|
ວັນທີ1ກໍລະກົດ,ທາງລົດໄຟຊິງໄຫຕິເບດ ທາງລົດໄຟທີ່ສູງຈາກລະດັບນ້ຳທະເລຫຼາຍກວ່າໝູ່ໃນໂລກໄດ້ເປີດໃຫ້ແລ່ນລົດຕະຫຼອດສາຍແລ້ວ.ການສ້າງທາງລົດໄຟດັ່ງກ່າວສຳເລັດໄດ້ເຮັດໃຫ້ປະຫວັດສາດທີ່ບໍ່ມີທາງລົດໄຟຂອງຕິເບດສິ້ນສຸດລົງ.ເວົ້າສຳລັບມວນຊົນຕິເບດ2ລ້ານກວ່າຄົນແລ້ວ,ສິ່ງທີ່ທາງລົດໄຟດັ່ງກ່າວນຳມາໃຫ້ນັ້ນບໍ່ພຽງແຕ່ແມ່ນຄົມມະນາຄົມທີ່ວ່ອງໄວສະດວກກວ່າເກົ່າແລະລາຄາສິນຄ້າທີ່ຖືກກວ່າເກົ່າທໍ່ນັ້ນ,ຍິ່ງສຳຄັນກວ່ານັ້ນແມ່ນ,ທາງລົດໄຟເສັ້ນນີ້ຈະພາໃຫ້ແບບແຜນດຳລົງຊີວິດແລະຮູບການຈິດສຳນຶກຂອງພວກເຂົາເຈົ້າເກີດມີການປ່ຽນແປງ.
ວັນທີ1ກໍລະກົດ,ຂະບວນລົດໄຟ"ຊີງຫາຍເລກ1"ທີ່ອອກຈາກເມືອງເກີເອີມູ
ໄດ້ແລ່ນຜ່ານປາກພູທາງກູລາ ທີ່ສູງຈາກລະດັບນ້ຳທະເລ5072ແມັດ
ລູງໂດເຈວາງຈາກ ແມ່ນຊາວລ້ຽງສັດທຳມະດາສາມັນຜູ່ໜຶ່ງຂອງເຜົ່າຕິເບດຢູ່ເຂດນາສູ ພາກເໜືອເຂດຕິເບດ,ປີນີ້,ລູງມີອາຍຸ70ປີ,ໝົດຄອບຄົວມີ7ຄົນ.ໃນເມື່ອກ່ອນ,ອາຊີບຂອງຄອບຄົວລູງແມ່ນລ້ຽງສັດ,ໄດ້ລ້ຽງງົວຈາມມະລີ30ກວ່າໂຕ,ແກະ100ກວ່າໂຕ,ທັງໝົດເຫຼົ່ານີ້ແມ່ນຊັບສິນຕົ້ນຕໍແລະແຫຼ່ງລາຍໄດ້ຂອງຄອບຄົວ.ປີ2002,ກຳມະກອນງວດໃຫຍ່ໄດ້ມາສ້າງທາງລົດໄຟຢູ່ມໍ່ເຮືອນຂອງລູງ,ຊາວລ້ຽງສັດທ້ອງຖິ່ນສ່ວນຫຼາຍໄດ້ໄປເບິ່ງກຳມະກອນເຮັດວຽກຢູ່ສະຖານທີ່ກໍ່ສ້າງດ້ວຍຄວາມສົນໃຈຫຼາຍ.ລູງໂດຈາວາງຈາກ ທີ່ເປັນຄົນສະຫຼາດເລີຍກຳໂອກາດການທຸລະກິດນີ້:
"ໃນເວລາເພິ່ນສ້າງທາງລົດໄຟ,ລູງໄດ້ປຸກຕູບຜ້າເຕັນ,ເປີດຮ້ານຄ້ານ້ອຍຢູ່ຂ້າງຫ້ອງການໂຄງການທາງລົດໄຟຊິງໄຫຕິເບດ,ຂາຍຢາສູບ,ເຫຼົ້າ,ໝີ່ເຄິ່ງສຳເລັດຮູບແລະຂອງກິນຫຼິ້ນ,ປີກາຍໄດ້ມີລາຍໄດ້3ພັນຢວນ."
ຊາວເຜົ່າຕິເບດຫຸ້ມເບິ່ງພວກກຳມະກອນປູລາງລົດໄຟ
1 2 3 4 5
|
