|
ຊີມອາຫານພື້ນເມືອງຢູ່ເມືອງຄຸນມິງ(ສຽງ)
cri
 ປະຈຸບັນ,ຄົນຄຸນມິງຈຶ່ງຖືການກິນເຂົ້າປຸ້ນກົ້ວຊຽວທີ່ຮ້ອນໆເປັນລາຍການອາຫານປະຈຳວັນ.ເຂົ້າປຸ້ນກົ້ວຊຽວມີນ້ຳເຂົ້າປຸ້ນ ເຂົ້າປຸ້ນແລະເຄື່ອງປຸງຕ່າງໆ.ວິທີເຮັດນ້ຳເຂົ້າປຸ້ນ,ທຳມະດາແລ້ວແມ່ນເອົາຖ້ວຍໃຫຍ່ໆ,ໃສ່ນ້ຳມັນໄກ່ ແປ້ງນົວ ພິກໄທ,ແລ້ວຈຶ່ງເອົານ້ຳຕົ້ມໄກ່ ນ້ຳຕົ້ມເປັດ ຫຼືນ້ຳຕົ້ມດູກຂ້າງໝູ ນ້ຳຕົ້ມກະດູກໝູທີ່ຟົດໆ,ຖອກໃສ່ຖ້ວຍໃຫຍ່,ບັດນັ້ນ,ເທິງໜ້ານ້ຳແກງຈະມີນ້ຳມັນຟູຂຶ້ນ,ຮັກສານ້ຳແກງໃຫ້ຮ້ອນຢູ່ສະເໝີ.
ບາດຈະກິນ,ຕ້ອງເອົາຕ່ອນຊີ້ນປາດິບ ຊີ້ນດິບ ຊີ້ນໄກ່ດິບທີ່ຊອຍເປັນແຜ່ນບາງໆລົງໃສ່ນ້ຳແກງ,ແລ້ວໃຊ້ໄມ້ຖູ່ຄົນໃຫ້ທົ່ວ,ຈຸ່ມໃຫ້ຊີ້ນສຸກ;ແລ້ວຈຶ່ງໃສ່ຊີ້ນສຸກຕ່າງໆ,ໃສ່ຍອດໝາກຖົ່ວລັນເຕົາ ຜັກແປ້ນອ່ອນ ຜັກຕີນເປັດ ເຕົ້າຮູ້ ແລະເຂົ້າປຸ້ນ,ສຸດທ້າຍແມ່ນໃສ່ນ້ຳສະອິວແລະນ້ຳມັນໝາກເຜັດ.ບັດນັ້ນ,ເຂົ້າປຸ້ນກົ້ວຊຽວທີ່ແຊບໆຖ້ວຍໜຶ່ງກໍປຸງແຕ່ງສຳເລັດ.
ເຂົ້າປຸ້ນກົ້ວຊຽວບໍ່ພຽງແຕ່ມີລົດຊາດແຊບນົວ,ທັງມີທາດບຳລຸງຫຼາຍ,ເຮັດໃຫ້ຄົນຈີນແລະຄົນຕ່າງປະເທດທີ່ເຄີຍກິນກໍຍ້ອງວ່າແຊບ. ທ້າວເດວິດ ແຄມແບວທີ່ມາຈາກອາເມລິກາຫາກໍ່ໄປຮອດຄຸນມິງສອງມື້,ກໍໄດ້ກິນເຂົ້າປຸ້ນກົ້ງຊຽວສາມເທື່ອແລ້ວ. ລາວເວົ້າວ່າ: (3)
"ຂ້ອຍຍັງບໍ່ຮູ້ຊື່ມັນເທື່ອ,ຮູ້ສຶກວ່າຄືໝີ່ຊະນິດໜຶ່ງ.ແຕ່ວ່າແຊບຫຼາຍ,ມື້ວານນີ້ ຂ້ອຍໄປກິນອີກເທື່ອໜຶ່ງ,ຈັ່ງແມ່ນແຊບແທ້ໆ.ຂ້ອຍຮູ້ສຶກວ່າ,ອາຫານຄຸນມິງແຊບໝົດສູ່ຢ່າງ."
ຢູ່ຕະຫຼາດອາຫານເໝີຍຊື,ມີຮ້ານກິນດື່ມລຽນກັນເປັນແຖວ.ນອກຈາກເຂົ້າປຸ້ນກົ້ວຊຽວແລ້ວ,ຍັງມີອາຫານຢຸນນານອີກຫຼາຍຢ່າງ.ເຊັ່ນ:ດອກຊ້ອນຂົ້ວໄຂ່ໄກ່ ປີ້ງໝາກເຂືອ ຈືນກະດູກຂ້າງໝູ ປີ້ງປາ,ເບິ່ງແຕ່ປ້າຍຊື່ອາຫານຂອງຮ້ານເຫຼົ່ານີ້,ກໍເຮັດໃຫ້ຄົນຢາກກິນແລ້ວ.
1 2
|
|
