ເນື້ອ​ເພງ​ມີ​ຄວາມ​ໝາຍວ່າ: "​​ເຄາະ​ຫົວ​ລາວເບິ່ງ​ວ່າ ​ໄດ້​ເຂົ້າຂີ້​ໝ້ຽງແລ້ວ​ບໍ່? ທ່າຍ​ນ້ຳມັນ​ຈັກ​ເຂົ້າ​ໄປ​ໜຶ່ງ​ໂຕນ​ແລ້ວ, ຍັງ​ບໍ່​ໄດ້​ເລື່ອງ, ​ຢັ້ງຢືນ​ວ່າ​ຊ່ອຍບໍ່ໄດ້​ແລ້ວ…ຕັ້ງແຕ່​ບໍ່​ມີ​ເຈົ້າຢູ່​ຄຽງ​ຂ້າງ​, ຂ້ອຍ​ໄດ້​ຜ່ານ​ຊີວິດ​ອັນ​ສັນ​ຕິ​ຜູ້​ດຽວ, ປະຕິ​ເສດ​ຄວາມ​ຍົ້ວຍວນ, ຈະບໍ່​​ເຮັດ​ຜິດ​ອີກ, ​ແຕ່​ນີ້​ໄປ, ຈະ​ບໍ່​ທໍລະມານໃຈອີກ."
​ໃນCD​ຊຸດນີ້, ນາງ​ໂມ້​ອ້ຽນລີ​ນ​ໄດ້ຮັບຜິດຊອບ​ການ​ແຕ່ງ​​ທຳນອງ​ເພງໝົດ​ທຸກ​ເພງ. ຜູ້​ຮ່ວມ​ມື​ກັບ​ນາງ​ຄື​ທ່ານ​ລີ​ຈຸ່ນ​ ​ທ່ານ​ຈ່ຽງຈ້ຽນມິນ​ແລະ​ທ່ານ​ລີ​ປີ່​ນ​ເປັນຕົ້ນລ້ວນ​ແຕ່​ແມ່ນນັກ​ດົນ​ຕີ​​ອາວຸ​ໂສ​ຜູ້​ດີ​ເລີດໃນ​ວົງ​ການດົນຕີ. ​

​ເພງ​ທີ່​ທ່ານ​ພວມ​ຟັງ​ຢູ່​ນີ້​ແມ່ນ​ເພງ"hei bai dian ying" ຮູບ​ເງົາ​ຂາວ​ດຳ ​ເຊິ່ງທ່ານ​ລີ​ປີ່​ນ​ເປັນ​ຜູ້​​ແຕ່ງ​ເນື້ອ​ຮ້ອງ, ​ແລະຂັບ​ຮ້ອງ​ໂດຍ​ນາງ​ໂມ້​ອ້ຽນລີ​ນ. ​ເນື້ອ​ເພງ​ມີ​ຢູ່​ວ່າ: "​ແສງ​ໄຟ​ສ່ອງໃສ່​ຝາ​​ເຮືອນສີຂາວ, ນຳ​ສະ​ແດງ​ຮູບ​ເງົາ​ບໍ່​ມີ​ສຽງ​​ເລື່ອງ​ໜຶ່ງ. ​ເວລາ​​ຜ່ານ​ໄປ​ຢ່າງ​ບໍ່​ຮູ້ສຶກ​ຕົວ, ຢູ່​​ໃນ​ເຮືອນ​ທີ່ແສງ​ໄຟ​ແຈ້ງ​ໝົດ​ຄືນ, ມີ​ຄວາມ​ຕື່ນ​ເຕັ້ນ​ເລັກ​ໜ້ອຍ, ​ເພື່ອ​ຜ່ອນຄາຍ​ຄວາມ​ງ່ວມ​ເຫງົາ​, ຂ້ອຍ​ໄດ້​ຝັນ​ເຫັນ​ສິ່ງ​ທີ່ຢາກ​ໄດ້, ​ເຖິງຈະແມ່ນ​ຮູບ​ເງົາ​ຂາວ​ດຳກໍ​ບໍ່​ເປັນ​ຫຍັງ."

ນາງ​ໂມ້​ອ້ຽນລີ​ນ​ແມ່ນ​ນັກ​​ແຕ່ງ​ເພງ​ໃໝ່​ທີ່​ປະຈັກ​ຕາ​ຄົນ​ທີ່​ສຸດ​ໃນ​ວົງ​ການເພງ​​ແຜ່ນດິນ​ໃຫຍ່ຈີນ​ປີ​ນີ້, ​ເມື່ອ​ທຽບ​ກັບ​ນັກ​ຮ້ອງ​ໃໝ່​ຜູ້​ອື່ນ​ແລ້ວ, ບໍ່​ວ່າ​ໃນການ​ແຕ່ງ​ເພງຫຼືຂັບ​ຮ້ອງ, ນາງ​ກໍ​ຊຳນານ​ທີ່​ສຸດ.​ ​ໃນ​ຖານ​ະເປັນ​ນັກ​ຮ້ອງ​​ເພງສະ​ໄໝ​ນິຍົມ, ​ເພງ​ຂອງ​ນາງ​ໂມ້​ອ້ຽນລີ​ນ​ໄດ້​ໃຫ້​ຄວາມ​ສຳຄັນ​ກັບທຳນອງ​​ເພງທີ່​ສຸດ, ​ແຕ່​​ເຖິງ​ວ່າ​ເປັນ​ແນວ​ນີ້, ກໍ​ຟັງ​ບໍ່​ອອກວ່າ ​​ເປັນ​ການ​ຕົກ​ແຕ່ງ​​ແບບ​ການ​ຄ້າ​ເພື່ອ​​ເອົາ​ໃຈ​ຜູ້​ຟັງ​ທັງ​ຫຼາຍ.

ທີ່​ທ່ານ​ພວມ​ຟັງ​ຢູ່​ນີ້​ແມ່ນ​ເພງ xiang shen me "ຄຶດ​ຫຍັງ​?" ​ເພງ​ທີ່​ວາດ​ພາບ​ສະພາບ​ຈິດ​ໃຈ​ຂອງ​ຜູ້​ສາວທີ່​ຢູ່​ໃນ​ຄວາມ​ຮັກ. ​ເນື້ອ​ເພງ​ມີ​ຢູ່​ວ່າ: ​ໄຫ້​ຍ້ອນ​ໃຜ, ​ຫົວ​ຍ້ອນ​ໃຜ, ຖ້າ​ໄປ​ຖ້າ​ມາ, ​ໃນ​ທີ່ສຸດ​ພັດ​ບໍ່​ແມ່ນ​ຂ້ອຍ. ​ໃຜ​ຫຼົບຫຼີກຄວາມ​ຮັກ​ໄດ້? ຍິນຍອມທໍລະມານ​ໃຈ. ​ຫຼົບບໍ່​ໄດ້, ລີ້ບໍ່​ໄດ້, ໜີກໍບໍ່​​ໄດ້, ຍັງ​ຖືກ​ທໍລະມານ​ໃຈ. ບາງທີ​​ໄຫ້, ບາງທີ​ຫົວ​​, ​ບໍ່​ເຂົ້າ​ໃຈ, ​ແລະ​ເຂົາ​ກໍ​ບໍ່​ຮູ້​ນຳ."

​ເພງ"jian qiang" ​​ແປ​ວ່າ"ເຂັ້ມ​ແຂງ" ​ແມ່ນ​ເພງ​ສຸດ​ທ້າຍ​ຂອງCD​ຊຸດນີ້, ​ໃນ​ຕອນ​ທ້າຍ​ລາຍການ​ມື້ນີ້, ​ເຊີນ​ຟັງ​ເພງ"jian qiang" ​ເຂັ້ມ​ແຂງ ຂັບ​ຮ້ອງ​ໂດຍ​ນາງ​ໂມ້​ອ້ຽນລີ​ນ.

"ຢ່າ​​ເຮັດ​ຕາງ​ຕິ​ບໍ່​ມ່ວນ​ໃຈ​ຄື​ວ່າຖືກ​ຄົນ​ກ່າວຫາ​ວ່າ​ຮ້າຍ, ຜົນ​ສຸດ​ທ້າຍ​ກໍເປັນ​ແນວ​ນີ້​ແຫຼະ, ບໍ່​ຄວນບັງຄັບ​ຕົນ​ເອງ. ​ໃນການສະ​ແດງ​ສາກ​ສຸດ​ທ້າຍ​​, ເມື່ອ​ປິດ​ສາກແລ້ວຈຶ່ງ​ຮູ້​ວ່າ, ​ຕົນ​ເອງ​ເບື່ອໜ່າຍ​ການ​ທຳ​ຮ້າຍຈິດ​ໃຈ, ​ມັກ​ແຕ່​ຄວາມຊື່​ກົງ. ຄື​ຢູ່​​ໃນຄວາມ​ຝັນ, ພຽງແຕ່​​​ເຈັບ​ປ່ວຍທໍ່​ນັ້ນ, ​ແຕ່​ຕື່ນ​​ແລ້ວ​ກໍ​ບໍ່ລືມ, ​ເຄີຍເຈັບ​ປວດ​ຈຶ່ງ​ຮູ້​ຈັກເຂັ້ມ​ແຂງ."

ທ່ານ​ຜູ້​ຟັງ, ທີ່​ຟັງ​ມານັ້ນ​ພວກ​ເຮົາ​​ແນະນຳ​CD​ຊຸດ​ໃໝ່​ຂອງ​ນາງ​ໂມ້​ອ້ຽນລີ​ນທີ່​ໃຫ້​ຊື່ວ່າ"ຢາກ​ເປັນ​ໂສດຕະຫຼອດ​ໄປ". ລາຍການ​ຢອນ​ອາລົມ​ໃນ​ວັນ​ເສົາ​ພາກ​ນີ້​ຂໍ​ຈົບ​ລົງ​ພຽງ​ທໍ່​ນີ້, ຂອບ​ໃຈ​ທ່ານ​ທີ່​ຮັບ​ຟັງ, ສະບາຍດີ.