|
|
 |
| (GMT+08:00)
2006-07-19 15:54:37
|
 |
|
ຄະນະນັກຮ້ອງປະສານກັນດີທີ່ສຸດ(ຕົ້ນ)(ສຽງ)
cri
Author: huachunmei
ຄະນະຮ້ອງ"ອີຊວນ "ກໍປະກອບດ້ວຍອ້າຍບ່າວສອງຄົນ. ໃນເພງ"ຈຸ້ຍເໝີຍ "ແປວ່າ "ງາມກວ່າໝູ່" ເຊິ່ງເປັນເພງທີ່ພາໃຫ້ເຂົ້າເຈົ້າທັງສອງຂຶ້ນຊື່ລືນາມ, ໄດ້ຢັ້ງຢືນຄຳບູຮານຂອງຈີນທີ່ວ່າ "ໃນສາຍຕາຂອງຄູ່ຮັກ, ຜູ່ທີ່ຕົນຮັກງາມກວ່າໝູ່ ". ເພງນີ້ມີເນື້ອຮ້ອງວ່າ, "ໃນສາຍຕາຂອງອ້າຍ, ນ້ອງງາມກວ່າໝູ່, ນ້ອງຍິ້ມແຕ່ລະເທື່ອໄດ້ເຮັດໃຫ້ອ້າຍເພີມໃຈ. ບໍ່ວ່າຍາມນ້ອງດີ, ນ້ອງຮ້າຍແລະຍາມນ້ອງໜ້າບູດໜ້າບບຶ້ງໃນເວລານ້ອງຄຽດ, ນ້ອງກໍງານກວ່າໝູ່ໃນໃຈຂອງອ້າຍ, ມີແຕ່ຄົນຮັກກັນຈຶ່ງມີຄວາມຮູ້ສຶກແບບນີ້, ມີແຕ່ນ້ອງແລະອ້າຍຈຶ່ງເຂົ້າໃຈຄວາມຮູ້ສຶກແບບນີ້……"
ເພງ " ເປິ່ນຜາວ ""ແລ່ນ"ແມ່ນເພງຄະນະ "ອີຊວນ "ຮ້ອງຮ່ວມກັບທ່ານຮວງເຈິ່ງ ນັກຮ້ອງຊາຍອີກຜູ່ໜຶ່ງ. ຟັງເທື່ອທຳອິດກໍ່ມັກໂລດ, ມັກທຳນອງມ່ວນໆຂອງເພງນີ້, ຍິ່ງມັກຄວາມໝັ້ນໃຈແລະຄວາມທະນົງອົງອາດທີ່ສະແດງອອກໃນເພງແບບທຳມະຊາດ. ເພງນີ້ມີເນື້ອຮ້ອງວ່າ, "ແລ່ນໄປຕາມສາຍລົມ, ເສລີແມ່ນທິດທາງ. ສະແຫວງຫາກຳລັງຈາກຟ້າຮ້ອງຟ້າແມບ, ເອົາມະຫາສະໝຸດອັນກວ້າງໃຫຍ່ໄພສານໃສ່ໄວ້ໃນຊວງເອິກ, ເຖິງວ່າຜ້າໃບຈະນ້ອຍແຕ່ເດີນໄປໄກໄດ້. ບິນໄປຕາມສາຍລົມມີຄວາມໃຝ່ຝັນເປັນປີກ, ກ້າຮັກກ້າເຮັດ, ກ້າບຸກຜ່າຫົວຝອງ, ເຖິງວ່າຈະປະສົບລົມແຮງຟອງຮ້າຍກໍ່ມີສາຍຕາທີ່ຮູ້ໃຈກັນໃຫ້ກຳລັງໃຈ……"
ທ່ານຜູ່ຟັງທີ່ຮັກແພງ, ເມື່ອໄດ້ຟັງເພງຂອງຄະນະນັກຮ້ອງເພດຊາຍຫຼາຍເພງແລ້ວ, ຕໍ່ໄປເຊີນຟັງເພງ" ເໝີຍລີ້ຊີງຊື້ເຈ້ ""ໂລກໃໝ່ທີ່ສວຍງາມ" ເຊິ່ງຂັບຮ້ອງໂດຍຄະນະຜູ່ສາວສາມຄົນທີ່ໃຫ້ຊື່ວ່າຄະນະS·H·E .
ຄະນະS·H·E ແມ່ນຄະນະນັກຮ້ອງເພດຍິງທີ່ໄດ້ຮັບຄວາມຊົມເຊີຍຫຼາຍກວ່າໝູ່ຂອງເວທີເພງສະໄໝຂອງຈີນດຽວນີ້. ໃນເພງ"ໂລກໃໝ່ທີ່ສວຍງາມ", ພວກເຂົາເຈົ້າຮ້ອງວ່າ, "ຄວນຮຽນນຳເດັກແດງ, ເຮັດໃຈກວ້າງກວ່າເກົ່າ. ເມື່ອໄດ້ຮ້ອງໄຫ້ແລ້ວກໍລືມໄປ, ຢ່າຈື່ຈຳເລື່ອງເສຍໃຈມື້ວານນີ້. ຄວາມມ່ວນຊື່ນແມ່ນທະເລ, ຂ້ອຍແມ່ນປີກທີ່ພາບິນ, ຕ້ອງການຄວາມເສລີ, ຢາກຊອກຫາໝູ່ເກາະນ້ອຍທີ່ເຫຼື້ອມມາບໆ, ຈັດເກາະເຫຼົ່ານີ້ໃຫ້ເປັນຮູບຍິ້ມທີ່ໃຫຍ່ໂຕ, ແລະຕັ້ງຊື່ໃຫ້ເປັນໝູ່ເກາະຄວາມສຸກ. ຄວາມຮັກຊົງຕົວຢູ່ໃນໂລກໃໝ່ທີ່ສວຍງານນີ້, ຂ້ອຍມັກຄວາມຮູ້ສຶກທີ່ໝັ້ນໃຈຕໍ່ຕົນເອງ. ຂ້ອຍເຫັນເວລາເຈົ້າຍິ້ມງາມດັ່ງເທວະທູດ, ນີ້ກໍແມ່ນຄວາມປະຫຼາດຂອງຄວາມຮັກ. ຂ້ອຍຍິນດີຢູ່ເປັນເພື່ອນເຈົ້າ, ໃຫ້ຫົວໃຈບໍ່ເຖົ້າຈັກເທື່ອ……"
ຄະນະ"ຮວາເອີ"ກໍແມ່ນຄະນະນັກຮ້ອງທີ່ໄດ້ຮັບຄວາມຊົມເຊີຍຫຼາຍ. ໃນຕອນມ້ວນທ້າຍລາຍການພາກນີ້, ພວກເຮົາຈະຈັດເພງ "ຮ້ວາເຕເຟິຍ" "ກາຍເປັນແມງກະເບື້ອບິນ"ທີ່ຂັບຮ້ອງໂດຍຄະນະ"ຮວາເອີ".
ທ່ານຜູ່ຟັງທີ່ຮັກແພງ, ລາຍການນັດພົບໃນວັນອາທິດມື້ນີ້ກໍຈົບລົງພຽງທໍ່ນີ້, ດາລາວັນກັບກຸຫຼາບ ຜູ່ຮຽບຮຽງຂອບໃຈທ່ານທີ່ຮັບຟັງ, ພົບກັນໃຫມ່ໃນລາຍການຫນ້າ, ສະບາຍດີ.
1 2
|
|
|
