ການແຂ່ງຂັນການຟ້ອນຊີງຂັນຖາວຫລີ້ເລີ່ມຈັດຂຶ້ນແຕ່ປີ 1985,ສາມປີໃດຈັດຂຶ້ນເທື່ອຫນຶ່ງ,ການແຂ່ງຂັນໃນປີນີ້ໄດ້ຖືກຈັດເຂົ້າໃນປະເພດລາງວັນໂຮງຮຽນສິນລະປະກຳເວີນຮວາທີ່ຈັດໂດຍລັດຖະບານ,ໄດ້ຮັບກຽດໃຫ້ຖືເປັນລາງວັນໂອສກາການຟ້ອນຂອງຈີນ.ນອກຈາກການຟ້ອນຊົນເຜົ່າແລ້ວ,ຈຸດທີ່ຫນ້າຊົມອັນຫນຶ່ງອີກຂອງການແຂ່ງຂັນການຟ້ອນຊີງຂັນຖາວຫລີ້ນັ້ນກໍ່ແມ່ນການຟ້ອນບູຮານ.ນັກຟ້ອນໄດ້ນຸ່ງເຄື່ອງນຸ່ງບູຮານຂອງຈີນ,ແລ້ວສະແດງເປັນຄົນໃນປະຫວັດສາດຫລືໃນນະວະນິຍາຍບູຮານ.ສິ່ງທີ່ຕ່າງກັບການຟ້ອນຊົນເຜົ່າແມ່ນການຟ້ອນບູຮານສຳຄັນແມ່ນສ້າງສະພາບແວດລ້ອມແລະຫລັງສາກທີ່ແຕກຕ່າງ, ການຟ້ອນທີ່ຫນ້າຊົມອັນຫນຶ່ງກໍ່ແມ່ນການສະແດງທີ່ເຫມືອນກັບຮູບແຕ້ມສີຂາວດຳຂອງຈີນ,ນັກຟ້ອນກໍ່ແມ່ນຕົວຄົນໃນຮູບແຕ້ມນີ້.
ຕາມແນະນຳວ່າ, ຜົນງານຂອງການແຂ່ງຂັນຊີງຂັນຖາວຫລີ້ແມ່ນສ້າງຂຶ້ນບົນພື້ນຖານຄວາມພະຍາຍາມຢ່າງຍາກລຳບາກຂອງບັນດານັກຟ້ອນ.ຢູ່ຈີນ, ນັກຮຽນວິຊາການຟ້ອນສ່ວນຫລາຍແມ່ນເຂົ້າຮຽນຢູ່ໂຮງຮຽນມັດທະຍົມວິຊາສິນລະປະກຳໃນສະໄຫມເປັນເຍົາວະຊົນແລະໄດ້ຮັບການຝຶກແອບວິຊາສະເພາະຢ່າງເປັນລະບົບ,ແລ້ວຈິ່ງເສັງເຂົ້າຮຽນວິຊາສິນລະປະຢູ່ມະຫາວິ ທະຍາໄລ.ການອົບຮົມນັກຟ້ອນຜູ່ດີເດັ່ນຜູ່ຫນຶ່ງຕາມທຳມະດາຕ້ອງໃຊ້ເວລາເກືອບ 10 ປີ, ນັກຟ້ອນທີ່ຈະຟ້ອນໄດ້ດີ, ຕ້ອງອ່ານຫນັງສືດ້ານສິນລະປະ,ເຂົ້າໃຈຄວາມຫມາຍຂອງການຟ້ອນຢ່າງເລິກເຊິ່ງ;ອີກດ້ານຫນຶ່ງຍັງຕ້ອງຝຶກແອບຝີມືພື້ນຖານ,ການຖືກບາດເຈັບເລັກຫນ້ອຍຍ້ອນການຝຶກແອບກໍ່ແມ່ນເລື່ອງທຳມະດາ.
1 2 3 4
|
