|
ບໍ່ຕ້ອງສົງໄສເລີຍວ່າ ໃນລາຍການຕີຄູ່ເພດຍິງ, ຈີນໄດ້ບັນລຸລະດັບໂລກແລ້ວ. ພ້ອມກັນນັ້ນ, ໃນລາຍການຕີດ່ຽວເພດຍິງທີ່ດຸເດືອດກວ່ານັ້ນ, ນັກກິລາຈີນກໍມີຄວາມກ້າວໜ້າຢ່າງເດັ່ນຊັດ. ໃນງານແຂ່ງຂັນເທັນນິສວິມເບີດັນໂອເພັນປີນີ້, ນາງລີນ້າ ນັກກິລາຈີນໄດ້ເຂົ້າຮອບ 8 ຄົນສຸດທ້າຍ, ນີ້ແມ່ນຜົນງານດີທີ່ສຸດຂອງນັກກິລາຕີດ່ຽວເພດຍິງຈີນໃນງານແຂ່ງຂັນແກຼນສະລາມ. ກ່ອນໜ້ານີ້, ນາງລີນ້າຍັງເປັນທີ 30 ໃນການລຽງລຳດັບຕີດ່ຽວເພດຍິງຂອງໂລກ, ເປັນຜູ່ຄອງລຳດັບສູງສຸດຂອງນັກກິລາຈີນ. ນອກຈາກນາງລີນ້າແລ້ວ, ການຕີດ່ຽວຂອງນາງເຈິ້ງເຈແລະນາງເຜິງຊວ້າຍເປັນຕົ້ນກໍ່ໄດ້ກ້າວໜ້າເປັນເທື່ອລະກ້າວ.
ເປັນຫຍັງນັກກິລາຈີນຊີງໄດ້ແຊມປຽນແກຼນສະລາມໃນເວລາອັນສັ້ນໆ? ສາເຫດແມ່ນຈີນຍຶດໝັ້ນເດີນຕາມເສັ້ນທາງຫັນເປັນອາຊີບ, ກໍ່ຄື ເຂົ້າຮ່ວມງານແຂ່ງຂັນເທັນນິສອາຊີບຂອງ WTA ເລື້ອຍໆແລະຮອບດ້ານ. ແຕ່ກ່ອນ, ວົງການເທັນນິສສາກົນໄດ້ຮັບຮອງວ່າ, ເຕັກນິກຂອງນັກກິລາຈີນດີສົມຄວນ, ແຕ່ຍັງຂາດເຂີນບົດຮຽນການແຂ່ງຂັນ. ຜ່ານຈາກການຝຶກຝົນຫຼໍ່ຫຼອມຂອງງານແຂ່ງຂັນອາຊີບແຕ່ປີ 2004 ເຖິງປີ 2006, ນັກກິລາຈີນກໍ່ເຂົ້າໃກ້ແຊມປຽນແກຼນສະລາມແລ້ວ, ທົ່ວໂລກມີຄວາມປະທັບໃຈອັນເລິກເຊິ່ງຕໍ່ກຳລັງບົ່ມຊ້ອນຂອງພວກເຂົາເຈົ້າ.
ສອງຄົນໂບກມືສະແດງຄວາມໂຄລົບຕໍ່ຜູ່ຊົມພາຍຫຼັງຊີງໄດ້ຂັນແຊມປຽນ
ປັດຈຸບັນ ຖານະຂອງກິລາເທັນນິສຈີນໄດ້ສູງຂຶ້ນຫຼາຍແລ້ວໃນໂລກແກຼນສະລາມ, ແຕ່ສິ່ງທີ່ວົງການເທັນນິສຈີນຍິ່ງເອົາໃຈໃສ່ນັ້ນແມ່ນກຳລັງຕົວຈິງຂອງນັກກິລາຈີນສູງຂຶ້ນ, ທ່ານຈ່ຽງຫົງເວິຍ ຄູ່ຝຶກເທັນນິສຈີນກ່າວເນັ້ນວ່າ: ຈະບໍ່ໃຫ້ຜູ່ອື່ນເຫັນຕໍ່ໄປວ່າ, ນັກກິລາຈີນຊີງໄດ້ແຊມປຽນແມ່ນເລື້ອງບັງເອີນທັງນັ້ນ. ທ່ານເວົ້າວ່າ: ແຕ່ກ່ອນ ຜູ່ອື່ນມັກເວົ້າວ່າ, ພວກເຮົາຊີງໄດ້ແຊມປຽນແມ່ນເລື້ອງບັງເອີນ. ດຽວນີ້ພວກເຮົາຕ້ອງປ່ຽນເລື້ອງບັງເອີນມາເປັນເລື້ອງທີ່ຕ້ອງເປັນໄປ, ແລ້ວສະແດງເຖິງກຳລັງແທ້ຈິງຂອງພວກເຮົາ.
ສອງຄົນໂບກມືສະແດງຄວາມໂຄລົບຕໍ່ຜູ່ຊົມພາຍຫຼັງຊີງໄດ້ຂັນແຊມປຽນ
ໃນການແຂ່ງຂັນເທັນນິສແກຼນສະລາມຫຼາຍຄັ້ງຂອງປີນີ້, ນັກກິລາຈີນໄດ້ສະແດງໃຫ້ເຫັນກຳລັງແທ້ຈິງຂອງຕົນຕໍ່ທົ່ວໂລກແລ້ວ. ເປົ້າໝາຍຂອງພວກເຂົາເຈົ້າໃນພາຍໜ້າແມ່ນສືບຕໍ່ຊີງເອົາຜົນງານດີເດັ່ນໃນງານກິລາໂອລິມປິກປັກກິ່ງ, ແລະຊີງເອົາແຊມປຽນແກຼນສະລາມຫຼາຍກວ່າເກົ່າອີກ.
1 2
|
