຍາມຊອກຫາການພົວພັນລະຫວ່າງຕົວສະແດງອັນໃຫມ່ແລະວິທີບຸກຄົນອັນໃຫມ່,ໃຫ້ມັນສອດຄ່ອງກັບຮູບເງົາ, ຍັງຕ້ອງຫນ້າເບິ່ງທີ່ສຸດອີກດ້ວຍ.
ທ່ານໄດ້ດັດແປງບົດລະຄອນບໍ່ຫນ້ອຍກວ່າ 10 ເທື່ອພາຍໃນເວລາສອງປີ,ຈາກຫົວຂໍ້ຫລັກ,ເບື້ອງຫລັງແລະສາກຖ່າຍ,ຕະຫລອດຮອດນັກສະແດງ,ລ້ວນແຕ່ແມ່ນຄັດເລືອກຢ່າງພຽນໃຈ.ໃນຮູບເງົາເລື່ອງນີ້,ທ່ານຈ່າງອີ້ເຫມົາກ່າວເນັ້ນວ່າຕ້ອງສຸມກຳລັງທັງຫມົດເຂົ້າໃນການສ້າງນິດໄສຂອງຕົວສະແດງ.ທ່ານເວົ້າວ່າ:
ເພາະວ່າ,ທຳມະດາແລ້ວ,ໃນເວລາພວກເຮົາເບິ່ງຮູບເງົາ,ກໍ່ຮູ້ສຶກວ່າໂຄງເລື່ອງບໍ່ດີ,ຂ້າພະເຈົ້າຮູ້ສຶກວ່າທີ່ຈິງແລ້ວນີ້ບໍ່ແມ່ນໂຄງເລື່ອງບໍ່ດີ,ຕົ້ນຕໍແມ່ນຍ້ອນຕົວສະແດງ,ຂ້າພະເຈົ້າຄິດວ່າຕົວສະແດງແມ່ນວິນຍານ.ຂ້າພະເຈົ້າຄິດວ່າເທື່ອນີ້, ພວກຂ້າພະເຈົ້າໄດ້ທຳຄວາມພະຍາຍາມຫລາຍທີ່ສຸດໃນການສ້າງນິໄສຂອງຕົວສະແດງ,ຫວັງໃຫ້ຕົວສະແດງເຫລົ່ານີ້ລ້ວນແຕ່ມີຊີວິດຊີວາ.ຫວັງໃຫ້ຕົວສະແດງເຫລົ່ານີ້ທັງແມ່ນຕົວສະແດງຢູ່ໃນລະຄອນເລື່ອງໄລອີ,ທັງເປັນຕົວສະແດງໃຫມ່.
ປີ 2002,ທ່ານຈ່າງອີ້ເຫມົາໄດ້ເປັນຜູ່ກຳກັບການສະແດງຮູບເງົາກັງຟູເລື່ອງວິລະຊົນ(Hero),ປີ 2004, ທ່ານໄດ້ຖ່າຍຮູບເງົາເລື່ອງດັກສະກັດ (House of Flying Dagger),ຮູບເງົາກັງຟູສອງເລື່ອງນີ້ໄດ້ຮັບຜົນສຳເລັດຫລາຍທີ່ສຸດຢູ່ຕະຫລາດອາເມລິກາ.ຍ້ອນມີດາລາຮູບເງົາເຂົ້າຮ່ວມ,ບວກກັບການຖ່າຍທຳອັນຍອດຢ້ຽມແລະນິທານຈີນທີ່ເຕັມໄປດ້ວຍສີສັນອັດສະຈັນ, ເຮັດໃຫ້ຮູບເງົາສອງເລື່ອງນີ້ໄດ້ສ້າງລາຍສູງຈາກການຂາຍປີ້ຂອງຮູບເງົາຈີນ ຢູ່ຕະຫລາດພົ້ນທະເລ,ໄດ້ສ້າງພາບພົດອັນດີງາມໃຫ້ແກ່ຜູ່ຊົມຕ່າງປະເທດ.
ການມີດາລາຮູບເງົາຫລາຍໆຄົນເຂົ້າຮ່ວມການສະແດງຮູບເງົາເລື່ອງເມືອງເສື້ອເກາະຄຳກໍ່ແມ່ນຈຸດຮຸ່ງອັນຫນຶ່ງ.ທ່ານໂຈວຢຸ້ນຟ່າແລະນາງກົງລີ້ ດາລາຮູບເງົາສາກົນໄດ້ສະແດງເປັນເຈົ້າຊີວິດແລະພະອັກຄະມະເຫສີໃນຮູບເງົາເລື່ອງນີ້.ໃນຮູບເງົາ,ທ່ານໂຈວຢູ້ນຟ່າໄດ້ສະແດງເປັນເຈົ້າຊີວິດທີ່ຄິດເລິກລະອຽດຮອບຄອບ,ສ່ວນນາງກົງລີ້ສະແດງເປັນພະອັກຄະມະເຫສີທີ່ງາມສະຫງ່າ.ນາຍພົນໃຫຍ່ທີ່ເປັນຕົວສະແດງນ້ຳເບີສາມໃນຮູບເງົາແມ່ນສະແດງໂດຍທ້າວໂຈວເຈລົນ ດາລາເພງທີ່ມີຊື່ສຽງ,ພາບສົງຄາມໃນຮູບເງົາລ້ວນແຕ່ແມ່ນເພິ່ນເປັນຜູ່ກໍ່ຂຶ້ນ.ເຖິງວ່າຮູບເງົາເລື່ອງນີ້ແມ່ນຮູບເງົາເລື່ອງທີສອງທີ່ທ້າວໂຈ່ວເຈລົນສະແດງ,ແຕ່ການສະແດງຂອງເພິ່ນພັດໄດ້ຮັບຄວາມຢືນຢັນແລະຄວາມຍ້ອງຍໍຈາກທ່ານຈ່າງອີ້ເຫມົາ,ນີ້ກໍ່ແມ່ນທ້າວໂຈ່ວເຈລົນສະແດງຮູບເງົາທີ່ນຸ່ງຊຸດບູຮານເທື່ອທຳອິດ.ນາງລີມານ ນັກສະແດງໃຫມ່ໄດ້ສະແດງເປັນນາງຊື້ເຟິ້ງ,ກໍ່ແມ່ນຈຸດຮຸ່ງໃນຮູບເງົາ.
ອາດເວົ້າໄດ້ວ່າ, ຮູບເງົາເລື່ອງເມືອງເສື້ອເກາະຄຳທີ່ທ່ານຈ່າງອີ້ເຫມົາຖ່າຍນີ້,ແມ່ນຮູບເງົາທີ່ມີຂະຫນາດໃຫຍ່ກວ່າຫມູ່ຢູ່ຕະຫລາດຮູບເງົາຈີນໃນປັດຈຸບັນ.ຕົວເລກ 360 ລ້ານຢວນໄດ້ສ້າງສະຖິຕິໃຫມ່ໃນການລົງທຶນຖ່າຍທຳຮູບເງົາຂອງຈີນ.ຕາມຊາບວ່າ, ຢູ່ໃນຮູບເງົາເລື່ອງນີ້,ຈະມີນັກສະແດງ 2 ຫມື່ນຄົນສະແດງເປັນນັກລົບ, ຫມວກເຫລັກ ເສື້ອເກາະແລະມ້າລົບທັງຫມົດລ້ວນແຕ່ແມ່ນສີເຫລືອງຄຳ.ນອກນີ້,ຍັງຈະຖ່າຍດ້ວຍຍົນເຮລີກົບ,ແລະຮ່ວມມືກັບບໍລິສັດເຕັກນິກພິເສດຂອງອາເມລິກາ.ຂະຫນາດພະລາຊະວັງທີ່ສ້າງຂຶ້ນເພື່ອຖ່າຍຮູບເງົາເລື່ອງນີ້ກໍ່ໃຫຍ່ໂຕທີ່ສຸດ.ແຕ່ວ່າ, ທ່ານຈ່າງອີ້ເຫມົາເວົ້າວ່າການລົງທຶນຫນ້ອຍຫລາຍບໍ່ແມ່ນສິ່ງຕົ້ນຕໍໃນການປະດິດສ້າງຮູບເງົາ.ທ່ານເວົ້າວ່າ:
ການລົງທຶນຫນ້ອຍຫລາຍບໍ່ແມ່ນເລື່ອງທີ່ຂ້າພະເຈົ້າເປັນຫ່ວງ.ເວົ້າສຳ ລັບຂ້າພະເຈົ້າແລ້ວ, ເມື່ອລົງທຶນຫລາຍປານນີ້,ກໍ່ເຮັດໃຫ້ຂ້າພະເຈົ້າມີຫນ້າທີ່ຮັບຜິດຊອບ.ຫນຶ່ງ, ບໍ່ຫວັງຢາກຫລຸບທຶນ,ຕ້ອງເຮັດໃຫ້ຜູ່ລົງທຶນໄດ້ຮັບການຕອບແທນ;ສອງ,ຕ້ອງເຮັດໃຫ້ເງິນທີ່ໃຊ້ແລ້ວນັ້ນຄຸ້ມຄ່າ,ບໍ່ຄວນສ້າງແຕ່ ພາບໃຫຍ່ໂຕມະໂຫລານ.ເວົ້າສຳລັບຜູ່ຊົມໃນຊູ່ມື້ນີ້ແລ້ວ, ພາບໃຫຍ່ໂຕປານໃດກໍ່ເຄີຍໄດ້ເຫັນ.ສິ່ງສຳຄັນນັ້ນແມ່ນຕ້ອງອີງຕາມຄວາມຕ້ອງການຂອງຜູ່ຊົມແລ້ວກຳກັບເລື່ອງແລະຕົວສະແດງໃຫ້ດີ
.ທ່ານຈ່າງອີເຫມົາແມ່ນຜູ່ຕາງຫນ້າຜູ່ກຳກັບການສະແດງຮຸ່ນທີ 5 ຂອງຈີນ,ທ່ານຖືກຖືເປັນວິລະຊົນວັດທະນະທຳຂອງຈີນໃນຊຸມປີ 90 ສະຕະວັດແລ້ວນີ້.ຮູບເງົາຂອງທ່ານມີພື້ນຖານວັດທະນະທຳດັ້ງເດີມຂອງຈີນອັນຫນາແຫນ້ນ,ເຕັມໄປດ້ວຍຄວາມກະຕືລືລົ້ນແລະຄວາມຫ້າວຫັນ.ປັດຈຸບັນ, ການ ຖ່າຍທຳຮູບເງົາເລື່ອງເມືອງເສື້ອເກາະຄຳໄດ້ສຳເລັດ 2/3ແລ້ວ.ການອອກແບບເຄື່ອງນຸ່ງທີ່ລ້ຳຄ່າ,ມີນັກສະແດງທີ່ມີຊື່ສຽງ,ເຂົ້າຮ່ວມຢ່າງຫລວງຫລາຍ, ບວກກັບການຕັດຕໍ່ລ້ວນແຕ່ຈະເຮັດຢູ່ອາເມລິກາ,ທັງຫມົດເຫລົ່ານີ້ເຮັດໃຫ້ຜູ່ຊົມຈີນກັບຕ່າງປະເທດເຕັມໄປດ້ວຍຄວາມຄອງຄອຍ.
1 2
|
