|
ທ່ານຜູ່ຟັງທີ່ໂຄລົບ, ໃນງານວາງສະແດງປະຢັດພະລັງງານແລະອະນຸລັກສິ່ງແວດລ້ອມທີ່ຈັດຂຶ້ນຢູ່ປັກກິ່ງຫວ່າງມໍ່ໆນີ້, ຜະລິດຕະພັນແລະເຕັກນິກທີ່ປະຢັດພະລັງງານຕ່າງໆໄດ້ຮັບຄວາມສົນໃຈຈາກຄົນທັງຫຼາຍ. ໃນລາຍການແຈ້ງຂ່າວເສດຖະກິດຈີນພາກນີ້, ພວກເຮົາຂໍສະເໜີສະພາບທີ່ກ່ຽວຂ້ອງສູ່ທ່ານຟັງ.
ເພື່ອສົ່ງເສີມແລະສະໜັບສະໜູນການພັດທະນາຜະລິດຕະພັນທີ່ປະຢັດພະລັງງານ, ເຜີຍແຜ່ເຕັກນິກແລະຜະລິດຕະພັນທີ່ປະຢັດພະລັງງານ, ໃນກາງເດືອນມີຖຸນາ, ນະຄອນປັກກິ່ງໄດ້ຈັດງານວາງສະແດງຜະລິດຕະພັນປະຢັດພະລັງງານແລະອະນຸລັກສິ່ງແວດລ້ອມ. ງານວາງສະແດງດັ່ງກ່າວນີ້ໄດ້ດູດດຶງວິສາຫະກິດຫຼວງຫຼາຍມາເຂົ້າຮ່ວມການວາງສະແດງ, ຜະລິດຕະພັນແລະເຕັກນິກທີ່ປະຢັດພະລັງງານແລະອະນຸລັກສິ່ງແວດລ້ອມຕ່າງໆ, ຄື, ປະຢັດໄຟຟ້າ ປະຢັດນ້ຳແລະປະຢັດນ້ຳມັນເປັນຕົ້ນພາກັນໄດ້ນຳເອົາມາວາງສະແດງຢູ່ໃນງານດັ່ງກ່າວ.
ການພັດທະນາພະລັງງານສະອາດແລະອະນຸລັກສິ່ງແວດລ້ອມ ຄື, ພະລັງງານລົມແລະພະລັງງານຕາເວັນເປັນຕົ້ນແມ່ນຈຸດສຳຄັນໜຶ່ງໃນຍຸດທະສາດພະລັງງານໃໝ່ທີ່ຈີນພວມປະຕິບັດ. ໃນງານວາງສະແດງຄັ້ງນີ້, ສະຖານີທີ່ຜະລິດຈກາເຄື່ອງເສດຂອງພືດ ເຊິ່ງບໍລິສັດເຊີນຊາງປັກກິ່ງເຕັກນິກພະລັງງານທຳມະຊາດຈຳກັດໄດ້ປະຈັກຕາຜູ່ຊົມຫຼວງຫຼາຍ. ທ່ານຟູ້ຢີວຮົງ ປະທານຄະນະບໍລິຫານຂອງບໍລິສັດດັ່ງກ່າວເວົ້າວ່າ, ສະຖານີຂອງພວກຂ້າພະເຈົ້າແມ່ນເກັບເອົາເຄື່ອງເສດຂອງພືດ ຄື, ລຳຕົ້ນສາລີ ລຳຕົ້ນເຂົ້າເບຼແລະຕົ້ນເຄື່ອງປູກຂອງຝັງອື່ນໆພ້ອມດ້ວຍຂີ້ເລື່ອຍໄມ້ນັ້ນຄືນມາໃຊ້, ຜະລິດເປັນວັດຖຸເຊື້ອໄຟເປັນເມັດ. ເຕັກນິກນີ້ບໍ່ພຽງແຕ່ສາມາດນຳໃຊ້ເຄື່ອງເສດໃຫ້ມີພົນປະໂຫຍດທໍ່ນັ້ນ, ຫາກຍັງຈະຫຼຸດການເຊື່ອມພິດໃຫ້ໜ້ອຍລົງອີກດ້ວຍ. ພະລັງງານສະອາດທີ່ອະນຸລັກສິ່ງແວດລ້ອມນີ້ໄດ້ຮັບຄວາມຊົມເຊີຍຈາກບັນດາວິສາຫະກິດທີ່ມາເຂົ້າຮ່ວມງານວາງສະແດງນີ້.
ທ່ານຟູ້ຢິວຮົງເວົ້າວ່າ, "ໃນງານວາງສະແດງຄັ້ງນີ້, ໄດ້ມີວິສາຫະກິດ 7-8 ແຫ່ງພົວພັນກັບພວກຂ້າພະເຈົ້າແລ້ວ. ວິສາຫະກິດເຫຼົ່ານີ້ຫວັງໃຫ້ພວກຂ້າພະເຈົ້າໄປດັດສ້າງໝໍ້ນ້ຳຂອງພວກເຂົາເຈົ້າເພື່ອໃຊ້ພະລັງງານໃໝ່ໄດ້. ພວກຂ້າພະເຈົ້າໄດ້ແຕ່ງວິຊາການຈຳນວນໜຶ່ງໄປເບິ່ງຢູ່ໂຮງງານເຂົາເຈົ້າ, ເກັບຂໍ້ມູນຂ່າວສານແລ້ວວາງແຜນໃຊ້ພະລັງງານໃໝ່ໃຫ້ເຂົາເຈົ້າ, ຈະພະຍາຍາມເຮັດໃຫ້ວິສາຫະກິດ 4-5 ແຫ່ງໃຊ້ພະລັງງານປອດການເຊື່ອມພິດໄດ້ພາຍໃນເດືອໜຶ່ງສອງເດືອນຂ້າງໜ້າຂອງປີນີ້."
ຢູ່ຈີນ, ຂະແໜງອຸດສາຫະກຳແລະຂະແໜງການກໍ່ສ້າງແມ່ນຂົງເຂດສິ້ນເປືອງພະລັງງານຫຼາຍ. ປັດຈຸບັນ, ການສິ້ນເປືອງພະລັງງານຂອງສອງຂະແໜງດັ່ງກ່າວໄດ້ກວມ 90% ຂຶ້ນໄປຂອງທົ່ວສັງຄົມ, ດັ່ງນັ້ນມີກຳລັງບົ່ມຊ້ອນປະຢັດພະລັງງານອັນມະຫາສານ. ໃນງານວາງສະແດງຄັ້ງນີ້, ນັກຂ່າວໄດ້ເຫັນມີອຸປະກອນໜຶ່ງທີ່ຂ້ອນຂ້າງໃຫຍ່ຊື່ວ່າ"ເຄື່ອງປະຢັດໄຟຟ້າສັງລວມ"ໄດ້ດຶງດູດສາຍຕາຂອງຄົນທັງຫຼາຍ. ເຄື່ອງປະຢັດໄຟຟ້າສັງລວມນີ້ແມ່ນຄົ້ນຄວ້າຜະລິດໂດຍກຸ່ມຄາງໜືງປະຢັດພະລັງງານໃນເຂດໃໝ່ພູຕົງເມືອງຊຽງໄຮ້, ເຄື່ອງນີ້ຕົ້ນຕໍ່ແມ່ນແນ່ໃສ່ການປະຢັດໄຟຟ້າຂອງຂະແໜງການອຸດສາຫະກຳ ຄື, ອຸດສາຫະກຳເຄມີ ວັດສະດຸກໍ່ສ້າງ ຖ່ານຫີນເປັນຕົ້ນແລະການປະຢັດໄຟຟ້າໃນສິ່ງກໍ່ສ້າງສາທາລະນະ. ທ່ານລີຈື້ຮົງ ປະທານກຸ່ມຄາງໜືງປະຢັດພະລັງງານເວົ້າວ່າ, ເຄື່ອງປະຢັດໄຟຟ້າສັງລວມນີ້ບໍ່ພຽງແຕ່ຮັກສາເຄື່ອງໃຊ້ໄຟຟ້າ, ເຮັດໃຫ້ນທົນໃຊ້ທໍ່ນັ້ນ, ຍັງປະຢັດໄຟຟ້າຫຼາຍ. ປັດຈຸບັນ, ໄດ້ຜ່ານການຮັບຮອງຂອງອົງການອິດທິພົນທີ່ກ່ຽວຂ້ອງຂອງຊາດ.
ທ່ານເວົ້າວ່າ, "ຜົນຂອງການປະຢັດໄຟຟ້າສັງລວມຂອງເຄື່ອງນີ້ແມ່ນກ້າວໜ້າກວ່າເພິ່ນໃນທົ່ວໂລກໃນສະເພາະໜ້ານີ້. ເຄື່ອງນີ້ໄດ້ນຳໃຊ້ຢ່ໃນູວິສາຫະກິດຂະໜາດໃຫຍ່ຂອງຈີນ, ຄື, ກຸ່ມນ້ຳມັນເຊື້ອໄຟຈີນແລະກຸ່ມອຸດສາຫະກຳເຄມີແຂວງຈີລີນເປັນຕົ້ນ. ບົດລາຍງານການໃຊ້ຂອງໄດ້ສະແດງໃຫ້ເຫັນວ່າ, ແມ່ນດີຫຼາຍ."
ທ່ານລີຈື້ຮົງເວົ້າວ່າ, ເຄື່ອງນີ້ຫາກໍ່ຂາຍໄດ້ປີປາຍ, ຕະຫຼາດຕ້ອງການຫຼາຍ. ທ່ານເວົ້າວ່າ, ເມື່ອຮອດປີ 2010, ຈະພະຍາຍາມໃຫ້ໄດ້ລາຍຮັບຈາກການຂາຍເຄື່ອງປະຢັດໄຟຟ້າສັງລວມນີ້ບັນລຸ 30 ຕື້ຢວນ.
1 2
|
