|
ທ່ານຜູ້ຟັງທີ່ເຄົາລົບ,ຊາວຈີນມັກເວົ້າວ່າ"ເລື່ອງດີສອງອັນເປັນຄູ່ກັນ".ປີນີ້ບໍ່ພຽງແຕ່ແມ່ນປີລະລຶກວິທະຍຸ CRI ສ້າງຕັ້ງຂຶ້ນຄົບຮອບ 65 ປີເທົ່ານັ້ນ,ຫາກຍັງແມ່ນປີລະລຶກການກະຈາຍສຽງພາກພາສາລາວຄົບຮອບ 50 ປີ.ໃນເຄິ່ງສະຕະວັດທີ່ຜ່ານມາ,ຜ່ານຈາກຄື້ນວິທະຍຸ,ພວກເຮົາໄດ້ຜູກມິດກັນກັບຜູ້ຟັງລາວຢ່າງຫຼວງຫຼາຍ,ການຮັບຟັງລາຍການພາກພາສາລາວຂອງ CRI ໄດ້ກາຍເປັນຄວາມນິຍົມຊົມຊອບຂອງພວກເພີ່ນ,ພວກເຮົາກໍ່ໄດ້ຮັບກຳລັງໃຈແລະການສະໜັບສະໜູນຈາກເພື່ອນມິດຜູ້ຟັງ.
ຂອບໃຈເພື່ອນມິດຜູ້ຟັງທັງຫຼາຍທີ່ມັກຟັງລາຍການຂອງພວກເຮົາ,ເພື່ອສະຫຼອງລາຍການພາກພາສາລາວທີ່ເລີ່ມອອກອາກາດມາໄດ້ 50 ປີແລ້ວ,ພາຍຫຼັງການເສັງຄວາມຮູ້"ຂ້ອຍກັບ CRI"ສິ້ນສຸດລົງໃນວັນທີ 1 ກັນຍາແລ້ວ,ພະແນກພາສາລາວພວກເຮົາຈະຈັດໃຫ້ມີການຄັດເລືອກໂຄສົກທີ່ຜູ້ຟັງມັກທີ່ສຸດແລະຈະມີລາງວັນໃຫ້ໃນລາຍການກະຈາຍສຽງແລະເວັບໄຊຂອງພວກເຮົາ,ແລະກໍ່ຍັງມີແຜນຈະໄປລາວເພື່ອຈັດງານພົບປະກັບຜູ້ຟັງກ່ອນທ້າຍປີນີ້,ແລະມອບລາງວັນໃຫ້ຜູ້ຟັງ,ພວກເຮົາຫວັງເປັນຢ່າງຍິ່ງວ່າຈະມີຜູ້ຟັງລາຍການນັບມື້ນັບຫຼາຍຂຶ້ນ,ພ້ອມທັງຮ່ວມກິດຈະການຕ່າງໆນຳພວກເຮົາແລະຊ່ວຍປະກອບຄຳຄິດຄຳເຫັນເພື່ອໃຫ້ພວກເຮົາຈັດທຳລາຍການໃຫ້ໜ້າຟັງກວ່າເກົ່າ.
ມາເປັນເພື່ອນກັນ,ສຽງເພງກໍ່ເປັນສຽງຈາກໃຈຂອງພະນັກງານ CRI ທັງໝົດ,ຫວັງໃຫ້ມີເພື່ອນມິດລາຍການຄົນລາວນັບມື້ນັບຫຼາຍມາເຂົ້າຮ່ວມວົງຄະນາຍາດໃຫຍ່ຂອງຜູ້ຟັງວິທະຍຸ CRI,ແລະກໍ່ຫວັງໃຫ້ມິດລາຍການຫຼາຍກວ່າເກົ່າໄດ້ເປັນຜູ້ໂຊກດີຮັບລາງວັນຈາກພວກເຮົາ,ເພື່ອມີໂອກາດໄດ້ມາທ່ອງທ່ຽວຢູ່ຈີນ！
ໃນຕອນທ້າຍລາຍການພາກນີ້,ພວກເຮົາຂໍແຈ້ງໃຫ້ທ່ານຜູ້ຟັງທີ່ພວມຟັງລາຍການຂອງພວກເຮົານັ້ນຊາບອີກເທື່ອໜຶ່ງ,ການເສັງຄວາມຮູ້"ຂ້ອຍກັບ CRI"ຈະສິ້ນສຸດລົງໃນວັນທີ 1 ກັນຍາ,ຄຳຖາມຕ່າງໆທີ່ຕ້ອງການໃຫ້ທ່ານຕອບນັ້ນແມ່ນ:
1,ໂຄສົກຜູ້ທຳອິດຂອງພາລະກິດກະຈາຍສຽງຕໍ່ຕ່າງປະເທດຂອງຈີນແມ່ນໃຜ?
2,ເດືອນເມສາປີ 1950,ວິທະຍຸພວກເຮົາຊື່ຫຍັງ?
3,ປະຈຸບັນ,ຢູ່ແຫ່ງຕ່າງໆຂອງໂລກ,ວິທະຍຸສາກົນແຫ່ງປະເທດຈີນພວກເຮົາລວມມີຫ້ອງການນັກຂ່າວເທົ່າໃດແຫ່ງ?
4,ປະຈຸບັນ,ວິທະຍຸສາກົນແຫ່ງປະເທດຈີນພວກເຮົາກະຈາຍສຽງຕໍ່ທົ່ວໂລກດ້ວຍເທົ່າໃດພາສາຊູ່ມື້?
5,ວິທະຍຸສາກົນແຫ່ງປະເທດຈີນໄດ້ສ້າງວິທະຍຸFMພົ້ນທະເລແຫ່ງທຳອິດຢູ່ປະເທດໃດ?
6,ແວບໄຊຂອງວິທະຍຸສາກົນແຫ່ງປະເທດຈີນຊື່ຫຍັງ?
7,ປະຈຸບັນ,ວິທະຍຸສາກົນແຫ່ງປະເທດຈີນໄດ້ສ້າງສະໂມສອນຜູ້ຟັງເທົ່າໃດແຫ່ງຢູ່ຕ່າງປະເທດ?
8,ປີ 2005,ວິທະຍຸສາກົນແຫ່ງປະເທດຈີນໄດ້ຮັບຈົດໝາຍຂອງຜູ້ຟັງເທົ່າໃດສະບັບ?
ຍິນດີຕ້ອນຮັບທ່ານເຂົ້າຮ່ວມ,ຂໍໃຫ້ທ່ານຈົ່ງໂຊກດີ.
ທ່ານຜູ້ຟັງທີ່ເຄົາລົບ,ກ່ຽວກັບຄຳຕອບຂອງການເສັງຄວາມຮູ້ທີ່ມີລາງວັນເທື່ອນີ້,ທ່ານສາມາດກວດເບິ່ງໃນເວັບໄຊຂອງພວກເຮົາໄດ້,ຫຼືຮັບຟັງລາຍການຕ່າງໆຂອງພວກເຮົາທີ່ຈະອອກອາກາດຄືນໃໝ່ແຕ່ວັນທີ 6 ສິງຫາເປັນຕົ້ນໄປກໍ່ໄດ້,ຊອກຫາຄຳຕອບ,ແລະຝາກຄຳຕອບໃຫ້ພວກເຮົາໄວເທົ່າໃດຍິ່ງດີ,ທ່ານອາດຈະເປັນຜູ້ໜຶ່ງທີ່ໂຊກດີໄດ້ມາຮັບເອົາລາງວັນຢູ່ຈີນ.
1 2
|
