|
|
 |
| (GMT+08:00)
2006-09-11 20:02:26
|
 |
|
ຊີວິດທີ່ຢືນເອົາມາ
cri
Author: min
ນີ້ພຽງແຕ່ແມ່ນນິທານອຸປະມາທໍ່ນັ້ນ, ມັນໄດ້ບອກໃຫ້ຄົນເຮົາຮູ້ວ່າ, ຊີວິດຂອງຄົນເຮົາແມ່ນຢືນເອົາມາ, ໃນເມື່ອຊີວິດໃຫ້ທຸກຄົນມີສິດມ່ວນຊື່ນ, ຄົນກໍ່ຕ້ອງຫາບແບກໜ້າທີ່ທີ່ມັນມອບໃຫ້ເຮົາ.
ໃນໜັງສືເຫຼັ້ມໜຶ່ງທີ່ມີຊື່ສຽງຂອງຈີນທີ່ໃຫ້ຊື່ວ່າ"ຊ້າຍແກນຕານ"ມີຄວາມເວົ້າຕອນໜຶ່ງຂຽນວ່າ, ຟ້າດິນຈະຊົງຕົວຢູ່ໄດ້ຊົ່ວກາລະນານ ແຕ່ຄົນເຮົາມີຊີວິດພຽງເທື່ອດຽວ ຊີວິດຂອງຄົນຢ່າງຫຼາຍຢູ່ໄດ້ພຽງແຕ່ຮ້ອຍກວ່າປີ ມັນຜ່ານໄຫວັບໆຢ່າງຂວາງກັ້ນບໍ່ໄດ້. ຜູ່ທີ່ໄດ້ມີຊີວິດຢູ່ໃນໂລກນີ້ນັບວ່າໂຊກດີ, ຄວນຮູ້ຄວາມມ່ວນຊື່ນໃນຊີວິດ, ແຕ່ກໍ່ຕ້ອງເຕືອນຕົວເອງບໍ່ຄວນນັ່ງລ້າຢູ່ດາຍ, ສະເຫວີຍຄວາມມ່ວນຊື່ນແຕ່ກໍ່ອົດທົນຄວາມທຸກທໍລະມານ.
ທ່ານນາງຈ່າງອ້າຍລິງ ນັກປະພັນທີ່ມີຊື່ສຽງຂອງຈີນເຄີຍເວົ້າວ່າ, ຖືຊາຫຍັງຫຼາຍແທ້?ເຮົາມີຊີວິດຢູ່ໃນໂລກນີ້ໄດ້ພຽງຫຼາຍສິບປີ, ໄປຖືຊາຄວາມທຸກຄວາມສຸກຫຼາຍປານນັ້ນເຮັດຫຍັງ? ບໍ່ວ່າຄວາມທຸກຫຼືຄວາມສຸກ, ລ້ວນແຕ່ແມ່ນຊັບສິນອັນລ້ຳຄ່າສຳລັບຊີວິດຂອງຄົນເຮົາ. ຄົນເຮົາມາຮອດໂລກນີ້ດ້ວຍສອງມືເປົ່າໆ ແລະເວລາລາຈາກໂລກນີ້ກໍເອົາຫຍັງໄປນຳບໍ່ໄດ້, ມີຄົນເວົ້າວ່າ: ຄົນເຮົາເກີດມາໂລກນີ້ແມ່ນເພື່ອຊີມລົດຊາດຕ່າງໆໃນຊີວິດ ສຳລັບຊີວິດທັງຊາດທີ່ສັ້ນເທື່ອດຽວນນີ້ແລ້ວ, ຄວາມທຸກຍາກລຳບາກກັບຄວາມສຸກແມ່ນລ້ຳຄ່າເຊັ່ນດຽວກັນ.
ສຸດທ້າຍນີ້, ຂໍໃຫ້ທຸກຄົນຖືຊີວິດຂອງຕົນເປັນໄລຍະເວລາທີ່ຢືນເອົາມາ, ບໍ່ວ່າຈະທຸກທໍລະມານຫຼືມີຄວາມສຸກກໍ່ຄວນຖະໜອມຫວງແຫນ!
1 2
|
|
|
