|
|
 |
| (GMT+08:00)
2006-09-27 17:28:58
|
 |
|
ຊີມອາຫານຫວຽດນາມຢູ່ປັກກິ່ງ(ສຽງ)
cri
Author: lm
ຢູ່ປັກກິ່ງ,ຮ້ານອາຫານຫວຽດນາມບໍ່ຫຼາຍ,ສ່ວນໃນຮ້ານດຽວມີທັງອາຫານຫວຽດນາມແລະອາຫານໄທ,ກໍແຮ່ງຫາຍາກ.ຢູ່ມໍ່ໂຮງແຮມຈ້ຽນໂກຖະໜົນຊາງອ່ານ,ມີຮ້ານອາຫານຮ້ານໜຶ່ງຊື່ວ່າ"ທ້າຍເຫີກຸ່ງ",ຮ້ານນີ້ເຮັດທັງອາຫານຫວຽດນາມແລະອາຫານໄທ.ຢູ່ໜ້າຮ້ານໄດ້ຕັ້ງກະຕ່າດອກກ້ວຍໄມ້ຂອງໄທທີ່ສົ່ງມາທາງຍົນສູ່ມື້.ພໍຍ່າງເຂົ້າຮ້ານ,ຫ້ອງໃຫຍ່ແບ່ງເປັນສອງເຂດຄື:ເຂດອາຫານຫວຽດນາມແລະເຂດອາຫານໄທ.ເຂດອາຫານໄທຕົກແຕ່ງຢ່າງຫຼູຫຼາປານວັງ;ສ່ວນເຂດອາຫານຫວຽດນາມພັດຕົກແຕ່ງແບບງ່າຍໆດ້ວຍກຸບຫວຽດແລະແພຕ່ຳດ້ວຍມືໄປທາງລັກສະນະຊົນນະບົດຢ່າງເຂັ້ມຂຸ້ນ.
 ຜູ້ມາກິນເຂົ້າຢູ່ຮ້ານທ້າຍເຫີກົ່ງ,ສ່ວນຫຼາຍແມ່ນຄົນຫວຽດນາມແລະຄົນໄທທີ່ມາຢູ່ປັກກິ່ງດົນແດ່.ເຖົ້າແກ່ຮ້ານແມ່ນຄົນຈີນທີ່ມາແຕ່ຫວຽດນາມ,ຊ່າງແຕ່ງອາຫານຫວຽດນາມຢ່າງຊຳນິຊຳນານ,ຢໍ່ຈືນ(ຫງ້ອຍກ໋ວງ)ຢໍ່ດິບ ແລະເຝີຕ໋າຍ,ມີລົດຊາດແບບຫວຽດອ້ອຍຕ້ອຍ,ໄດ້ດູດດຶງແຂກຈີນຫຼວງຫຼາຍເຂົ້າໄປກິນ.ນາງທ່າງຫຼິງຫຼິງ ຄົນຈີນທີ່ມັກມາກິນຢູ່ຮ້ານນີ້ເລື້ອຍໆເວົ້າວ່າ:
"ຂ້ອຍຮູ້ສຶກວ່າ ລົດຊາດອາຫານຫວຽດນາມກັບອາຫານຈີນຕ່າງກັນຫຼາຍກວ່າໝູ່ ແມ່ນອາຫານຫວຽດນາມບໍ່ມັນ,ຈະເປັນອາຫານຫວານ ອາຫານເຄັມແລະອາຫານເຜັດກໍໃສ່ນ້ຳມັນບໍ່ຫຼາຍ.ນອກນີ້,ນ້ຳປາກໍມີຈຸດພິເສດຄືກັນ,ຄືກັບນ້ຳສະອິວຂອງຈີນ. ແຕ່ວ່າ ນ້ຳປາແມ່ນເຮັດດ້ວຍປາ,ອາຫານຫຼາຍຢ່າງຕ້ອງຈ້ຳນ້ຳປາ,ຮູ້ສຶກວ່າແຊບດີ,ທັງບໍ່ຕ້ອງຢ້ານ ກິນແລ້ວຈະຕຸ້ຍ."
1 2
|
|
|
