|
|
 |
| (GMT+08:00)
2006-09-26 18:28:47
|
 |
|
ແຊນສາມາດຕອບຄຳຖາມທີ່ວ່າພວກເຮົາມາຈາກໃສບໍ
cri
ຈາກນັ້ນຈິ່ງມີຄຳສົມມຸດວ່າຄົນແມ່ນວິວັດທະນາການມາຈາກປາໂລມາ,ພ້ອມກັນນັ້ນຄົນກໍແມ່ນມາຈາກນ້ຳແລ້ວ,ຄ່ອຍໆຂຶ້ນບົກມາເທື່ອລະກ້າວ,ເນື່ອງຈາກການຂະຫຍາຍຕົວຂອງການຍ້າຍອະໄວຍະວະ,ໃນເວລາຊອກຫາອະໄວຍະວະຂອງສັດມາໃຊ້ຕາງນັ້ນຈິ່ງປະກົດເຫັນອີກວ່າແຊນຂອງຫນູກໍຄ້າຍຄືກັນຫຼາຍກັບຂອງຄົນ,ຈາກນັ້ນຈິ່ງຕັດສິນເອົາຫນູທີ່ຫັນແຊນມາເປັນແຫຼ່ງອະໄວຍະວະສຳລັບສະຫນອງຄົນ,ທັງນີ້ສະແດງໃຫ້ເຫັນວ່າຫນູອາດຈະແມ່ນບັນພະບູລຸດຂອງຄົນກໍວ່າໄດ້.
ແຕ່ວ່າຢູ່ໃນແຜນການຈຸແຊນມະນຸດທີ່ຫຼ້າສຸດນັ້ນ,ນັກວິທະຍາສາດອັງກິດກໍໄດ້ປະກົດເຫັນອີກວ່າໃນໄລຍະວິວັດທະນາການໃດຫນຶ່ງ,ຄົນກັບຫນູແລະໄກ່ແມ່ນຄ້າຍຄືກັນທີ່ສຸດ,ເຫດຜົນຂອງມັນກໍແມ່ນຢູ່ນຳຄວາມຄ້າຍຄືກັນຂອງແຊນນັ້ນເອງ,ທັງນີ້ສະແດງໃຫ້ເຫັນວ່າກ່ອນ 300 ລ້ານປີພຸ້ນ,ຄົນ,ໄກ່ແລະຫນູແມ່ນມີບັນພະບູລຸດທີ່ວິວັດທະນາການອັນດຽວກັນ.ແຕ່ວ່າໃນຂະບວນວິວັດທະນາການອັນຍືດຍາວຕໍ່ມາອົງປະກອບຈຸແຊນຂອງຫນູໄດ້ຜ່ານການປ່ຽນແປງໄວກວ່າຄົນແລະໄກ່ອີກຊ້ຳ, ຈາກນັ້ນຈິ່ງເຮັດໃຫ້ຈຸແຊນຂອງຄົນແລະໄກ່ມີລັກສະນະຄ້າຍຄືກັນແລະມີລັກສະນະຫມັ້ນທ່ຽງຫຼາຍກວ່າ.
ເມື່ອເປັນແນວນີ້,ກໍເປັນທຳມະດາເລີຍມີບັນຫາຫນຶ່ງເກີດຂຶ້ນຄື:ກ່ອນລິງນັ້ນ,ການວິວັດທະນາຂອງມະນຸດລ້ວນແຕ່ມີການພົວພັນກັບໄກ່ແລະຫນູ,ເພາະວ່າພວກມັນລ້ວນແຕ່ມີຄວາມຄ້າຍຄືກັນກັບແຊນຂອງລິງ,ຄັນຊັ້ນຄົນແມ່ນວິວັດທະນາການມາຈາກສັດແນວໃດແທ້? ເປັນອັນຈະແຈ້ງວ່າ,ໃນປະຈຸບັນ,ການອີງໃສ່ແຊນກໍຍັງບໍ່ສາມາດພິສູດບັນຫານີ້ໄດ້ເທື່ອ,ແຕ່ວ່າ,ການຄົ້ນຄວ້າວິຊາການອື່ນໆພັດໄດ້ຕັ້ງທັດສະນະແນວຫນຶ່ງອີກ,ນີ້ກໍແມ່ນທິດສະດີຈາກການຄົ້ນຄວ້າບູຮານນະຄະດີສາດແລະມະນຸດບູຮານນະສາດທີ່ຕັ້ງຂຶ້ນຕໍ່ວິວັດທະນາການຂອງຄົນຄື:ບັນພະບູລຸດຮ່ວມຂອງຄົນນັ້ນແມ່ນປາ,ທັງນີ້ແມ່ນມີບ່ອນຄ້າຍຄືກັນກັບທິດສະດີທີ່ວ່າຄົນແມ່ນຜັນແປມາຈາກປາໂລມາ.
ໃນປະຈຸບັນ,ຢູ່ລາໂຕນີແລະແອສໂຕນີ,ນັກບູຮານນະຄະດີໄດ້ຄົ້ນພົບຊາກທີ່ກັບ
ກາຍເປັນຫີນສອງກ້ອນຢູ່ໃນຫຼືບຫີນທີ່ມີປະຫວັດສາດ 370 ລ້ານປີ,ແລ້ວຖືເປັນຊີວະຊາດຊະນິດຫນຶ່ງຢູ່ລະຫວ່າງກາງຈຳນວນປາກັບສັດສີ່ຕີນດຶກດຳບັນທີ່ຢູ່ໃນນ້ຳແລະຢູ່ເທິງບົກ,ສັດນຳພວກນີ້ແມ່ນສັດກິນຊີ້ນຊະນິດຫນຶ່ງ,ຮູບຮ່າງຄືແຂ້ ຄີສັນ ຫລັງ,ໄດ້ຊຸດໂຊມໄປແລ້ວ,ແຕ່ຄີຢູ່ຫາງຍັງມີຢູ່,ແຕ່ກ່ອນວົງການວິທະຍາສາດພາກັນມີທັດສະນະແນວຫນຶ່ງຄື:ຖືວ່າສັດຈຳພວກມີກະດູກສັນຫລັງທີ່ເກີດຢູ່ເທິງບົກທັງຫມົດເຊິ່ງລວມທັງມະນຸດນັ້ນລ້ວນແຕ່ແມ່ນວິວັດທະນາການມາຈາກສາຂາພິເສດສາຂາຫນຶ່ງຂອງຈຳພວກປາເມື່ອປະມານ 365 ລ້ານປີກ່ອນ,ແຕ່ວ່າໄລຍະຫ່າງກັນລະຫວ່າງຈຳພວກປາຊັ້ນສູງທີ່ສຸດກັບສັດສີ່ຕີນຢູ່ເທິງບົກທີ່ດຶກດຳບັນກວ່າຫມູ່ນັ້ນແມ່ນຜິດໂຕນກັນຫຼາຍ,ແລະຂາດຜູ່ເຊື່ອມຕໍ່,ສະນັ້ນ,ຊາກທີ່ກັບກາຍເປັນຫີນສອງກ້ອນດັ່ງກ່າວທີ່ຄົ້ນພົບໃນປະຈຸບັນຈິ່ງຖືກຖືເປັນສິ່ງຕາບຕື່ມຊ່ອງຫວ່າງລະຫວ່າງສອງອັນນີ້.
ທັງຫມົດເຫຼົ່ານີ້ລ້ວນແຕ່ສະແດງໃຫ້ເຫັນວ່າເມື່ອທົບທວນຄືນຫລັງເຖິງການວິວັດທະນາຂອງຄົນໄປຮອດສັດກ່ອນມະນຸດທະນີນັ້ນກໍຍັງມີຄວາມເຫັນຂັດກັນຫຼາຍທີ່ສຸດ,ລາງເທື່ອອາດຈະແມ່ນຄຽງຄູ່ກັບຫຼັງການຄົ້ນຄວ້າຍຸກສະໄຫມຈຸແຊນຍິ່ງເລິກເຊິ່ງກວ່າເກົ່າແລ້ວ,ກໍຈະໄຂຄວາມລັບດັ່ງກ່າວນີ້ຝ່າຍເຖິງຖອງ.
1 2
|
|
|
