|
|
 |
| (GMT+08:00)
2006-07-18 14:40:41
|
 |
|
ຜະລິດຕະພັນທີ່ປະຢັດພະລັງງານແລະອະນຸລັກສິ່ງແວດລ້ອມໄດ້ຮັບຄວາມຊົມເຊີຍຈາກຜູ່ບໍລິໂພກ(ສຽງ)
cri
Author: huachunmei
ຢູ່ຈີນ, ຊັບພະຍາກອນນ້ຳແມ່ນຂາດເຂີນຫຼາຍ, ໂດຍສະເພາະແມ່ນຢູ່ພາກເໜືອ, ຊັບພະຍາກອນນ້ຳແມ່ນຂາດເຂີນທີ່ສຸດ. ສະນັ້ນ, ຜະລິດຕະພັນແລະເຕັກນິກທີ່ປະຢັດນ້ຳໄດ້ຮັບຄວາມສົນໃຈຈາກຜູ່ເຂົ້າຮ່ວມງານວາງສະແດງໂດຍທົ່ວໄປ.
ໃຊ້ນ້ຳໂຕນໜຶ່ງກໍ່ສາມາດລ້າງຜັກ 200 ກວ່າກິໂລ, ຢູ່ໃນມື້ໜຶ່ງຍັງບໍ່ຕ້ອງປ່ຽນນ້ຳ, ຈະຮັບປະກັນການລ້າງຜັກໃຫ້ສະອາດ, ນີ້ຖືກເຫັນວ່າເກືອບເປັນເລື່ອງເປັນໄປບໍ່ໄດ້. ແຕ່ວ່າ, ເຄື່ອງລ້າງຜັກດ້ວຍອາຍໂອໂຊນອັດຕະໂນມັດທີ່ມີຫຼາຍປະສິດທິຄຸນຂອງບໍລິສັດຈີງຊີຈີງຕົ້ນປັກກິ່ງເຄື່ອງປະກອບເຮືອນ ຄົວຈຳກັດພັດເຮັດໄດ້. ໃນເຂດຊີວິດການເປັນຢູ່ຂອງງານວາງສະແດງຄັ້ງນີ້, ທ່ານລີຈື້ນຕົງ ຜູ່ຮັບຜິດຊອບການໂຄສະນາຂອງບໍລິສັດນີ້ທັງສະແດງໃຊ້ເຄື່ອງລ້າງຜັກທັງອະທິບາຍຕໍ່ນັກຂ່າວວ່າ, ເຄື່ອງລ້າງຜັກນີ້ໄດ້ໃຊ້ນ້ຳໝູນວຽນລ້າງຜັກໂດຍອັດຕະໂນມັດ, ແລະໃຊ້ເຕັກນິກດັບເຊື້ອດ້ວຍແສງອິດເໜືອແລະອາໂອໂຊນພ້ອມກັນການຕອງດ້ວຍທາດກາກບອນແຂ່ງຂັນເປັນຕົ້ນ, ຕອງນ້ຳໃຫ້ສະອາດ. ຍ້ອນວ່າການລ້າງແບບນີ້ປະຢັດນ້ຳຫຼາຍ, ປັດຈຸບັນ, ຂະແໜງການລັດຖະບານແລະວິສາຫະກິດຈີນຕ່າງໆ, ຄື, ກະຊວງປ້ອງກັນຄວາມສະຫງົບແລະໂຮງແຮມປັກກິ່ງເປັນຕົ້ນພາກັນໃຊ້ເຄື່ອງດັ່ງກ່າວນີ້.
ພາຍຫຼັງເຄື່ອງລ້າງຜັກໃຫຍ່ໄດ້ຮັບຄວາມຊົມເຊີຍແລ້ວ, ປີນີ້, ບໍລິສັດດັ່ງກ່າວໄດ້ຜະລິດແລະເຜີຍແຜ່ເຄື່ອງລ້າງຜັກຂະໜາດນ້ອຍທີ່ໃຊ້ໃນຄອບຄົວ. ເມື່ອເຄື່ອງລ້າງຜັກຂະໜາດນ້ອຍທີ່ໃຊ້ໃນຄອບຄົວໄດ້ວາງສະແດງແລ້ວ, ກໍໄດ້ຮັບຄວາມຊົມເຊີຍຈາກຜູ່ບໍລິໂພກທຳມະດາສາມັນ.
ທ່ານລີຟູ້ລີ້ເວົ້າວ່າ,"ຂ້າພະເຈົ້າຈະຊື້ເຄື່ອງໜຶ່ງ. ເມື່ອກີ້ນີ້, ຂ້າພະເຈົ້າໄດ້ເບິ່ງແລ້ວ, ເຫັນວ່າການດັບເຊື້ອຂອງມັນຈັ່ງແມ່ນດີຫຼາຍ. ຖ້າໃຊ້ໃນຄອບຄົວ, ໃຊ້ໄຟຟ້າພຽງແຕ່ 0,2 ກິໂລວັດໂມງ, ທັງປະຢັດໄຟຟ້າທັງປະຢັດນ້ຳ, ລາຄາກໍຖືກ."
ການເຮັດໃຫ້ສະໜາມຂີ້ເຫຍື້ອເປັນສວນອຸທິຍານດິນທາມ, ນີ້ແມ່ນເລື່ອງທີ່ຄົນທັງຫຼາຍທີ່ນັ່ງຄຶດນອນຝັນ, ກໍສອດຄ່ອງກັບຈຸດໝາຍທີ່ອົງການປົກຄອງປັກກິ່ງສະເໜີອອກນັ້ນ, ຄື, ຈັດງານກິລາໂອລິມປິກປອດການເຊື້ອມ ພິດແລະຊຳລະ 96% ຂອງຂີ້ເຫຍື້ອຊີວິດການເປັນຢູ່ບໍ່ໃຫ້ມີຜົນຮ້າຍ. ເຕັກນິກຊຳລະຂີ້ເຫຍື້ອແລະລ້າງດິນທີ່ບໍລິສັດວິທະຍາສາດເຕັກນິກອະນຸລັກສິ່ງແວດລ້ອມປັກກິ່ງແຫ່ງໜຶ່ງວາງສະແດງນັ້ນຈະມີຜົນດີຕໍ່ການເຮັດໃຫ້ຈຸດໝາຍດັ່ງກ່າວປະກົດຜົນເປັນຈິງ. ທ່ານນາງຊາວຢາງ ຫົວໜ້າຫ້ອງການຂອງບໍລິສັດດັ່ງກາວສະເໜີວ່າ, ເຕັກນິກນີ້ຕົ້ນຕໍແມ່ນຮ່ອນເອົາແລະແບ່ງປະເພດຂີ້ເຫຍື້ອ, ແລ້ວໄວ້ຢູ່ໃນລະບົບລ້າງດິນເພື່ອລ້າງດິນ. ດິນທີ່ໄດ້ລ້າງແລ້ວຈະຖືກນຳໃຊ້ອີກເທື່ອໜຶ່ງໃຫ້ເປັນວັດສະດຸກໍ່ສ້າງ.
ນາງຊາວຢາງເວົ້າວ່າ, ເຕັກນິກຊຳລະຂີ້ເຫຍື້ອນີ້ໄດ້ຮັບຄວາມຊົມເຊີຍຈາກຂະແໜງການຂອງອົງການປົກຄອງປັກກິ່ງ: "ບໍລິສັດພວກຂ້າພະເຈົ້າພວມເຈລະຈາກັບອົງການປົກຄອງປັກກິ່ງ, ໄດ້ຮັບໂຄງການໜຶ່ງຢູ່ເຂດເຟິງທາຍ. ປັດຈຸບັນ, ໂຄງການນີ້ກຽມຈະປະຕິບັດຕົວຈິງ. ພວກຂ້າພະເຈົ້າຈະອີງຕາມການພັດທະນາຂອງວຽກຊຳລະຂິ້ເຫຍື້ອ, ຄົ້ນຄວ້າເຕັກນິກໃໝ່ໃຫ້ຍິ່ງສອດຄ່ອງກັບສະພາບຕົວຈິງຂອງຈີນ, ພວກຂ້າພະເຈົ້າເຫັນວ່າ, ອະນາຄົດຂອງເຕັກນິກນີ້ແມ່ນເຫັນໄປໃນແງ່ດີ."
ເພື່ອສະໜັບສະໜູນວິສາຫະກິດທີ່ປະຢັດພະລັງງານຂະຫຍາຍຕົວ, ເຜີຍແຜ່ເຕັກນິກແລະຜະລິດຕະພັນອະນຸລັກສິ່ງແວດລ້ອມຕື່ມອີກ, ອົງການປົກຄອງປັກກິ່ງຍັງສະແດງວ່າ, ຈະເອົາເຕັກນິກແລະຜະລິດຕະພັນທີ່ໄດ້ຜ່ານການຮັບຮອງຂອງອົງການຊົງອິດທິພົນນັ້ນເຂົ້າໃນບັນຊີຈັດຊື່ຂອງລັດຖະບັນກ່ອນໝູ່, ແລະໃຊ້ໃນກິດຈະການປະຢັດພະລັງງານສຳຄັນ, ໃນນັ້ນມີໂຄງການຫໍກິລາງານກິລາໂອລິມປິກ ໂຄງການປະຢັດພະລັງງານໃນສິ່ງກໍ່ສ້າງສາທາລະນະຂະໜາດໃຫຍ່ແລະໂຄງການດັດສ້າງຂອງວິສາຫະກິດທີ່ສິ້ນເປືອງພະລັງງານຫຼາຍເປັນຕົ້ນ.
1 2
|
|
|
