|
ງານແຂ່ງຂັນການຟ້ອນຊີງຂັນຖາວຫລີ້ຄັ້ງທີ 8 ຂອງຈີນທີ່ຈັດເປັນເວລາ 10 ມື້ໄດ້ອັດລົງແລ້ວຢູ່ປັກກິ່ງໃນຫວ່າງມໍ່ໆນີ້,ງານແຂ່ງຂັນເທື່ອນີ້ໄດ້ດຶງດູດນັກຟ້ອນ 3600 ກວ່າຄົນຈາກ 107 ຫົວຫນ່ວຍມາເຂົ້າຮ່ວມ,ໃນນັ້ນ, ລວມທັງນັກຟ້ອນຈີນທີ່ອາໃສຢູ່ອາເມລິກາແລະສິງກະໂປແລະແຫ່ງຕ່າງໆ,ແລະເປັນຄັ້ງໃຫຍ່ກວ່າຫມູ່ໃນປະຫວັດສາດຂອງງານແຂ່ງຂັນການຟ້ອນຊີງຂັນຖາວຫລີ້.
ທີ່ທ່ານໄດ້ຍິນຢູ່ນີ້ແມ່ນດົນຕີປະກອບການຟ້ອນໃນການແຂ່ງຂັນການຟ້ອນຊົນເຜົ່າຈີນລະດັບ A ຮອບຊີງຊະນະເລີດ,ດົນຕີປະກອບການຟ້ອນນີ້ລ້ວນແຕ່ເສບດ້ວຍເຄື່ອງດົນຕີດັ້ງເດີມຂອງບັນດາຊົນເຜົ່າ.ໃນການແຂ່ງຂັນການຟ້ອນຊົນເຜົ່າ, ມີການຟ້ອນເຜົ່າຕິເບດທີ່ຮຽນແບບທ່າທີການເຄື່ອນໄຫວຂອງໂຕເຍືອງຕິເບດ, ມີການຟ້ອນທີ່ວາດພາບເຖິງພະຊາຍາເຜົ່າໄວອູເອີຕອນໄປລ່າເນື້ອ.ລະບຳ"ຈັນຫາ"ເຊິ່ງເປັນລະບຳເຜົ່າໄທລື້ຊີງໄດ້ທີສອງຂອງປະເພດລະບຳຊົນເຜົ່າເພດຍິງ,ນາງຊົ້ງເຈ ນັກຟ້ອນຂອງລະບຳປະເພດນີ້ແມ່ນນັກສຶກສາວິຊາການຟ້ອນທີ່ມາຈາກຊຽງໄຮ້,ນາງໄດ້ນຸ່ງສິ້ນເຜົ່າໄທລື້ສີຄາມ,ວາດຟ້ອນທີ່ອອນຊອນໄດ້ດຶງດູດເອົາສຽງຕົບມື້ຢ່າງຟົດຟື້ນ.ພາຍຫລັງຟ້ອນແລ້ວ, ນາງໃຫ້ສຳພາດຕໍ່ນັກຂ່າວ,ນາງໄດ້ແນະນຳການຟ້ອນດັ່ງກ່າວວ່າ:
ລະບຳ"ຈັນຫາ"ໄດ້ສະແດງເຖິງຄວາມຮັກລະຫວ່າງບ່າວສາວເຜົ່າໄທລື້,ມີສີສັນການຟ້ອນຂອງເຜົ່າໄທລື້,ທັງໄດ້ປະສານກັບຄວາມຮູ້ສຶກໃນໃຈແລະປະສົບການຂອງຕົນເອງ,ກ່ອນອື່ນແມ່ນຜູ່ສາວທີ່ໄຮ້ດຽງສາເບິ່ງເງົາໃນນ້ຳ,ຮູ້ສຶກວ່າຕົນເອງງາມຫລາຍ, ທັງຈ້ອງມອງຄວາມຮັກ.ຄົນທັງຫລາຍມັກຖືວ່າຜູ່ສາວເຜົ່າລື້ເປັນຄົນອ່ອນໂຍນ,ທີ່ຈິງພວກເຂົາເຈົ້າກໍ່ມີນິດໃສທີ່ເຝິກບໍ່ລອນສອນບໍ່ເປັນ,ມ້ວນທ້າຍຂອງລະບຳນີ້ກໍ່ໄດ້ສະແດງເຖິງນິດໃສດັ່ງກ່າວ ຂອງຊາວເຜົ່າລື້.
1 2 3 4
|
