|
|
 |
| (GMT+08:00)
2006-09-27 17:28:58
|
 |
|
ຊີມອາຫານຫວຽດນາມຢູ່ປັກກິ່ງ(ສຽງ)
cri
Author: lm
|
ໃນຫຼາຍປີມານີ້,ນະຄອນຫຼວງປັກກິ່ງນັບມື້ນັບພັດທະນາເປັນນະຄອນສາກົນ,ໃນດ້ານອາຫານການກິນ,ນັກທ່ອງທ່ຽວນອກຈາກຈະໄດ້ກິນອາຫານປັກກິ່ງເຊັ່ນເປັດປັກກິ່ງແລະຊີ້ນແກະຈຸ່ມແລ້ວ,ຈະຊອກກິນອາຫານລົດຊາດປະເທດຕ່າງໆກໍມີ.ໃນລາຍການພາກນີ້,ດາລາວັນຈະແນະນຳຮ້ານອາຫານຫວຽດນາມສອງຮ້ານຢູ່ປັກກິ່ງສູ່ທ່ານຟັງ.
ເມື່ອເວົ້າເຖິງສະຖານທີ່ທີ່ຄົນຕ່າງປະເທດຢູ່ປັກກິ່ງມັກໄປນັ້ນ,ຜູ້ທີ່ຮູ້ຈັກປັກກິ່ງອາດຈະບອກທ່ານວ່າ,ແມ່ນຖະໜົນຊ່ານຫຼີທຸນ.ຖະໜົນຊ່ານຫຼີທຸນ ຕັ້ງຢູ່ຄຸ້ມສະຖານທູດທີ່ຢູ່ພາກຕາເວັນອອກຂອງນະຄອນປັກກິ່ງ,ຕາມຖະໜົນສາຍນີ້ມີບາເຫຼົ້າແລະຮ້ານອາຫານຝ່າຍຕາເວັນຕົກຫຼາຍກວ່າເພິ່ນ,ຮ້ານຂາຍຍົກແລະຂາຍຍ່ອຍເຄື່ອງນຸ່ງທີ່ສົ່ງໄປຕ່າງປະເທດນັ້ນກໍຂາຍດິບຂາຍດີ.
ຢູ່ຖະໜົນຊ່ານຫຼີທຸນ,ມີເຮືອນສອງຊັ້ນຫຼັງໜຶ່ງທີ່ບໍ່ປະຈັກຕາປານໃດ,ນີ້ກໍ່ແມ່ນຮ້ານອາຫານຫວຽດນາມ,ຊື່ວ່າ"ນ່າມນ່າມ".
ໜ້າຮ້ານນ່າມນ່າມກໍທຳມະດາທຳມະດາ,ແຕ່ເມື່ອຍ່າງເຂົ້າໄປໃນຮ້ານ ພັດຮູ້ສຶກວ່າໂອ້ໂຖງດີ ທັງແຈ້ງສະຫວ່າງ,ມີພັດລົມແບບເກົ່າແຂວນຢູ່ເທິງເພດານ, ປ່ອງຢ້ຽມແມ່ນເຮັດດ້ວຍໄມ້ຍາວໆ,ມີຕູ້ໂຊເຫຼົ້າສີແດງ,ມີເກົ້າອີ້ຫວາຍແລະພືດແຖບຮ້ອນສູງໆຕ່ຳໆສະຫຼັບກັນຢູ່ໃນຫ້ອງ,ມີບັນຍາກາດແຖບຮ້ອນແບບອາຊີອາຄະເນ.ຕາມເວົ້າວ່າ,ເຄື່ອງເອ້ຫຼາຍຢ່າງໃນຮ້ານ,ແມ່ນເຈົ້າຂອງຮ້ານເອົາມາແຕ່ຫວຽດນາມຄືເມືອງໂຮຈິມິນເປັນຕົ້ນ.
ເມື່ອເວົ້າເຖິງຊື່ຮ້ານນີ້,ຈະເຮັດໃຫ້ຄົນຮູ້ສຶກແປກປະຫຼາດຫຼາຍ.ທ່ານຫຼີອີ້ທີ່ເຮັດວຽກໃນຮ້ານນີ້ອະທິບາຍວ່າ:
"ນ່າມນ່າມແມ່ນໂຕສຸດທ້າຍຂອງຊື່ຫວຽດນາມ,ທັງເປັນສຽງນ່ຳໆທີ່ສົ່ງສຽງອອກມາໃນເວລາໄດ້ກິນຂອງແຊບຮູ້ສຶກພໍອົກພໍໃຈ,ໃຊ້ນ່າມນ່າມມາເປັນຊື່ຮ້ານ,ແມ່ນຢາກບອກໃຫ້ຮູ້ວ່າ ລົດຊາດອາຫານຮ້ານພວກເຮົາແຊບຫຼາຍ."
ພໍ່ຄົວຮ້ານອາຫານນ່າມນ່າມແມ່ນມາຈາກພາກຕາເວັນອອກ ພາກເໜືອແລະພາກໃຕ້ຂອງຫວຽດນາມ,ສະນັ້ນ ແຂກມາກິນເຂົ້າຢູ່ນີ້ຈະໄດ້ຊີມລົດອາຫານແຫ່ງຕ່າງໆຂອງຫວຽດນາມ.ວິທີປຸງແຕ່ງອາຫານຫວຽດນາມຂອງຮ້ານນີ້ ສ່ວນຫຼາຍແມ່ນໜຶ້ງ ຕົ້ມ ປີ້ງແລະຍຳ,ລົດບໍ່ຈັດ,ບໍ່ອືດ,ຖ້າເປັນອາຫານຈືນຫຼືປີ້ງກໍຕ້ອງມີຜັກສະຫຼັດ ຜັກເສີມແລະນ້ຳຈີ້ມທີ່ສົ້ມໆຫວານໆ,ສຳລັບພັນກິນ ມີລົດຊາດພິເສດຫຼາຍ.ນອກຈາກແບບຫວຽດນາມແລ້ວ,ພໍ່ຄົວຮ້ານນີ້ຍັງຊ່າງແຕ່ງອາຫານຈີນ ໄທ ມາເລເຊຍແລະຝຣັ່ງເປັນຕົ້ນ.
ນາງບິກທ່ວນໂງ້ ຄົນຫວຽດນາມທີ່ເຮັດວຽກຢູ່ປັກກິ່ງແມ່ນຂາປະຈຳຮ້ານອາຫານນ່າມນ່າມ,ນາງເວົ້າວ່າ:
"ເຝີຊີ້ນງົວຂອງຮ້ານນີ້ມີລົດຊາດແບບຫວຽດນາມອ້ອຍຕ້ອຍ.ນີ້ແມ່ນຍ້ອນວ່າ ມີເຄື່ອງປຸງແຕ່ງທີ່ເອົາມາແຕ່ຫວຽດນາມ,ເພາະຢູ່ປັກກິ່ງບໍ່ມີ."
1 2
|
|
|
