|
|
 |
| (GMT+08:00)
2006-10-17 17:35:13
|
 |
|
ຮ້ານຄ້າເກົ່າຂອງນະຄອນປັກກິ່ງ
cri
Author: da
|
ປັກກິ່ງແມ່ນເມືອງທີ່ມີປະຫວັດສາດຍາວນານ.ນອກຈາກມີແຫຼ່ງທ່ອງທ່ຽວທີ່ມີຊື່ສຽງຈຳນວນໜຶ່ງແລ້ວ,ຢູ່ໃນເມືອງຍັງໄດ້ຮັກສາຮ້ານຄ້າເກົ່າຫຼາຍແຫ່ງໄວ້.ໃນລາຍການພາກນີ້,ດາລາວັນຈະພາທ່ານໄປເລາະທ່ຽວຮ້ານຄ້າເກົ່າທີ່ມີປະຫວັດສາດຮ້ອຍປີຈັກສອງແຫ່ງ,ປ້າຍຮ້ານທີ່ຂຽນໜັງສືສີຄຳຈະເລົ່າປະຫວັດສາດແລະນິທານຂອງນະຄອນປັກກິ່ງສູ່ທ່ານຟັງ.
ໃນຮ້ານຄ້າເກົ່າໃນເມືອງປັກກິ່ງ,ຮ້ານທີ່ມີປະຫວັດອັນຍາວນານກວ່າໝູ່ແມ່ນຮ້ານຢາໂຖງເຢິນຖາງທີ່ສ້າງຂຶ້ນເມື່ອປີ1669,ເກືອບກາຍເປັນຕົວແທນຂອງຮ້ານຄ້າເກົ່າຢູ່ປັກກິ່ງ.
 ຜູ້ລິເລີ່ມສ້າງຮ້ານຢາໂຖງເຢິນຖາງ ແມ່ນທ່ານເຢ້ສຽນຢາງ,ແມ່ນເຈົ້າໜ້າທີ່ແພດໝໍຊັ້ນສູງຂອງເຈົ້າຊີວິດໃນເມື່ອກ່ອນ.ຍ້ອນມີສາຍສຳພັນອັນແໜ້ນແຟ້ນກັບພະລາຊະວັງ,ບວກກັບທ່ານພິຖີພິຖັນໃນການເລືອກວັດຖຸຢາແລະຜະລິດຢາ,ພາຍຫຼັງມາ ຮ້ານຢາໂຖງເຢິນຖາງໄດ້ກາຍເປັນພໍ່ຄ້າທຸລະກິດຢາຮັບໃຊ້ສະເພາະໃຫ້ພະລາຊະວັງພຽງຮ້ານດຽວ.ລຸງຈິ່ນຢົງນຽນທີ່ເຮັດວຽກຫຼາຍປີຢູ່ຮ້ານໂຖງເຢິນຖາງແນະນຳວ່າ,ຕຳລາຢາຂອງຮ້ານໂຖງເຢິນຖາງສ່ວນຫຼາຍແມ່ນເຜີຍແຜ່ອອກມາຈາກພະລາຊະວັງ. ລຸງເວົ້າວ່າ:
"ເຊັ່ນເຫຼົ້າໂກກົ່ງຂອງຮ້ານໂຖງເຢິນຖາງ,ໃນລາຊະວົງມິງເມື່ອປີ 1400 ແມ່ນຕຳແໜ່ງເຈົ້າໜ້າທີ່ຜູ້ໜຶ່ງ,ລາວເກັບເອົາຕຳລາຢາຈາກປະຊາຊົນທຳມະດາທີ່ຕົ້ມເຫຼົ້າຢູ່ໃນເຮືອນເອງ,ມີຄຸນນະພາບດີຫຼາຍ.ພາຍຫຼັງມາ,ຕຳລາຢານີ້ໄດ້ສົ່ງເຂົ້າໂຮງໝໍຂອງລາຊະວັງ.ຮ້ານໂຖງເຢິນຖາງທີ່ສະໜອງຢາໃຫ້ໂຮງໝໍລາຊະວັງໄດ້ປັບປຸງຕຳລາດັ່ງກ່າວຫຼາຍເທື່ອ,ຈິ່ງໄດ້ຜົນດີກວ່າເກົ່າ. ໃນລາຊະວົງຊິ່ງ ພະລາຊະຊົນນີຈືຊີກໍໃຊ້ເຫຼົ້າດັ່ງກ່າວ,ດຽວນີ້ ເຫຼົ້າໂກກົ່ງຍັງແມ່ນຢາທີ່ມີຊື່ສຽງແລະເກົ່າແກ່ຫຼາຍໃນຮ້ານຢາໂຖງເຢິນຖາງ."
ລຸງຈິ່ນຢົງນຽນເວົ້າວ່າ,ຮ້ານໂຖງເຢິນຖາງມີຫຼັກການຜະລິດຢາທີ່ສຸຂຸມຮອບຄອບທີ່ສຸດ,ນັ້ນກໍແມ່ນ ເຖິງວ່າວິທີການຜະລິດຢາ ແມ່ນຄົນນອກຮ້ານບໍ່ຮູ້ກໍຕາມ,ແຕ່ຜູ້ຜະລິດຢາພັດຍຶດໝັ້ນຫຼັກວິຊາຊີບຢ່າງແໜ້ນໜຽວ. ລຸງຈິ່ນຢົງນຽນແນະນຳວ່າ,ໃນ 300 ກວ່າປີມານີ້,ຮ້ານໂຖງເຢິນຖາງໄດ້ໂຄລົບຄວາມມູນເຊື້ອດັ່ງກ່າວໂດຍຕະຫຼອດ,ຜະລິດຢາປະເພດຕ່າງໆໃຫ້ດີຍິ່ງຂຶ້ນເລື້ອຍໆ.
"ເຊັ່ນຢາຈືເສຍສັນ,ດຽວນີ້ມັນແມ່ນຢາທີ່ມີຊື່ສຽງໃນການແກ້ຄີງຮ້ອນບໍ່ລົງຂອງເດັກນ້ອຍ,ໃນສະໄໝບູຮານແມ່ນກຳນົດວ່າຕ້ອງປຸງແຕ່ງດ້ວຍໝໍ້ຄຳແລະຊວ້ານເງິນ.ຮ້ານໂຖງເຢິນຖາງເຫັນວ່າ ຕຳລາຢາເກົ່າກຳນົດໃຊ້ໝໍ້ຄຳແລະຊວ້ານເງິນ,ກໍໝາຍຄວາມວ່າ ທອງຄຳໄດ້ເສີມຂະຫຍາຍບົດບາດໃນການປຸງແຕ່ງ.ສະນັ້ນ,ຮ້ານໂຖງເຢິນຖາງກໍໄປຊອກຫາເຄື່ອງເອ້ຄຳ 100 ຕຳລືງ,ເພື່ອຕົ້ມໃສ່ຢາຈືເສຍສັນ,ມູນເຊື້ອອັນນີ້ໄດ້ສືບທອດກັນມາເປັນເວລາຫຼາຍຮ້ອຍປີ."
ປະຈຸບັນ,ຮ້ານໂຖງເຢິນຖາງບໍ່ພຽງແຕ່ແມ່ນຮ້ານຢາທໍ່ນັ້ນ,ຫາກຍັງກາຍເປັນຕົວແທນດ້ານວັດທະນະທຳຢາພື້ນເມືອງທີ່ເປັນມູນເຊື້ອຂອງຈີນ.ຫວ່າງມໍ່ໆນີ້,ຕຳລາຢາແລະເຕັກນິກການຜະລິດຢາຂອງຮ້ານໂຖງເຢິນຖາງ ຖືກຈັດເຂົ້າເປັນມໍລະດົກວັດທະນະທຳບໍ່ເປັນວັດຖຸອັນທຳອິດຂອງຈີນ. ຖ້າທ່ານມີໂອກາດໄປຮ້ານໂຖງເຢິນຖາງຢູ່ປັກກິ່ງ,ຈະສາມາດເລືອກຊື້ຢາເຂົາກວາງອ່ອນ ຊຶ່ງເປັນຢາທີ່ມີຊື່ສຽງທີ່ສຸດໃນຮ້ານໂຖງເຢິນຖາງ,ຫຼືຊື້ຢາພື້ນເມືອງຈີນທີ່ມີບົດບາດຮັກສາສຸຂະພາບເຊັ່ນຢາກ້ອນນີວຮວງຊິ່ງຊິນຫວັນທີ່ສາມາດເຮັດໃຫ້ເກີດຄວາມສະບາຍໃຈ,ຫຼືຢາກ້ອນວູ່ຈີ່ປາຍເຟີ້ງຫວັນທີ່ສາມາດຮັກສາສຸຂະພາບແມ່ຍິງ. ຖ້າທ່ານສົນໃຈ,ຍັງສາມາດໃຫ້ແພດໝໍອາວຸໂສໃນຮ້ານຄຳເບິ່ງຊີບຈອນ,ໃຫ້ເພິ່ນແນະນຳວິທີຮັກສາສຸຂະພາບ.
1 2 3
|
|
|
