|
ປີນີ້ແມ່ນວິທະຍຸສາກົນແຫ່ງປະເທດຈີນພວກເຮົາສ້າງຕັ້ງຂຶ້ນຄົບຮອບ 65 ປີ,ໃນໂອກາດນີ້,ວິທະຍຸພວກເຮົາໄດ້ຈັດການເສັງຄວາມຮູ້ທີ່ມີລາງວັນເຊິ່ງມີຫົວຂໍ້ວ່າ"ຂ້ອຍກັບ CRI".ຜູ້ຟັງປະເທດຕ່າງໆໄດ້ເຂົ້າຮ່ວມຢ່າງຫຼວງຫຼາຍ.ວິທະຍຸ CRI ໄດ້ມີມິດລາຍການໃໝ່ຫຼາຍທ່ານ.ຕາມສະຖິຕິຫຼ້າສຸດ,ໃນ 6 ເດືອນຕົ້ນປີນີ້,ວິທະຍຸພວກເຮົາໄດ້ຮັບຈົດໝາຍຈາກຜູ້ຟັງ 1 ລ້ານ 3 ແສນ 5 ໝື່ນກວ່າສະບັບ.ອັນນີ້ໄດ້ຕອບສະໜອງຄະຕິທີ່ທ່ານຈຽງເຈີມີນ ອະດີດປະທານປະເທດຈີນໄດ້ຂຽນໃຫ້ວິທະຍຸພວກເຮົາຄື"ກະຈາຍສຽງໄປສູ່ 5 ທະວີບ,ເພື່ອນມິດມີຢູ່ທົ່ວໂລກ".
ຄື້ນວິທະຍຸໄດ້ສ້າງຂົວມິດຕະພາບ,ສ່ວນງານພົບປະກັບຜູ້ຟັງໄດ້ກາຍເປັນໂອກາດດີທີ່ເພື່ອນມິດລາຍການໄດ້ມາເຕົ້າໂຮມກັນ.ຫວ່າງກ່ອນນີ້,ງານພົບປະຜູ້ຟັງຣັດເຊຍຂອງວິທະຍຸ CRI ທີ່ມີສີສັນພິເສດກໍ່ໄດ້ຈັດຂຶ້ນຢູ່ນະຄອນອູລານອູເດ ເທດສະບານສາທາລະນະລັດບູຣີອາຊີຂອງຣັດເຊຍ.ໃນລາຍການພາກນີ້,ຂໍນຳພາທ່ານໄປສຳຜັດກັບບັນຍາກາດທີ່ເບີກບານມ່ວນຊື່ນຂອງງານເທື່ອນີ້.
ບ່າຍ3ໂມງວັນທີ31ກໍລະກົດຕາມເວລາທ້ອງຖິ່ນ,ຜູ້ຟັງພາສາຣັດເຊຍສິບກວ່າຄົນທີ່ອາຍຸແລະອາຊີບຕ່າງກັນຂອງເມືອງອູລານອູເດໄດ້ຍ່າງເຂົ້າຫ້ອງປະຊຸມທີ່ຢູ່ຊັ້ນ2ຂອງໂຮງແຮມບູຣີອັງຊີ,ເພື່ອນມິດຜູ້ຟັງເຫຼົ່ານີ້ລ້ວນແຕ່ແມ່ນຜູ້ທີ່ຕິດຕາມລາຍການພາສາຣັດເຊຍຂອງວິທະຍຸCRI,ພວກເຂົາເຈົ້າຍັງໄດ້ຈັດສະໂມສອນຜູ້ຟັງໂດຍຕົນເອງ.ເນື່ອງໃນໂອກາດທີ່ຂະບວນລົດນັກຂ່າວຂະໜາດໃຫຍ່"ການເດິນທາງມິດຕະພາບຈີນຣັດເຊຍ"ໄດ້ໄປແວ່ອູລານອູເດນັ້ນ ມືຂອງຄົນສອງປະເທດໄດ້ສຳຜັດກັນຢ່າງແນມແໜ້ນ.
ເພື່ອຕ້ອນຮັບຄະນະສຳພາດຂອງຈີນ,ທ່ານອາຊາລານົຟ.ບູດາຊັບປະທານສະໂມສອນຜູ້ຟັງພາສາຣັດເຊຍວິທະຍຸCRIຂອງເມືອງອູລານອູເດໃນຖານະທີ່ເປັນຕົວແທນຂອງຜູ້ຟັງໄດ້ອ່ານກາບກອນ3ບົດທີ່ທ່ານແຕ່ງເອງ,ແລະຮ້ອງເພງສູ່ຟັງກ່ອນຮ້ອງເພງ,ທ່ານເວົ້າວ່າ,
"ເພື່ອນມິດທີ່ຮັກແພງທັງຫຼາຍ,ດີໃຈຫຼາຍທີ່ໄດ້ພົບກັບພວກທ່ານຢູ່ທີ່ນີ້.ການພົບພວກທ່ານເທື່ອທຳອິດຂໍຮ້ອງເພງມອບໃຫ້ບັນດາວິລະຊົນທີ່ເຄີຍສູ້ລົບຢູ່ມັງຊູລົງ ແລະ ປະເທດຈີນ ເຊິ່ງເປັນປະເທດໃກ້ຄຽງອັນຍິ່ງໃຫຍ່. ເພື່ອປັບປຸງການພົວພັນລະຫວ່າງຈີນກັບຣັດເຊຍໃຫ້ໝັ້ນຄົງແລະຂະຫຍາຍຕົວ,ພວກເຮົາມາຮ້ອງເພງນຳກັນແທາະ."
ພາຍໃຕ້ການຊັກຊວນຂອງທ່ານ,ຜູ້ຟັງຜູ້ອື່ນຍັງໄດ້ຮ້ອງເພງ"ກາຕຸດຊາ" ເພງທີ່ລືຊື່ຂອງຣັດເຊຍແລະເພງມິດຕະພາບຈີນຣັດເຊຍທີ່ພວກເຂົາເຈົ້າແຕ່ງເອງສູ່ສະມາຊິກຂະບວນລົດຟັງຢູ່,ໃນຫ້ອງປະຊຸມທີ່ບໍ່ໃຫຍ່ປານໃດນັ້ນ,ສຽງຕົບມື ໄດ້ດັງກ້ອງຢ່າງບໍ່ຂາດສາຍ.
ນັກຂ່າວທີ່ໄປລາຍງານການເດີນທາງຂ້າມປະເທດຄັ້ງຍິ່ງໃຫຍ່ທີ່ມີຊື່ວ່າ"ການເດິນທາງມິດຕະພາບຈີນຣັດເຊຍ"ທີ່ວິທະຍຸສາກົນແຫ່ງປະເທດຈີນເປັນຜູ້ຈັດການນັ້ນເດີນທາງຮອດອູລານອູເດໃນວັນທີ30ກໍລະກົດຜ່ານມານີ້.ສາທາລະນະລັດບູຣີອັງຊີທີ່ອູລານອູເດຂຶ້ນກັບນັ້ນແມ່ນສາທາລະນະລັດແຫ່ງໜຶ່ງໃນ21ສາທາລະນະລັດຂອງສະຫະພັນຣັດເຊຍ,ພາກໃຕ້ຕິດກັບມົງໂກລີ,ມີເນື້ອທີ່
3ແສນ5ໝື່ນກວ່າກິໂລຕາແມັດ,ມີປະຊາກອນປະມານ1ລ້ານ5ໝື່ນຄົນ.ຊາວຈີນຕ່າງດ້າວຢູ່ອູລານອູເດມີ4500ກວ່າຄົນ,ທ່ານວາງຊິເຈ໋ ປະທານ"ສະມາຄົມມິດຕະພາບຈີນຣັດເຊຍ"ເມືອງອູລານອູເດກໍ່ໄດ້ໄປສະຖານທີ່ຈັດງານພົບປະຜູ້ຟັງ"ໃນເທື່ອນີ້",ທ່ານເວົ້າວ່າ
"ການເຄື່ອນໄຫວເທື່ອນີ້ມີຄວາມໝາຍສຳຄັນອັນເລິກເຊິ່ງເພື່ອສົ່ງເສີມຄວາມເຂົ້າໃຈກັນແລະມິດຕະພາບລະຫວ່າງປະຊາຊົນຈີນກັບປະຊາຊົນຣັດເຊຍ,ນອກນີ້,ກໍ່ມີຄວາມໝາຍສຳຄັນຕໍ່ຊາວຈີນຕ່າງດ້າວແລະນັກທຸລະກິດຈີນທີ່ດຳລົງຊີວິດຢູ່ຣັດເຊຍ,ເພາະວ່າການເຄື່ອນໄຫວນີ້ຈະປະກອບສ່ວນປັບປຸງສະພາບແວດລ້ອມແລະເງື່ອນໄຂການດຳລົງຊິວິດແລະສ້າງພາລະກິດຂອງຊາວຈີນຕ່າງດ້າວໃຫ້ດີຂຶ້ນ,ສະນັ້ນ,ຂ້າພະເຈົ້າຂໍຕາງໜ້າ"ສະມາຄົມມິດຕະພາບຈີນຣັດເຊຍ"ແລະພີ່ນ້ອງຮ່ວມຊາດທີ່ອາໄສຢູ່ຕ່າງປະເທດອັນໄພສານ,ຕ້ອນຮັບແລະຂອບໃຈຂະບວນລົດ"ການເດິນທາງມິດຕະພາບຈີນຣັດເຊຍ"ທີ່ມາແວ່ຢາມອູລານອູເດຢ່າງສຸດອົກສຸດໃຈ."
ນອກຈາກລາຍການສະແດງທີ່ມີຊີວິດຊີວາ,ໃນງານພົບປະກັບຜູ້ຟັງ,ທ່ານອິນລີ້ຫົວໜ້າສູນຂ່າວຂອງວິທະຍຸສາກົນແຫ່ງປະເທດຈີນກໍໄດ້ແນະນຳກ່ຽວກັບ"ການເດິນທາງມິດຕະພາບຈີນຣັດເຊຍ"ໃຫ້ເພື່ອນມິດຜູ້ຟັງຮູ້,ແລະໄດ້ສາຍຟິມວິດີໂອອັນໜ້າເບິ່ງ.ເມື່ອເວົ້າເຖິງມິດຕະພາບລະຫວ່າງຈີນກັບຣັດເຊຍ,ທ່ານເວົ້າວ່າ,
"ຈີນກັບຣັດເຊຍແມ່ນປະເທດໃຫຍ່ທີ່ເປັນບ້ານໃກ້ເຮືອນຄຽງທີ່ດີ,ການຂະຫຍາຍໄມຕິຈິດແລະການຮ່ວມມືເຊິ່ງກັນແລະກັນແມ່ນພື້ນຖານທີ່ສອງປະເທດຈະເລີນພ້ອມກັນ,ສະນັ້ນ,ພວກເຮົາຢາກບັນທຶກການພັດທະນາຕົວຈິງຂອງຣັດເຊຍດ້ວຍຕາ,ປາກກາແລະກ້ອງຖ່າຍວິດີໂອຂອງນັກຂ່າວຈີນ.ໃນງານພົນປະຜູ້ຟັງ,ນັກຂ່າວສື່ມວນຊົນທີ່ສຳຄັນຂອງຈີນ ເຊັ່ນ,ຂ່າວສານຊິນຮວາແລະໜັງສືພິມເຢິນມິນຢື້ປ້າວເປັນຕົ້ນທີ່ເດີນທາງມານຳກັນກໍ່ໄດ້ໂອ້ລົມກັບຜູ້ຟັງດ້ວຍໄມຕີຈິດຢ່າງເບີກບານມ່ວນຊື່ນ.ໃນຕອນທ້າຍ,ໝົດທຸກຄົນໃນງານພົບປະໄດ້ພ້ອມກັນຮ້ອງເພງລາຕີໄດ້ເຮັດໃຫ້ບັນຍາກາດຟົດຟື້ນເປັນພິເສດ.
1 2
|
