|
ສະບາຍດີທ່ານຜູ່ຟັງທີ່ໂຄລົບ, ວັນທີ 9 ກໍລະກົດເວລາທ້ອງຖິ່ນ, ໃນການແຂ່ງຂັນຊີງຊະນະເລີດຕີຄູ່ເພດຍິງຂອງງານແຂ່ງຂັນເທັນນິສວິມເບີດັນອັງກິດໂອເພັນ, ນາງເຈິ້ງເຈກັບນາງອ້ຽນຈື ນັກກິລາຈີນໄດ້ຕີຊະນະຄູ່ແຂ່ງດ້ວຍຄະແນນ 2:1, ແລ້ວຊີງໄດ້ຂັນແຊມປຽນ ເຊິ່ງເປັນແຊມປຽນເທື່ອທຳອິດຂອງຈີນໃນງານແຂ່ງຂັນເທັນນິສວິມເບີດັນອັງກິດໂອເພັນ, ນີ້ກໍ່ແມ່ນຂັນແຊມປຽນແກຼນສະລາມຂັນທີສອງທີ່ສອງຄົນນີ້ຍາດມາໄດ້ຫຼັງຈາກງານແຂ່ງຂັນເທັນນິສອົສຕຼາລີໂອເພັນ. ໃນລາຍການໂລກກິລາພາກນີ້, ເຊີນຟັງບົດແຈ້ງຂ່າວປະກອບສຽງທີ່ພາດຫົວເລື່ອງວ່າ: "ນັກກິລາເທັນນິສຈີນເຂົ້າໃກ້ແຊມປຽນແກຼນສະລາມ".
ນາງເຈິ້ງເຈ(ຂວາ)ກັບນາງອ້ຽນຈືຊີງໄດ້ຂັນແຊມປຽນວິມເບີດັນ
ອັນທີ່ວ່າການແຂ່ງຂັນແກຼນສະລາມ, ແມ່ນປະກອບດ້ວຍການແຂ່ງຂັນເທັນນິສໂອເພັນຂະໜາດໃຫຍ່ 4 ປະເທດ ຄື ອົສຕຼາລີ ຝຣັ່ງ ວິມເບີດັນອັງກິດແລະອາເມລິກາ. ງານແຂ່ງຂັນໂອເພັນຂະໜາດໃຫຍ່ຂອງ 4 ປະເທດດັ່ງກ່າວແມ່ນງານແຂ່ງຂັນເທັນນິສທີ່ມີປະຫວັດຍາວນານກວ່າໝູ່ ລະດັບສູງກວ່າໝູ່ແລະແຂ່ງຂັນດຸເດືອດກວ່າໝູ່ໃນໂລກ, ຕາງໜ້າລະດັບສູງສຸດຂອງການກິລາເທັນນິສທົ່ວໂລກ. ໃນງານແຂ່ງຂັນເທັນນິສອົສຕຼາລີໂອເພັນເມື່ອເດືອນມັງກອນປີ 2006, ນາງເຈິ້ງເຈກັບນາງອ້ຽນຈື ນັກກິລາຈີນກໍຊີງໄດ້ແຊມປຽນລາຍການຕີຄູ່ເພດຍິງແລ້ວ, ພາຍຫຼັງມາ, ສອງຄົນຊີງໄດ້ແຊມປຽນງານແຂ່ງຂັນເທັນນິສເຢຍລະມັນໂອເພັນ ເຊິ່ງແມ່ນງານແຂ່ງຂັນອັນດັບໜຶ່ງຂອງສະມາຄົມເທັນນິສເພດຍິງອາຊີບ ຫຼື WTA, ພວກເຂົາເຈົ້າໄດ້ເຂົ້າໃນຖັນແຖວແຕ່ທີ 1 ຮອດທີ 10 ໃນການລຽງລຳດັບຕີຄູ່ເພດຍິງຂອງໂລກ. ໃນງານແຂ່ງຂັນເທັນນິສຝຣັ່ງໂອເພັນທີ່ຈັດຂຶ້ນໃນເດືອນພຶດສະພາ, ນາງເຈິ້ງເຈກັບນາງອ້ຽນຈືໄດ້ເຂົ້າຮອບ 4 ທີມສຸດທ້າຍ; ໃນງານແຂ່ງຂັນວິມເບີດັນໂອເພັນທີ່ຫາກໍ່ສິ້ນສຸດລົງນັ້ນ, ສອງຄົນຊີງໄດ້ແຊມປຽນອີກ, ໄດ້ສ້າງຜົນງານດີທີ່ສຸດຂອງນັກກິລາຈີນໃນງານແຂ່ງຂັນດັ່ງກ່າວ.
ຊີງໄດ້ອີກໜຶ່ງຄະແນນ
ພາຍຫຼັງນາງເຈິ້ງເຈກັບນາງອ້ຽນຈືຊີງໄດ້ແຊມປຽນງານແຂ່ງຂັນວິມເບີດັນໂອເພັນແລ້ວ, ສື່ມວນຊົນເອີລົບໄດ້ພາກັນວິຈານ, ຍ້ອງຍໍນັກກິລາເທັນນິສເພດຍິງຈີນຊີງໄດ້ຜົນງານດີເດັ່ນ. ນາງຈ້າວຢາງ ນັກຂ່າວ CRI ປະຈຳອັງກິດໄດ້ລາຍງານຂ່າວຈາກອັງກິດວ່າ:
"ກິລາເອີລົບ" ເຊິ່ງແມ່ນວິທະຍຸຊ່ອງກິລາໃຫຍ່ກວ່າໝູ່ຂອງເອີລົບໄດ້ວິຈານວ່າ, ນາງເຈິ້ງເຈກັບນາງອ້ຽນຈືໄດ້ຕໍ່ເທບນິຍາຍຢູ່ສະໂມສອນທົ່ວອັງກິດອີກ, ກາຍເປັນນັກກິລາຈີນຄູ່ທຳອິດທີ່ຊີງໄດ້ແຊມປຽນລາຍການຕີຄູ່ເພດຍິງວິມເບີດັນໂອເພັນ. ການຕີຄູ່ເພດຍິງໄດ້ສະແດງໃຫ້ເຫັນກຳລັງລະດັບໂລກຂອງຄົນຈີນ. ຄວາມຈິງສະແດງໃຫ້ເຫັນວ່າ, ນາງເຈິ້ງເຈກັບນາງອ້ຽນຈື ນັກກິລາຕີຄູ່ຂອງຈີນຊີງໄດ້ແຊມປຽນໃນງານແຂ່ງຂັນເທັນນິສອົສຕຼາລີໂອເພັນໃນປີນີ້ບໍ່ແມ່ນເລື້ອງບັງເອີນ. ຈີນໄດ້ກາຍເປັນປະເທດເຂັ້ມແຂງຂອງລາຍການຕີຄູ່ເພດຍິງແລ້ວ.
ຊີງໄດ້ອີກໜຶ່ງຄະແນນ
1 2
|
