|
ໂຄມໄຟນ້ຳກ້າມມີສະເພາະແຕ່ແຂວງເຮິຍລົງຈ່ຽງ, ແລະກໍ່ແມ່ນຄວາມພາກພູມໃຈຂອງຊາວເຮິຍລົງຈ່ຽງ. ແຕ່ເຮັດໃນອ່າງແລະຖັງຮອດງານວາງສະແດງໂຄມໄຟນ້ຳກ້າມຢ່າງຂະໜາດໃຫຍ່ທີ່ຈັດຂຶ້ນປີລະເທື່ອ, ສິລະປະໂຄມໄຟນ້ຳກ້າມຂອງເມືອງຮາເອີປິ່ນນັບມື້ນັບຍິ່ງໃຫຍ່, ແລະມີຊື່ສຽງດົງດັງຢູ່ພາຍໃນແລະຕ່າງປະເທດ. ປີ 1985, ຊາວເມືອງຮາເອີປິ່ນທີ່ດຸໝັ່ນທັງສະຫຼາດໄດ້ຄົ້ນຄິດແລະພັດທະນາຊັບພະຍາກອນນ້ຳກ້າມແລະຫິມະຕື່ມອີກ, ຖືງານທ່ຽວຊົມໂຄມໄຟນ້ຳກ້າມທີ່ມີຊື່ສຽງດົງດັງພາຍໃນແລະຕ່າງປະເທດເປັນໃຈກາງ, ຈັດຕັ້ງງານນ້ຳກ້າມແລະຫິມະເມືອງຮາເອີປິ່ນເຊິ່ງລວມມີຫຼາຍ ກິດຈະກຳ ເຊັ່ນ ສິລະປະນ້ຳກ້າມແລະຫິມະ ກິລານ້ຳກ້າມແລະຫິມະ ວັດທະນະທຳນ້ຳກ້າມແລະຫິມະ ການທ່ອງທ່ຽວນ້ຳກ້າມແລະຫິມະແລະເສດຖະກິດການຄ້ານ້ຳກ້າມແລະຫິມະເປັນຕົ້ນ, ປ່ຽນນ້ຳກ້າມແລະຫິມະທີ່ໜ້າຢ້ານກົວມາເປັນຊັບພະຍາກອນທຳມະຊາດອັນລ້ຳຄ່າ, ສ້າງບັນຍາກາດໃນລະດູໃບໄມ້ປົ່ງໃຫ້ເມືອງຮາເອີປິ່ນໃນຍາມລະດູໜາວ. ພາຍຫຼັງມາ ວັນທີ 5 ມັງກອນຂອງທຸກໆປີກໍເລີຍກາຍເປັນມື້ບຸນປະຈຳທ້ອງຖິ່ນຂອງປະຊາຊົນເມືອງຮາເອີປິ່ນ. ຊາວພາກເໜືອຈີນກໍປ່ຽນຄວາມຊີນເຄີຍທີ່ພັກຢູ່ແຕ່ໃນເຮືອນໃນຍາມລະດູໜາວ, ເລີ່ມເຂົ້າຮ່ວມການເຄື່ອນໄຫວນ້ຳກ້າມແລະຫິມະຊະນິດຕ່າງໆ, ເມືອງຮາເອີປິ່ນໃນຍາມລະດູໜາວບໍ່ຫງ່ວມເຫງົາອີກແລ້ວ, ເມືອງຮາເອີປິ່ນໃນລະດູໜາວໄດ້ມີຊີວິດຊີວາຂຶ້ນແລ້ວ.
ໃນສະໄໝກ່ອນ, ເຕັກນິກເຮັດໂຄມໄຟນ້ຳກ້າມງ່າຍດາຍທີ່ສຸດ, ໂຄມໄຟນ້ຳກ້າມທີ່ພວກເຮົາໄດ້ເຫັນໃນທຸກວັນນີ້ແມ່ນສະລັບສັບຊ້ອນຫຼາຍ, ມັນແມ່ນສິລະປະສ້າງສວນນ້ຳກ້າມແລະຫິມະທີ່ເປັນສີສັນພິເສດທີ່ເຊື່ອມໂຍງຫຼາຍພາກສ່ວນເຂົ້າກັນ ເຊັ່ນ ສວນດອກໄມ້ ການກໍ່ສ້າງ ການແກະສະຫຼັກ ການແຕ້ມ ວັນນະຄະດີແລະດົນຕີເປັນຕົ້ນ, ພ້ອມກັນນັ້ນ ກໍ່ໄດ້ນຳໃຊ້ເຕັກນິກວິທະຍາສາດທັນສະໄໝ ເຊັ່ນ ສຽງ ສີ ແສງແລະຮູບເປັນຕົ້ນ ສ້າງໂລກສິລະປະທີ່ງາມປານີດແລະມີຫຼາຍສີຫຼາຍສັນ, ມັນເຊື່ອມໂຍງວັດທະນະທຳທີ່ກວ້າງຂວາງ ເຊັ່ນ ປະຫວັດຊົນຊາດຈີນທີ່ດົນນານ ວິຊາກໍ່ສ້າງຈີນແລະຕ່າງປະເທດແລະຮີດຄອງປະເພນີເປັນຕົ້ນ, ແມ່ນດອກໄມ້ທີ່ສວຍສົດງົດງາມດອກໜຶ່ງໃນຄັງສິລະປະພື້ນເມືອງອັນລ້ຳເລີດຂອງໂລກ.
ການເຮັດໂຄມໄຟນ້ຳກ້າມແມ່ນໂຄງການທີ່ເປັນລະບົບ, ຈະແບ່ງກຳມະວິທີອອກເປັນຫຼາຍຂັ້ນ ຕອນຄືດັ່ງນີ້ ຄື ໃນມື້ອາກາດໜາວຈົນລົບ 20 ກວ່າອົງສາໃນລະດູໜາວ, ເຈາະເອົານ້ຳກ້າມທີ່ແຂງແກ່ນຈາກແມ່ນ້ຳ, ເລື່ອຍເປັນທ່ອນໆທີ່ມີຂະໜາດຕ່າງໆຕາມການອອກແບບ, ແລ້ວໃຊ້ກົບແລະຊວ້ານແບນຂອງຊ່າງໄມ້ມາເຫຼົາເປັນດິນຈີ່ນ້ຳກ້າມຫຼືເຄື່ອງປະກອບອື່ນໆ, ໃຊ້ນ້ຳຕາງຢາງກາວ, ສ້າງເປັນສິ່ງກໍ່ສ້າງນ້ຳກ້າມທີ່ສູງສະຫງ່າຫຼືເປັນເຄື່ອງສິລະປະທີ່ງາມປານີດດ້ວຍການແກະສະຫຼັກນ້ຳກ້າມທີ່ໃສເຢັນໃຫ້ເປັນສິລະປະອອກມາ.
1 2
|
