|
|
 |
| (GMT+08:00)
2006-09-13 18:49:07
|
 |
|
ເຂົ້າໜົມຂອງນະຄອນທຽນສິນ(ສຽງ)
cri
Author: sayvanny
ກະລາເປົ່າໂກວປູ້ຫຼີທຳອິດແມ່ນມີແຕ່ໄສ້ໝູ,ພາຍຫຼັງມາ,ໄດ້ມີໄສ້ຊີ້ນງົວ ຊີ້ນແກະ ໄສ້ກຸ້ງແລະອື່ນໆຫຼາຍຢ່າງ. ຖ້າແຂກສັ່ງກະລາເປົ່າຊະນິດນີ້,ເຈົ້າຂອງຮ້ານກໍຈັດໃຫ້ຜູ້ຮັບໃຊ້ເອົາແປ້ງທີ່ຄັ້ນແລ້ວແລະໄສ້ກະລາເປົ່າໄປວາງໄວ້ເທິງໂຕະຂອງແຂກ,ຊວນແຂກຫໍ່ນຳກັນ,ອີກບຶດໜຶ່ງ,ແຂກກໍຈະໄດ້ກິນເຂົ້າໜົມກະລາເປົ່າທຽນສິນທີ່ຕົນຫໍ່ເອງ.
 ເຂົ້າໜົມທີ່ມີຊື່ສຽງຂອງເມືອງທຽນສິນຍັງມີຫຼາຍຢ່າງ.ຖ້າວ່າຢາກຊື້ເຂົ້າໜົມທຽນສິນເມືອຕ້ອນໝູ່ແລ້ວ,"ເຂົ້າໜົມມາຮ່ວາກຸ້ຍຟ່າຊຽງ"ກໍແມ່ນເຂົ້າໜົມແຊບຢ່າງໜຶ່ງ. ເຂົ້າໜົມມາຮ່ວາແມ່ນອາຫານທຳມະດາທີ່ຊາວຈີນມັກກິນມາແຕ່ໃດ,ເອົາແປ້ງໝີ່ທີ່ຄັ້ນແລ້ວນວດເປັນເສັ້ນຫຼາຍເສັ້ນ,ແລ້ວຝັ້ນກັນ,ແລ້ວລົງຈືນໃນນ້ຳມັນ,ຍ້ອນຄືກັບເຊືອກຝັ້ນ,ຈຶ່ງຕັ້ງຊື່ເຂົ້າໜົມມາຮ່ວາ ແປວ່າເຂົ້າໜົມເຊືອກຝັ້ນ. ທີ່ຈິງແລ້ວ ຢູ່ຫຼາຍແຫ່ງຂອງຈີນກໍມີເຂົ້າໜົມຈືນຊະນິດນີ້,ແຕ່ບໍ່ວ່າແມ່ນຄົນທ້ອງຖິ່ນໃດ,ເມື່ອໄປເມືອງທຽນສິນ,ກໍຕ້ອງຊື້"ເຂົ້າໜົມຝັ້ນກຸ້ຍຟ່າຊຽງ"ໄປຕ້ອນພີ່ນ້ອງແລະໝູ່ເພື່ອນ.
ເຮັດເຂົ້າໜົມຈືນຊະນິດນີ້ ມີ 10 ບາດກ້າວ,ຕ່າງກັບເຂົ້າໜົມຊະນິດດຽວກັນຂອງທ້ອງຖິ່ນອື່ນຂອງຈີນ,ເຂົ້າໜົມມາຮ່ວາກຸ້ຍຟ່າຊຽງຍັງມີໄສ້ຫຼາຍຢ່າງຄື ດອກອົບເຊີຍ ໝາກມັນຫໍ້ ແລະເນື້ອແກ່ນໝາກໂມເປັນຕົ້ນ,ແລະຍັງມີນ້ຳຕານກ້ອນໃສໆ,ຈຶ່ງກິນຫອມປາກຫອມຄໍ.ເຂົ້າໜົມຊະນິດນີ້ປະໄວ້ຢູ່ບ່ອນແຫ້ງ ອາກາດລຸລ່ວງ ຫຼາຍເດືອນ ລົດຊາດກໍບໍ່ເສຍ,ບໍ່ອ່ອນ ຄຸນນະພາບກໍບໍ່ປ່ຽນ.
ນາງເຊລິນນາ ຫຼີ ນັກທ່ອງທ່ຽວອາເມລິກາບອກນັກຂ່າວວ່າ:
"ເຂົ້າໜົມຝັ້ນກຸ້ຍຟ່າຊຽງທຽນສິນຈັ່ງແມ່ນແຊບອີຫຼີ.ຂ້ອຍມັກຫຼາຍ."
ທ່ານຜູ້ຟັງທີ່ໂຄລົບ,ເຂົ້າໜົມທຽນສິນແນວແຊບໆຍັງມີຫຼາຍຢ່າງຫຼາຍແນວ, ເວົ້າຕັ້ງດົນ ກໍພຽງແຕ່ແນະນຳທໍ່ນັ້ນ. ຖ້າມີໂອກາດໄປທຽນສິນ,ຢ່າລືມໄປເລາະຖະໜົນຂາຍເຄື່ອງກິນນານຊື້ແດ່ເດິ.ຢູ່ທາງເສັ້ນນັ້ນ,ທ່ານຈະໄດ້ຊີມລົດເຂົ້າໜົມແຊບໆທີ່ມີຊື່ສຽງໝົດຊູ່ຢ່າງຂອງເມືອງທຽນສິນ.
1 2
|
|
|
