|
|
 |
| (GMT+08:00)
2006-07-19 15:54:37
|
 |
|
ຄະນະນັກຮ້ອງປະສານກັນດີທີ່ສຸດ(ຕົ້ນ)(ສຽງ)
cri
Author: huachunmei
|
ທີ່ນີ້, ວິທະຍຸສາກົນແຫ່ງປະເທດຈີນ. ສະບາຍດີ, ທ່ານຜູ່ຟັງທີ່ຮັກແພງ. ດາລາວັນດີໃຈຫຼາຍທີ່ໄດ້ພົບກັບທ່ານໃນຄ່ຳຄືນວັນອາທິດທີ່ດີງາມ. ໃນໄລຍະໜຶ່ງ, ຄະນະນັກຮ້ອງໄດ້ປະກົດຕົວຢູ່ເທິງເວທີເພງສະໄໝຂອງຈີນນັບມື້ນັບຫຼາຍຂຶ້ນ. ໃນລາຍການນັດພົບໃນວັນອາທິດມື້ນີ້, ພວກເຮົາຈະຈັດໃຫ້ທ່ານຟັງເພງມ່ວນໆຂອງພວກເຂົາເຈົ້າ.
ໃນຊຸມປີ 80 ສະຕະວັດແລ້ວນີ້, ຄະນະນັກຮ້ອງຊື່ວ່າ"ຊຽວຫູຕຸ້ຍ" ຊື່ງ ມີຄວາມໝາຍວ່າ, "ຄະນະເສືອນ້ອຍ" ທີ່ປະກອບດ້ວຍອ້າຍບ່າວສາມຄົນທີ່ຫ້າວຫັນແລະເຈົ້າຊູ້ແມ່ນຄະນະນັກຮ້ອງຄະນະໜຶ່ງທີ່ຈັດຕັ້ງຂຶ້ນກ່ອນໃນວົງການເວທີເພງສະໄໝຂອງຈີນ. ແບບວິທີການສະແດງອັນຟົດຟື້ນຄຶກຄື້ນຂອງພວກເຂົາເຈົ້າໄດ້ເຮັດໃຫ້ຄົນຮູ້ສຶກໃໝ່ອ່ຽມ. ເພງ"ຊີງພິງໂກເລີ້ຢວນ" "ສວນສະຫວັນໝາກໂປມສີຂຽວ"ທີ່ຂັບຮ້ອງໂດຍຄະນະເສືອນ້ອຍສ້ຽວຫູຕຸ້ຍໄດ້ນິຍົມກັນໃນທົ່ວປະເທດຈີນຊົ່ວໄລຍະໜຶ່ງ.
"ທ່ຽງຄືນທ້າຍສັບປະດາຈົ່ງຢ່າລັງເລ, ຮີບມາສວນສະຫວັນໝາກໂປມ ສີຂຽວໄວໆ, ຍິນດີຕ້ອນຮັບເດັກພະເນຈອນ. ຢ່າຢືນຊຶງຢູ່ຂ້າງໜຶ່ງ, ຮ້ອງໂຮແຮງໆນຳກັນ, ເວົ້າ Byebye ນຳຄ່ຳຄືນທີ່ມິດງາມ. ດົນຕີ, ແສງດາວ, ທຸກສິ່ງທຸກຢ່າງໂລມັງຕິກ; ຄວາມອຸກອັ່ງ, ຄວາມໂສກເສົ້າ, ບໍ່ກ່ຽວຫຍັງກັບເຮົາ. ນີ້ແມ່ນເວທີຂອງພວກເຮົາ, ຜູ່ໃດຢາກສະແດງສະເໜຂອງຕົນໃຫ້. ຮີບມາ ດຽວນີ້, ໃຫ້ນ້ຳເຫື່ອຟິດອອກໄປຢ່າງສົມໃຈ. ດິ້ນນຳຂ້ອຍຢ່າງຈຸໃຈ, ຢ່າເສົ້າໝອງ, ຄວາມສະຫງ່າລາສີ, ເຍືອງທ້ອງຟ້າທີ່ມືດຄື້ມໃຫ້ຮຸ່ງແຈ້ງ……"ເພງ"ສວນສະຫວັນໝາກໂປມສີຂຽວ"ເຮັດໃຫ້ຄົນຫວນຄືນຍາມຍັງໜຸ່ມທີ່ບໍ່ມີເລື່ອງຫວ່ງໃຍ. ເນື້ອໃນເພງນີ້ກໍພໍດີເໝາະກັບຫົວຂໍ້ຂອງລາຍການພວກເຮົາມື້ນີ້? ຄຶດວ່າເພື່ອນຜູ່ຟັງທຸກຄົນຄົງມ່ວນຊື່ນໄປນຳລາຍການຂອງພວກເຮົາ.
ຄະນະ "ສຸຍມູ້ຊີ່ງຮວາ"ແມ່ນມາຈາກມະຫາວິທະຍາໄລຊີງຮວາ ເຊິ່ງເປັນມະຫາວິທະຍາໄລທີ່ມີຊື່ສຽງຂອງຈີນ. ນັກສຶກສາສອງຄົນທີ່ຮຽນຂະແໜງວິຊາວິທະຍາສາດການຊ່າງແຕ່ເດີມໄດ້ປ່ຽນມາເປັນນັກຮ້ອງ, ກໍສະແດງເກັ່ງບໍ່ຢອກ, ເຮັດໃຫ້ຄົນຕ້ອງຕີລາຄາດ້ວຍສາຍຕາໃໝ່.
ເພງ"ຈ້າຍທ່າຊຽງ"ກົງກັບຄວາມລາວວ່າ "ເປັນແຂກຕ່າງດ້າວ, ເປັນທ້າວຕ່າງແດນ" ເພງນີ້ສະແດງເຖິງຈິດໃຈຂອງຜູ່ໄປຢູ່ຖິ່ນອື່ນຄຶດຮອດຄຶດເຖິງຄູ່ຮັກທີ່ຢູ່ບ້ານເກີດ.ເພງນີ້ມີເນື້ອຮ້ອງວ່າ, " ປີນັ້ນ, ໃນຍາມຕາເວັນຄ້ອຍຄ່ຳ, ເຈົ້າເດີນທາງໄປຖິ່ນອື່ນ, ເຈົ້າວ່າ, ຢູ່ແຫ່ງນັ້ນມີອຸດົມການຂອງເຈົ້າ. ປີນັ້ນ, ເຈົ້າຜູ່ດຽວຫຼົງທີບຢູ່ບ້ານເພິ່ນ, ຫຼຽວບໍ່ເຫັນອະນາຄົດທີ່ຕົນຝັກໃຝ່. ໃນຄືນທີ່ຝົນຕົກແຊະໆ, ເຈົ້າຄຶດຮອດຄູ່ຮັກ, ຄຶດຮອດຄຳອ້ອນວອນຂອງນາງທີ່ບໍ່ຢາກໃຫ້ຈາກໄປ, ຄຶດຮອດໃບໜ້າທີ່ອາບໄປດ້ວຍນ້ຳຕາຂອງນາງໃນຍາມຈາກກັນ, ເຈົ້າອົດບໍ່ໄດ້ຈົນໄຫ້ອອກສຽງ. ຈັ່ງແມ່ນຢາກກັບເມືອບ້ານເດ້, ກັບເມືອ ຢູ່ຄຽງຂ້າງຂອງນາງ,ໃຫ້ຄວາມອ່ອນນ້ອມປົວບາດແຜໃນໃຈໃຫ້ຫາຍ……"
1 2
|
|
|
