|
|
 |
| (GMT+08:00)
2006-09-27 17:25:12
|
 |
|
ທ່ານລໍນ້ຽນອີ ນັກແຕ່ງເພງເຜົ່າຮ້ານຢູ່ພູພຽງຕີເບດ(ສຽງ)
cri
|
ທີ່ນີ້ເປັນວິທະຍຸສາກົນແຫ່ງປະເທດຈີນ, ສະບາຍດີ,ທ່ານຜູ່ຟັງທີ່ໂຄລົບ, ຊົມເຊີຍທ່ານຟັງລາຍການນັດພົບໃນວັນອາທິດ.ໃນລາຍການມື້ນີ້,ຂ້າພະເຈົ້າຈະແນະນຳນັກແຕ່ງເພງຜູ້ຫນຶ່ງທີ່ດຳລົງຊີວິດຢູ່ເຂດຕີເບດປົກຄອງຕົນເອງມາໄດ້50ກວ່າປີແລ້ວ,ເພິ່ນກໍຄືທ່ານລໍນ້ຽນອີເຜົ່າຮ້ານ.
ທ່ານຜູ້ຟັງ,ເພງທີ່ທ່ານພວມຟັງຢູ່ນີ້ຊື່ວ່າ ຕີເບດທີ່ສວຍງາມຊຶ່ງແຕ່ງໂດຍທ່ານລໍ ນ້ຽນອີ.ເພງນີ້ໄດ້ສັນລະເສີນທັດສະນີຍະພາບທຳມະຊາດທີ່ສວຍງາມຂອງຕີເບດແລະຄວາມຮັກແພງຂອງປະຊາຊົນຕີເບດທີ່ມີຕໍ່ບ້ານເກີດເມືອງນອນ.ໃນເພງມີເນື້ອຮ້ອງວ່າ:"ຕາເວັນໂພ່ຂຶ້ນເທິງພູພຽງ,ພູຫິມະແລະທົ່ງຫຍ້າເປັ່ງແສງແວວວາວ, ງົວແລະແບ້ມຸກພີດີງາມເຂົ້າຊີງໂກສົ່ງກິ່ນຫອມຫວນເຕັມທົ່ງນາ,ປະຊາຊົນຕີເບດ ຊື່ນອຸລາ."
ປີ1933,ທ່ານລໍນ້ຽນອີເກີດຢູ່ເມືອງຊືສຸຍ ແຂວງກຸ້ຍໂຈ່ວພາກຕາເວັນຕົກສຽງໃຕ້ ຂອງຈີນ.ທ່ານມັກດົນຕີພື້ນເມືອງມາແຕ່ນ້ອຍ,ໃນເວລາຮຽນຊັ້ນມັດທະຍົມ, ທ່ານ ໄດ້ຮຽນສີຊໍອູ້ ເຊິ່ງເປັນມະໂຫລີພື້ນເມືອງຊະນິດຫນຶ່ງຂອງຈີນປີ1949.ຫລັງຈາກ ສ້າງຕັ້ງປະເທດຈີນໃຫມ່ໄດ້ສ້າງຕັ້ງຂຶ້ນແລ້ວ,ທ່ານລໍນ້ຽນອີໄດ້ເສັງເຂົ້າຄະນະສີລະປາກອນເມືອງຊືສຸຍ.ພາຍຫລັງມາ,ທ່ານໄດ້ເຂົ້າຮ່ວມກອງທັບປົດປ່ອຍປະຊາຊົນຈີນ,ກາຍເປັນນັກລົບສີລະປາກອນຜູ້ຫນຶ່ງ. ປີ1950,ທ່ານລໍນ້ຽນອີໄດ້ຕິດຕາມກອງ ທັບໄປຕີເບດ,ເລີ່ມຜ່ານຊີວິດທະຫານເປັນເວລາຍາວນານ.
ໃນເວລານັ້ນ,ທ່ານລໍນ້ຽນອີໄດ້ໄປຢູ່ເຂດພູພຽງຫິມະ.ທ່ານໄດ້ເຫັນມວນຊົນເຜົ່າຕິເບດອັນໄພສານເປ້ຖົງທັນຍາຫານ,ຫລືເອົາມ້າຕ່າງສົ່ງໄປຊ່ອຍເຫລືອກອງທັບທີ່ເຄື່ອນພົມເຂົ້າສູ່ຕິເບດ,ໄດ້ເຫັນນັກລົບກອງທັບປົດປ່ອຍປະຊາຊົນຈີນສ້າງສາເຂດຕິເບດດ້ວຍຄວາມລຳບາກກາກກຳຄວາມກະຕືລືລົ້ນຂອງທ່ານໄດ້ກະຕຸກຊຸກຍູ້ໃຫ້ທ່ານແຕ່ງເພງຫລາຍເພງທີ່ສ່ອງແສງການສ້າງສາເຂດຕິເບດ,ເຊັ່ນເພງ"ບົນເສັ້ນ ທາງລຳລຽງຂົນສົ່ງ,ເພງຈັ່ງໃດຊິບໍ່ໃຫ້ພວກເຮົາສັນລະເສີນແລະເພງທາງແຫ່ງຄວາມສຸກເປັນຕົ້ນ.ຕໍ່ໄປ,ເຊີນຟັງເພງ ຈັ່ງໃດຊິບໍ່ໃຫ້ພວກເຮົາສັນລະເສີນ,ນີ້ແມ່ນເພງທີ່ທ່ານລໍນ້ຽນອີແຕ່ງໃນໄລຍະຕົ້ນ,ແລະກໍ່ແມ່ນເພງທີ່ພາໃຫ້ທ່ານມີຊື່ສຽງ.
ໃນເພງນີ້ມີເນື້ອຮ້ອງວ່າ:"ທ້ອງຟ້າສີຄາມກວ້າງໃຫຍ່,ຮຸ້ງບິນເວີ່ນຢູ່ກາງຫາວ,ຢູ່ໃຕ້ພູຫິມະມີຊັບໃນດິນສິນໃນນ້ຳອຸດົມສົມບູນດອກໄມ້ບານເຕັມທົ່ງ,ແຫ່ງນັ້ນມີບ້ານ ນາທີ່ສວຍງາມ,ຍັງມີງົວແລະແກະທີ່ຫນ້າຮັກ.ເທິງພູຫິມະທີ່ບໍ່ເຄີຍມີຄົນທ່ຽວ,ດຽວນີ້, ໄດ້ຕັດທາງໃສ່ແລ້ວ,ຢູ່ບ່ອນທີ່ເຄີຍກາງຕູບຜ້າເຕັນໃສ່ນັ້ນ,ດຽວນີ້ໄດ້ປຸກຕຶກໃສ່ແລ້ວ.ໂອ້,ຕິເບດ,ບ້ານເກີດຂອງພວກເຮົາ,ຈັ່ງໃດຊິບໍ່ໃຫ້ພວກເຮົາສັນລະເສີນເຈົ້າ."
1 2
|
|
|
