|
ໄຕ້ຫວັນແມ່ນດິນແດນພາກສ່ວນຫນຶ່ງຂອງຈີນມາແຕ່ບູຮານນະການ.ປັດຈຸບັນ ງານແຕ່ງດອງດ້ວຍຮູບການດັ້ງເດີມຍັງມີຜົນສະທ້ອນຢ່າງ ຫຼວງຫຼາຍຢູ່ໄຕ້ຫວັນ,ນີ້ກໍຍ້ອນວ່າປະຊາຊອນໄຕ້ຫວັນ ສ່ວນຫຼາຍທີ່ສຸດລ້ວນແຕ່ແມ່ນຄົນຮຸ້ນຫຼັງຂອງ ຊາວຍົກຍ້າຍຈາກແຂວງຟູຈ້ຽນແຂວງກວາງຕຸ້ງແຜ່ນດິນໃຫຍ່ແລະຈາກແຫ່ງຕ່າງໆຂອງຈີນ ໃນເວລາບັນພະບຸລຸດຊາວແຜ່ນດິນໃຫຍ່ຈີນບຸກເບີກແລະສ້າງ ສາໄຕ້ຫວັນ,ພວກເຂົາເຈົ້າໄດ້ຮັກສາຮີດຄອງປະເພນີວັດທະນະທຂອງບ້ານເກີດເມືອງນອນໄປໄຕ້ຫວັນຢ່າງສະເຫມີຕົ້ນສະຫມີປາຍ,ພ້ອມທັງສືບທອດແລະສົ່ງເສີມໄປທຸກເຊັ່ນຄົນ.ເຖິງແມ່ນວ່າມາຮອດສັງຄົມຍຸກປັດຈຸບັນ,ຮີດຄອງປະເພນີດັ້ງເດີມຈຳນວນຫຼວງຫຼາຍຍັງຄົງຮັກສາເປັນຢ່າງດີຄືເກົ່າ,ທັງນີ້ໄດ້ສ່ອງແສງໃຫ້ເຫັນໃນດ້ານງານແຕ່ງດອງຂອງຊາວຫນຸ່ມຢ່າງພົ້ນເດັ້ນ
ໃນແບບວິທີດຳລົງຊີວິດສະໄຫມປັດຈຸບັນທີ່ເຕັມໄປດ້ວຍສະໄຫມນິຍົມ, ຊາວຫນຸ່ມ ຈຳນວນຫຼວງຫຼາຍ ຍັງຄົງເລືອກເອົາຮູບການແຕ່ງດອງດັ້ງເດີມທີ່ສືບທອດມາແຕ່ບູຮານນະການ,ບໍ່ພຽງແຕ່ສະແດງໃຫ້ເຫັນບັນຍາກາດວັດທະນະທຳດັ້ງເດີມຂອງປະຊາຊາດຈີນທໍ່ນັ້ນ,ຫາກຍັງມີຄວາມມ່ວນຊື່ນທີ່ຕ່າງກັນອີກຊະນິດ.ການໃຫ້ສິນສອດທອງຫມັ້ນ ຂີ່ຕະຫຼ່ຽງຫາມເປົ່າປີ່ສີຊໍໄປຮັບເອົາເຈົ້າສາວ ຄູ່ສົມລົດໄຫວ້ເທວະດາຟ້າແຖນແລະສົມມາຄາລະວະພໍ່ແມ່ ຜົວເມຍຄາລະວະກັນແລະພີ່ນ້ອງຫມູ່ເພືອນງັຍດອງແມ່ນເນື້ອໃນທີ່ຂາດເຂີນບໍ່ໄດ້ໃນງານແຕ່ງດອງແບບບູຮານ
1 2 3 4 5
|
