|
ບັນຫາທີ່ທ່ານທັງໂກກບິນກ່າວມານັ້ນກໍ່ແມ່ນຫົວຂໍ້ເດັ່ນໃນເວທີປາໃສເທື່ອນີ້, ຜູ່ແທນຂອງມຽນມາ ກຳປູເຈຍແລະອິນໂດເນເຊຍທີ່ຮ່ວມປະຊຸມທະຍອຍກັນກ່າວວ່າ, ຫໍວິຈິດຕະກຳຂອງປະເທດຕ່າງໆໃນອາຊີຄວນສວຍໃຊ້ເວທີປາໃສນີ້, ພ້ອມກັນຫາລືເຮັດແນວໃດເພື່ອປົກປ້ອງຖານະຂອງສິນລະປະອາຊີໃນສະພາບແວດລ້ອມວັດທະນະທຳສາກົນທີ່.
ໃນເວລາໃຫ້ສຳພາດຕໍ່ນັກຂ່າວ, ທ່ານຟ້ານດີອານ ຫົວຫນ້າຫໍວິຈິດຕະກຳຈີນກ່າວວ່າ, ຈຸດພິເສດຂອງວິຈິດຕະກຳປະເທດຕ່າງໆໃນອາຊີ, ດ້ານຫນຶ່ງແມ່ນພວມຈາກດັ້ງເດີມຫັນໄປສູ່ທັນສະໄຫມ, ດ້ານຫນຶ່ງອີກແມ່ນການເຊື່ອມໂຍງກັນລະຫວ່າງວັດທະນະທຳພື້ນເມືອງກັບວັດທະນະທຳສາກົນ, ວົງການສິນລະປະວິຈິດຕະກຳອາຊີຖ້າສາມາດແລກປ່ຽນກັນຢ່າງແຫນ້ນແຟ້ນກວ່າເກົ່າ, ເຮັດໃຫ້ວົງການວິຈິດຕະກຳສາກົນໄດ້ເຫັນຈຸພິເສດຂອງວິຈິດຕະກຳອາຊີ,ນີ້ກໍ່ເປັນການເລືອກເອົາທີ່ມີລັກສະນະຍຸດທະສາດອັນສຳຄັນແນວຫນຶ່ງຂອງບັນດາປະເທດອາຊີ.ທ່ານຟ້ານດີອານເວົ້າວ່າ, ການຈັດເວທີປາໃສເທື່ອນີ້ເປັນໂອກາດຫນຶ່ງທີ່ໃຫ້ວົງການສິນລະປະວິຈິດຕະກຳອາຊີຮ່ວມມືກັນ.ທ່ານເວົ້າວ່າ:
ປະເທດຕ່າງໆໃນອາຊີມີຊັບພະຍາກອນວິຈິດຕະກຳອັນອຸດົມສົມບູນ, ແຕ່ຍ້ອນການແລກປ່ຽນກັນລະຫວ່າງຫໍວິຈິດຕະກຳຍັງບໍ່ສະດວກແລະບໍ່ກວ້າງຂວາງປານໃດ,ຈິ່ງເຮັດໃຫ້ຊັບພະຍາກອນວິຈິດຕະກຳເຫລົ່ານີ້ບໍ່ໄດ້ຖືກມວນຊົນຂອງປະເທດຕ່າງໆໃນອາຊີພ້ອມກັນຊົມໃຊ້, ຂ້າພະເຈົ້າຄິດວ່າ, ຄຽງຄູ່ກັບການຈັດເວທີປາໃສເທື່ອນີ້, ການແລກປ່ຽນກັນໃນພາກພື້ນ,ການແລກປ່ຽນກັນລະຫວ່າງສອງຝ່າຍແລະຫລາຍຝ່າຍໄດ້ເປີດກວ້າງອອກ, ຊັບ ພະຍາກອນວິຈິດຕະກຳຂອງອາຊີຍ່ອມຈະໄດ້ຮັບການຊົມໃຊ້ຈາກປະຊາຊົນບັນດາປະເທດອາຊີໄດ້,ນີ້ແມ່ນຫມາກຜົນທີ່ພວກເຮົາຄ່ອງຄອຍຢູ່.
ໃນເວລາໃຫ້ສຳພາດຕໍ່ນັກຂ່າວ, ທ່ານຄົກຄຽນໂຈວ ຫົວຫນ້າຫໍວິຈິດຕະກຳແຫ່ງຊາດສິງກະໂປໄດ້ຮັບມອບຫມາຍຈາກຫົວຫນ້າຫໍວິຈິດຕະກຳທ່ານຕ່າງໆ,ບັນລະຍາຍຄວາມຫວັງຮ່ວມຂອງພວກທ່ານ.ທ່ານເວົ້າວ່າ:
ພວກຂ້າພະເຈົ້າຫວັງວ່າຈະຮ່ວມມືກັນສ້າງເວທີຫນຶ່ງຢູ່ອາຊີ, ສົ່ງເສີມການແລກປ່ຽນຂໍ້ມູນຢ່າງມີຜົນສັກສິດແລະທັນການກວ່າເກົ່າ, ຈັດງານວາງສະແດງແລະສ້າງໂຄງການຄົ້ນຄວ້າຮ່ວມກັນ, ເພື່ອຈັດກິດຈະ ກຳຄົ້ນຄວ້າແລະວາງສະແດງທີ່ມີຊີວິດຊີວາກວ່າເກົ່າ,ເຮັດໃຫ້ຫໍວິຈິດຕະກຳອາຊີກາຍເປັນເວທີສຳຄັນທີ່ວາງສະແດງ ຫາລື ບັນລະຍາຍການພັດທະນາຂອງວັດທະນະທຳອັນສຳຄັນ.ພວກຂ້າພະເຈົ້າເອົາໃຈໃສ່ນຳຄວາມສຳຄັນຂອງຫໍວິຈິດຕະກຳທີ່ມີຕໍ່ການຂະຫຍາຍຕົວຂອງສິນລະປະວິຈິດຕະກຳ,ທັງສົນໃຈນຳການຮ່ວມມືກັບຄູ່ຮ່ວມມືໃນພາກພື້ນແລະອົງການຈັດຕັ້ງສາກົນຕ່າງໆ,ມີແຕ່ເຮັດແນວນີ້, ການຂະຫຍາຍຕົວຂອງສິນລະປະແລະຫໍວິຈິດຕະກຳຈິ່ງສາມາດສະແດງບົດບາດອັນສຳຄັນໃນສະພາບແວດລ້ອມທີ່ຖືຄົນເປັນກົກ.
1 2
|
