|
|
 |
| (GMT+08:00)
2006-09-26 18:28:47
|
 |
|
ແຊນສາມາດຕອບຄຳຖາມທີ່ວ່າພວກເຮົາມາຈາກໃສບໍ
cri
ເມື່ອບໍ່ດົນມານີ້,ນັກວິທະຍາສາດທັງຫຼາຍປະກາດວ່າ,ຮູບສີຈຸແຊນຂອງມະນຸດຈະເຮັດສຳເລັດໃນໄວໆນີ້,ປະຈຸບັນ,ຫນ້າທີ່ວັດແທກລຳດັບຈຸແຊນມະນຸດຫນຶ່ງສ່ວນຮ້ອຍທີ່ນັກວິທະຍາສາດຈີນຮັບພາລະນັ້ນກໍຈະເຮັດສຳເລັດໃນໄວໆນີ້ແລ້ວ,ຈຸແຊນຂອງມະນຸດແມ່ນຫນັງສືເທວະເຫຼັ້ມຫນຶ່ງທີ່ມີຄວາມເລິກລັບຂອງຊີວິດເຊື່ອງຊ້ອນຢູ່,ເຊິ່ງໄດ້ຕັດສິນການເກີດ,ການເຖົ້າແກ່,ການເຈັບໄຂ້ ແລະການຕາຍຂອງຄົນເຮົາ,ມີບາງຄົນເວົ້າວ່າ,ຫລັງຈາກມະນຸດກຳແຊນຂອງຕົນໄດ້ຫມົດແລ້ວ,ຄົນກໍຈະຍືນຮອດ ຮ້ອຍປີ 200 ປີເຊິ່ງບໍ່ແມ່ນຄວາມຝັນອີກແລ້ວ,ບໍ່ຫນຳຍັງມີບາງຄົນໄດ້ເວົ້າຂາດຕົວວ່າ,ຄົນຈະຍືນຮອດ 1200 ປີ,ຄັນຊັ້ນ,ແຊນກໍເປັນສິ່ງອັດສະຈັນຄືດແນວນີ້ແທ້ບໍ່?ນອກຈາກພາໃຫ້ມີອາຍຸຍືນແລ້ວ,ມັນຍັງຕອບບັນຫາທີ່ວ່າ ພວກເຮົາມາຈາກໃສໄດ້ບໍ່?ໃນລາຍການ"ສາລະຄະດີວິທະຍາສາດ"ພາກນີ້,ເຮົາຈິ່ງຢາກລົມບັນຫານີ້ນຳທ່ານ,ສະເພາະໃນລາຍການພາກນີ້ເຊີນທ່ານຟັງພາກຕົ້ນກ່ອນ.
ຄຽງຄູ່ກັບການລົງເລິກຄົ້ນຄວ້າຈຸແຊນຂອງມະນຸດນັ້ນ,ການຊອກຄົ້ນວິວັດທະນາການຂອງມະນຸດໄດ້ປະກົດມີສະຖານະພາບທີ່ມີນັກປາດຫຼາຍສຳນັກຕ່າງຄົນຕ່າງເວົ້າ,ເຊິ່ງໄດ້ຊຸກຍູ້ໃຫ້ພວກເຮົາມີຄວາມເຂົ້າໃຈຕໍ່ຕົນເອງຢ່າງເລິກເຊິ່ງ,ພ້ອມທັງໃນຄວາມຫມາຍດ້ານຊີວະສາດແລະມະນຸດສາດຕົວຈິງແຕ່ຫາກບໍ່ແມ່ນໃນຄວາມຫມາຍທາງສັງຄົມວິທະຍາ,ວັນນະຄະດີແລະປັດຊະຍາມາຕອບບັນຫາສຸດທ້າຍທີ່ວ່າພວກເຮົາແມ່ນໃຜ,ພວກເຮົາມາຈາກໃສ,ພວກເຮົາຈະເດີນໄປທິດໃດ?
ໃນດ້ານວິວັດທະນາການແລະທີ່ມາຂອງຄົນນັ້ນ,ຈາກຜົນຂອງການຄົ້ນຄວ້າແຊນໃນຊູ່ມື້ນີ້ສະແດງໃຫ້ເຫັນວ່າ,ກ່ອນມະນຸດທະນີ--ຮູບທີ່ຫາກໍຈໍ່ຕົວຂຶ້ນຂອງຄົນນັ້ນ,ແຊນຂອງຄົນກໍຄ້າຍຄືກັນກັບສັດຫຼາຍຊະນິດ,ພ້ອມກັນນັ້ນກໍມີຫຼາຍບ່ອນແມ່ນຄ້າຍຄືກັນກັບສັດຊັ້ນຕ່ຳພິເສດນຳອີກ,ຫນຶ່ງໃນຫລັກຖານແມ່ນຜົນຂອງການວັດແທກລຳດັບທັງຫມົດຂອງແຊນແມງໄມ້ເມື່ອບໍ່ດົນມານີ້,ຜົນດັ່ງກ່າວໄດ້ສະແດງໃຫ້ເຫັນວ່າ,ແຊນຂອງແມງໄມ້ຢ່າງຫນ້ອຍກໍມີເຄິ່ງຫນຶ່ງແມ່ນຄ້າຍຄືກັນກັບແຊນຂອງສັດທີ່ລ້ຽງລູກດ້ວຍນ້ຳນົມ,ພ້ອມກັນນັ້ນໃນຈຳນວນແຊນຂອງແມງໄມ້ແມ່ນມີ 177 ອັນຄ້າຍຄືກັນກັບແຊນທີ່ພາໃຫ້ເຈັບໄຂ້ຢູ່ໃນຮ່າງກາຍຂອງຄົນ,ໃນນັ້ນລວມທັງແຊນມະເຮັງທີ່ມະນຸດຮູ້ຈັກແລ້ວ 67%, ໃນຈຳນວນ 8 ແຊນຂອງພະຍາດຫມາກໄຂ່ຫລັງແລະແຊນຂອງພະຍາດເສັ້ນປະສາດຂອງມະນຸດເປັນຕົ້ນແລະອື່ນໆ,ທັງນີ້ສະແດງໃຫ້ເຫັນວ່າ,ຫນຶ່ງແຊນຂອງແມງໄມ້ແມ່ນຄ້າຍຄືກັນກັບແຊນຂອງມະນຸດເຊິ່ງສະແດງໃຫ້ເຫັນອີກເທື່ອຫນຶ່ງເຖິງຫລັກການລວມແຫ່ງວິວັດທະນາການຂອງຊີວະຊາດ,ຄືຈາກອະນິນຊີໄປສູ່ອີນຊີ,ຈາກຂັ້ນຕ່ຳໄປຫາຂັ້ນສູງ,ພ້ອມກັນນັ້ນກ່ອນມະນຸດທະນີ,ຄົນກັບສັດຊັ້ນຕ່ຳແມ່ນເຄີຍມີບັນພະບຸລຸດຮ່ວມກັນຕັ້ງແຕ່ປາງກີ້ປາງກ່ອນ,ພ້ອມກັນນັ້ນກໍມີຄວາມອາດສາມາດວ່າຄົນກໍວິວັດທະນາການມາຈາກແມງໄມ້ເຊິ່ງເປັນສັດຊັ້ນຕ່ຳ,ສອງໃນທ່າມກາງວິວັດທະນາການນັ້ນ,ມີແຊນແນວບໍ່ດີຈຳນວນຫນຶ່ງກໍຕິດຕາມມານຳຄົນແລະສັດຄືກັນ,ແຕ່ວ່າຢູ່ໃນຮ່າງຄີງຂອງຄົນໄດ້ສະແດງອອກເຖິງການເຈັບໄຂ້ໄດ້ປ່ວຍ,ແຕ່ຢູ່ໃນຮ່າງຄີງຂອງສັດມັນພັດບໍ່ແນ່ນອນວ່າຈະພາໃຫ້ເຈັບໄຂ້ໄດ້ປ່ວຍ,ທັງນີ້ສະແດງໃຫ້ເຫັນວ່າຄວາມສາມາດຂອງສັດແລະຄົນທີ່ເຫມາະກັບສິ່ງແວດລ້ອມນັ້ນບໍ່ຄືກັນ,ສ່ວນວ່າແມ່ນໃຜສູງໃຜຕ່ຳ
ນັ້ນກໍຍັງວິຈານຍາກຢູ່,ເພາະສະນັ້ນ,ຄົນກັບສັດນັ້ນແມ່ນໃຜຈະເຫມາະກັບສິ່ງແວດລ້ອມກໍຍັງຕ້ອງລົງເລີກຄົ້ນຄວ້າຕໍ່ໄປອີກ,ແຕ່ວ່າຜູ່ຄົ້ນຄວ້າແມ່ນຢືນຢັນແນ່ນອນວ່າ,ຈາກການຄົ້ນຄວ້າແຊນຂອງຊີວະຊາດຊັ້ນຕ່ຳຄືແມງໄມ້ເປັນຕົ້ນກໍ່ຄົ້ນເຫັນມູນເຫດສຸດທ້າຍຂອງຄົນທີ່ເປັນພະຍາດແລະຮ່ອງຮອຍຂອງມະນຸດທີ່ຫຼຸດພົ້ນອອກຈາກຊີວະຊາດຊັ້ນຕ່ຳແລະວິວັດທະນາການມາເປັນສັດຊັ້ນສູງ.
ພ້ອມກັນນັ້ນ,ບາງຜົນຂອງການຄົ້ນຄວ້າແຊນກໍໄດ້ຕັ້ງຂໍ້ທ້າທາຍຕໍ່ຊ່ອງທາງວິວັດທະນາການກ່ຽວກັບຄົນແມ່ນມາຈາກລິງອີກດ້ວຍ.ກ່ອນອື່ນແມ່ນຜູ່ຄົ້ນຄວ້າຂອງຫໍພິພິດທະພັນທຳມະຊາດຂອງອາຟຼິລິກາໃຕ້ເປັນຜູ່ຕັ້ງບັນຫາຂຶ້ນວ່າ,ຄົນແມ່ນວິວັດທະນາການມາຈາກຫມາ ຕໍ່ມາ,ກໍມີນັກວິທະຍາສາດຈຳນວນຫນຶ່ງເຫັນວ່າ,ໃນສະຕິປັນຍາແລະດ້ານນອກຮ່າງຄີງນັ້ນ,ປາໂລມາກັບຄົນແມ່ນຄ້າຍຄືກັນທີ່ສຸດ,
1 2
|
|
|
