ໃນ 21 ປີຕັ້ງແຕ່ສ້າງຕັ້ງຂຶ້ນມາຈົນຮອດປັດຈຸບັນ,ກໍ່ຍ້ອນມີນັກຟ້ອນທຸກເຊັ່ນຄົນທຳຄວາມພະຍາຍາມ,ເຮັດໃຫ້ລະດັບການຟ້ອນຂອງຈີນໄດ້ຍົກສູງຂຶ້ນເລື້ອຍໆ.ທ່ານເສີນເຟີຍຮວາ ຜູ່ຮັບຜິດຊອບງານປະກວດເຫັນວ່າ, ໃນການແຂ່ງຂັນປີນີ້, ຈາກນັກຟ້ອນຈົນຮອດການຟ້ອນລ້ວນແຕ່ໄດ້ຮັບການຍົກສູງຂຶ້ນຢ່າງ ຮອບດ້ານ, ໄດ້ບັນລຸຈຸດປະສົງທີ່ແລກປ່ຽນຜົນງານແລະກໍ່ສ້າງຜູ່ໃຫມ່.ໃນຖານະເປັນງານແຂ່ງຂັນການຟ້ອນທີ່ມີລະດັບສູງສຸດຂອງຈີນ, ຂັນຖາວຫລີ້ໄດ້ກາຍເປັນສະຖານທີ່ຮຽນແລະແລກປ່ຽນບົດຮຽນແກ່ນັກຟ້ອນທັງຫລາຍ.ຄະນະກຳ ມະການຈັດງານແຂ່ງຂັນເທື່ອນີ້ໄດ້ເຊີນຊາວຈີນທີ່ອາໃສຢູ່ຕ່າງປະເທດຈຳ ນວນຫນຶ່ງມາເຂົ້າຮ່ວມ, ເພື່ອເຜີຍແຜ່ຊື່ສຽງຂອງຂັນຖາວຫລີ້.ປີນີ້ ມີນັກຟ້ອນທີ່ມາຈາກອາເມລິກາ ສິງກະໂປ ເຂດຮົງກົງ ມາກາວແລະໄຕ້ຫວັນຂອງຈີນມາຮ່ວມ. ທ່ານເສີນຊົງເຈຍແມ່ນອາຈານສອນການຟ້ອນທີ່ມາຈາກໄຕເປ, ທ່ານໄດ້ຮູ້ຂັນຖາວຫລີ້ໂດຍຜ່ານການໂອ້ລົມກັບຫມູ່ຮ່ວມອາຊີບດຽວກັນຜ່ານທາງອິນເທີແນັດ.ສະນັ້ນ, ທ່ານໄດ້ພານັກຟ້ອນເພດຍິງທີ່ມີອາຍຸ 17 ປີຜູ່ຫນຶ່ງມາຮ່ວມການແຂ່ງຂັນ.ທ່ານເວົ້າວ່າ:
ຂ້າພະເຈົ້າໄດ້ພານັກຟ້ອນຜູ່ຫນຶ່ງມາຮ່ວມການແຂ່ງຂັນ,ຫວັງວ່າຜູ່ນີ້ຈະສາມາດຍົກລະດັບຄວາມສາມາດດ້ານສິນລະປະຂອງຕົນເອງໃຫ້ສູງຂຶ້ນ.ໃນການແຂ່ງຂັນການຟ້ອນລະຫວ່າງສອງຝັ່ງຊ່ອງແຄບໄຕ້ຫວັນ, ການຟ້ອນຂອງໄຕ້ຫວັນຈຸດຫນັກແມ່ນການຟ້ອນແບບທັນສະໄຫມ, ການຂະຫຍາຍຕົວກໍ່ໄວຫລາຍ, ແຕ່ການຟ້ອນຊົນເຜົ່າພັດຍັງຢຸດຢູ່ກັບໃນການຟ້ອນງິ້ວ. ຂ້າພະເຈົ້າຫວັງວ່າຜ່ານການເຂົ້າຮ່ວມການແຂ່ງຂັນການຟ້ອນຊີງຂັນຖາວຫລີ້,ຈະຊຸກຍູ້ການແລກປ່ຽນການຟ້ອນຊົນເຜົ່າເຊິ່ງກັນແລະກັນ, ເຮັດໃຫ້ເດັກນ້ອຍໄຕ້ຫວັນຫລາຍກວ່າເກົ່າໄດ້ຮຽນການຟ້ອນຊົນເຜົ່າຂອງແຜ່ນດິນໃຫຍ່ປະເທດຊາດ.
ນອກນີ້, ເພື່ອເຮັດໃຫ້ການແຂ່ງຂັນປີນີ້ໄດ້ຮັບຜົນດີທີ່ສຸດ, ຝ່າຍຈັດການແຂ່ງຂັນໄດ້ເຊົ່າໂຮງລະຄອນຊັ້ນຍອດສາມແຫ່ງ, ອຸປະກອນເຄື່ອງສຽງແລະໄຟຟ້າລ້ວນແຕ່ຢູ່ໃນລະດັບຫນຶ່ງ.ການແຂ່ງຂັນເທື່ອນີ້ໄດ້ດຶງດູດຜູ່ຮັກຫອມການຟ້ອນຢ່າງຫລວງຫລາຍ. ນັກຂ່າວໄດ້ຊາບຈາກຄະນະກຳມະການຈັດການແຂ່ງຂັນວ່າ, ປີ້ເຂົ້າຊົມການແຂ່ງຂັນເທື່ອນີ້ໄດ້ຂາຍຫມົດໃນມື້ທີສອງຫລັງຈາກເປີດງານ,ໃນການແຂ່ງຂັນທີ່ໂລດໂຜນຈຳນວນຫນຶ່ງ,ຢູ່ທາງຫນ້າຂອງໂຮງລະຄອນກໍ່ມີຄົນຢືນເບິ່ງເຕັມຫມົດ.ນາງກິ່ມ ນັກສຶກ ສາສ.ເກົາຫລີທີ່ມາຮຽນພາສາຈີນຢູ່ມະຫາວິທະຍາໄລຊິງຮວາປັກກິ່ງມາຈີນໄດ້ປີເຄິ່ງແລ້ວ, ນາງສົນໃຈນຳການຟ້ອນຂອງຈີນຫລາຍ, ໄປຊົມການແຂ່ງຂັນໃນເວລາຫວ່າງເກືອບທຸກມື້.ນາງເວົ້າວ່າ:
ສ.ເກົາຫລີມີແຕ່ຊົນເຜົ່າດຽວ,ຈີນມີຫລາຍໆຊົນເຜົ່າ, ການຟ້ອນກໍ່ມີຫລາຍໆຊະນິດ,ມີວາດຟ້ອນຢ່າງຫລວງຫລາຍ, ເຄື່ອງນຸ່ງກໍ່ງາມ,ຂ້ອຍມັກການຟ້ອນຈີນທີ່ສຸດ.
1 2 3 4
|
