|
ຫວ່າງກ່ອນນີ້ບໍ່ດົນ,ເວທີປາໃສຫົວຫນ້າຫໍວິຈິດຕະກຳອາຊີໄດ້ຈັດຂຶ້ນຢູ່ຫໍວິຈິດຕະກຳຈີນ,ນີ້ເປັນການພົບປະລະດັບສູງຂອງຫົວຫນ້າຫໍວິຈິດຕະກຳອາຊີຄັ້ງທຳອິດ,ຫົວຫນ້າແລະຜູ່ແທນຫໍວິຈິດຕະກຳເກືອບ 50 ທ່ານຂອງ 15 ປະເທດໄດ້ພ້ອມກັນຫາລືຄົ້ນຄວ້າສະພາບການຂອງຫໍວິຈິດຕະກຳອາຊີໃນ ປັດຈຸບັນແລະການພັດທະນາໃນພາຍຫນ້າ.ວັນທີ 31 ສິງຫາ, ໃນທ່າມກາງດົນຕີຊົນເຜົ່າຂອງອາຊີ
ຕາເວັນອອກສຽງໃຕ້ອັນມ່ວນຊື່ນ,ຫົວຫນ້າຫໍວິຈິດຕະກຳຂອງ 15 ປະເທດຄື ຈີນ,ຍີ່ປຸ່ນ,ສ.ເກົາຫລີ,1ປະເທດສະມາຊິກສະມາຄົມປະຊາຊາດອາຊີຕາເວັນອອກສຽງໃຕ້ຫລືອາຊຽນແລະອິນເດຍ,ບັງກຼາເດັດທີ່ໄດ້ຮັບເຊີນເປັນພິເສດ, ພ້ອມກັບຫົວຫນ້າຫໍວິຈິດຕະກຳແລະຜູ່ຊ່ຽວຊານນັກວິຊາການທີ່ຄົນຄວ້າວິຈິດຕະກຳອາຊີຕາເວັນອອກສຽງໃຕ້ຂອງບາງແຂວງແລະຮົງກົງ,ມາກາວ, ໄຕ້ຫວັນໄດ້ເຕົ້າໂຮມກັນຢູ່ຫໍວິຈິດຕະກຳຈີນ, ເພື່ອເຂົ້າຮ່ວມພິທີໄຂເວທີປາໃສຫົວຫນ້າຫໍວິຈິດຕະກຳອາຊີ.ໃນພິທີໄຂງານ,ທ່ານຊຸນເຈ່ຍເຈິ້ງ ລັດຖະມົນຕີວ່າການກະຊວງວັດທະນະທຳຈີນເວົ້າວ່າ, ປະເທດຕ່າງໆໃນອາຊີມີວັດທະນະທຳອັນອຸດົມສົມບູນແລະຫລາກຫລາຍສີສັນ,ຄຽງຄູ່ກັບຍຸກໂລກາພິວັດ,ວັດທະນະທຳລະຫວ່າງບັນດາປະເທດອາຊີ,ແລະວັດທະນະທຳອາຊີກັບແຫ່ງອື່ນໆໃນໂລກໄດ້ເຊື່ອມໂຍງແລະແລກປ່ຽນກັນ,ເຮັດໃຫ້ສິນລະ ປະວັດທະນະທຳຂອງອາຊີມີຈຸດພິເສດນັບມື້ນັບພົ້ນເດັ່ນອອກໃນໂລກ.ທ່ານເວົ້າວ່າ:
ຕັ້ງແຕ່ເຂົ້າສູ່ສັດຕະວັດໃຫມ່, ໃນການພົວພັນລະຫວ່າງປະເທດ ບົດບາດຂອງວັດທະນະທຳນັບມື້ນັບພົ້ນເດັ່ນຂຶ້ນ, ການແລກປ່ຽນດ້ານວັດທະ ນະທຳໄດ້ກາຍເປັນກຳລັງຊຸກຍູ້ມິດຕະພາບແລະການຮ່ວມມືລະຫວ່າງລັດຖະ ບານ,ຫໍວິຈິດຕະກຳແຫ່ງຊາດໃນຖານະເປັນສັນຍະລັກຂອງໂສມຫນ້າວັດທະນະທຳຂອງປະເທດຫນຶ່ງ, ກໍ່ຍ່ອມຕ້ອງພິຈະລະນາເຖິງບັນຫາການຄົງຕົວແລະພັດທະນາໃນສະພາບການໃຫມ່, ຂ້າພະເຈົ້າຫວັງວ່າເວທີປາໃສເທື່ອນີ້ຈະໄດ້ຮັບຜົນຢ່າງສູງ, ແລະເປັນເວທີແລກປ່ຽນແລະຮ່ວມມື ໃຫມ່ໃຫ້ແກ່ຫົວຫນ້າຫໍວິຈິດຕະກຳອາຊີແລະຜູ່ຊ່ຽວຊານ.
ເວທີປາໃສເທື່ອນີ້ໄດ້ໃສ່ຊື່ວ່າກອງປະຊຸມຫົວຂໍ້ສະເພາະອາຊຽນຈີນຍີ່ປຸ່ນແລະສ.ເກົາຫລີ,ຈຸດປະສົງແມ່ນຫໍວິຈິດຕະກຳຂອງບັນດາປະເທດອາຊີຮ່ວມສຳພັນກັນ,ໂດຍສະເພາະແມ່ນຫໍວິຈິດຕະກຳຂອງອາຊຽນ+3,ຫາລືບັນຫາການສະສົມ,ການວາງສະແດງແລະການຄົ້ນຄວ້າຂອງຫໍວິຈິດຕະກຳອາຊີ,ເຮັດໃຫ້ຫໍວິຈິດຕະກຳຂອງປະເທດຕ່າງໆໃນອາຊີກາຍເປັນເວທີສຳຄັນທີ່ວິຈິດຕະກຳອາຊີຂະຫຍາຍຕົວຢ່າງທັນສະໄຫມ.
ໃນເວທີປາໃສເທື່ອນີ້,ຫົວຫນ້າແລະຜູ່ແທນຂອງຫໍວິຈິດຕະກຳທີ່ມາຈາກປະເທດຕ່າງໆໄດ້ແລກປ່ຽນບົດຮຽນຢ່າງກວ້າງຂວາງແລະລົງສູ່ລວງເລິກ.
ໃນເວລາໃຫ້ສຳພາດຕໍ່ນັກຂ່າວ,ທ່ານທັງໂກກບິນ ຫົວຫນ້າຫໍວິຈິດຕະ ກຳແຫ່ງຊາດຫວຽດນາມເວົ້າວ່າ, ທ່ານຈະແນະນຳບົດຮຽນຮັກສາແລະສ້ອມແປງເຄື່ອງສິນລະປະກຳໃຕ້ອາກາດຮ້ອນ,ພ້ອມກັນນັ້ນ, ຍັງຫວັງແລກປ່ຽນກັບເພື່ອນຮ່ວມອາຊີບດຽວກັນຂອງຈີນໃນດ້ານເກັບຮັກສາແລະສ້ອມແປງເຄື່ອງສິນລະປະກຳແລະການຈັດງານວາງສະແດງຫົວຂໍ້ສະເພາະ.ທ່ານທັງໂກກບິນກ່າວເນັ້ນເປັນພິເສດວ່າ,ເວທີປາໃສນີ້ໄດ້ສ້າງໂອກາດໃຫ້ແກ່ການຮ່ວມມືອັນດີ.ທ່ານເວົ້າວ່າ:
ໃນເວທີປາໃສເທື່ອນີ້,ພວກຂ້າພະເຈົ້າຈະສະເຫນີຄວາມຮຽກຮ້ອງຕ້ອງການໃນການຮ່ວມມືບາງຢ່າງ,ຕົວຢ່າງຄື ຮ່ວມກັບປະເທດຕ່າງໆໃນພາກພື້ນນີ້ຈັດງານວາງສະແດງສິນລະປະກ່ຽວກັບວັດທະນະທຳດ້ານກະສິກຳຂອງອາຊຽນ+3,ແລະຜົນສະທ້ອນຂອງສາສະຫນາຄຼິສຕຽນແລະສາສະຫນາພຸດທີ່ມີຕໍ່ສິນລະປະອາຊີຕາເວັນອອກສຽງໃຕ້ແລະອື່ນໆ,ຈະມີຫົວຂໍ້ຫລາຍກວ່ານີ້ຈັດງານວາງສະແດງໄດ້,ອາດເວົ້າໄດ້ວ່າ,ປະເທດຕ່າງໆຢູ່ພາກພື້ນນີ້ໄດ້ຮັບຜົນສະທ້ອນຈາກຈີນແລະອິນເດຍ ເຊິ່ງເປັນສອງປະເທດອາລະຍະທຳບູຮານບໍ່ຫລາຍກໍ່ຫນ້ອຍ.ພາຍໃຕ້ຍຸກໂລກາພິວັດ,ພວກເຮົາຕ້ອງພິຈາລະນາວ່າຈະເຮັດແນວໃດຈິ່ງຈະສາມາດປົກປັກຮັກສາສິນລະປະວັດທະນະທຳດັ້ງເດີມໃນຂະນະທີ່ປະເທດຫັນເປັນທັນສະໄຫມ,ເຮັດໃຫ້ໂລກສາມາດອະນຸລັກຈຸດພິເສດວັດທະນະທຳຂອງປະເທດຕົນໄດ້ດີທັງຫັນເປັນໂລກາພິວັດໄປພ້ອມກັນ.
1 2
|
