|
|
 |
| (GMT+08:00)
2006-10-17 17:35:13
|
 |
|
ຮ້ານຄ້າເກົ່າຂອງນະຄອນປັກກິ່ງ
cri
Author: da
ສຸດທ້າຍຈະຂໍແນະນຳຮ້ານຢຸ້ຍຝູຊຽງ ຊຶ່ງເປັນຮ້ານຂາຍຜ້າໄໝທີ່ເກົ່າແກ່ທີ່ສຸດທີ່ຖືກຮັກສາໄວ້ຢູ່ປັກກິ່ງໃນປະຈຸບັນ. ຮ້ານຢຸ້ຍຝູຊຽງແມ່ນພໍ່ຄ້ານາມສະກຸນເມີ້ງໃນທ້າຍຊຸມປີ 1900 ລົງທຶນ 8 ໝື່ນຕຳລືງເປີດໄວ້. ອາຄານຮ້ານນີ້ພິຖີພິຖັນຫຼາຍ,ມີລັກສະນະບາຣົກເອີລົບ,ປະສົມປະສານກັບຮູບຄວັດໃສ່ແກ້ວຢົກສີຂາວ ຊຶ່ງເປັນເຄື່ອງເອ້ທີ່ເປັນມູນເຊື້ອຂອງຈີນ,ປະຈຸບັນໄດ້ຖືກຈັດເປັນຫົວໜ່ວຍອະນຸລັກວັດຖຸບູຮານຂອງນະຄອນຫຼວງປັກກິ່ງ. ຕາມເລົ່າກັນວ່າ,ໃນປີ 1900,ຖະໜົນການຄ້າຕ້າສືລ້າເຄີຍເກີດໄຟໄໝ້ແຮງເທື່ອໜຶ່ງ,ຫຼາຍຮ້ານຄ້າຖືກທຳລາຍເພພັງລົງ,ແຕ່ຍ້ອນວ່າໂຄງປະກອບກໍ່ສ້າງຮ້ານຢຸ້ຍຝູຊຽງໝັ້ນຄົງຫຼາຍ,ຈິ່ງບໍ່ຖືກທຳລາຍແມ່ນແຕ່ໜ້ອຍດຽວ.
ຮ້ານຢຸ້ຍຝູຊຽງໃນປະຈຸບັນ,ແມ່ນຮ້ານຫຼັງທຳອິດທີ່ປະຊາຊົນເລືອກຊື້ຜ້າໄໝຕ່າງໆແລະສັ່ງຈອງຕັດເປັນຊຸດຈີນ.ຕາມເລົ່າກັນວ່າ,ທຸງຊາດຜືນທຳອິດຂອງປະເທດຈີນໃໝ່,ກໍແມ່ນຕັດຫຍິບດ້ວຍຜ້າໄໝຂອງຮ້ານນີ້. ຮ້ານຢຸ້ຍຝູຊຽງກໍມີຊື່ລືນາມຫຼາຍ.ພະນັກງານໃນຮ້ານເວົ້າວ່າ,ພັນລະຍາຜູ້ນຳຂອງຫຼາຍປະເທດລ້ວນແຕ່ມັກມາຊື້ຜ້າໄໝໃນເວລາຢ້ຽມຢາມຈີນ.ໃນໄລຍະຢ້ຽມຢາມຈີນ,ທ່ານນາງແມັນເດີລິນ ອານໄບຣທ໌ ອະດີດລັດຖະມົນຕີວ່າການກະຊວງການຕ່າງປະເທດອາເມລິກາກໍໃຊ້ເວລາເຖິງເຄິ່ງມື້ມາຊື້ຜ້າໄໝຫຼາຍພັນຢວນຢູ່ຮ້ານນີ້.
ນາງເຊັດຊູໂກ ແຊມເບີສ໌ ທີ່ມາຈາກອາເມລິກາເວົ້າວ່າ,ໃນເວລາຢູ່ອາເມລິກາ ເພິ່ນກໍຮູ້ຮ້ານນີ້ແລ້ວ.
"ຂ້ອຍເຄີຍອ່ານປຶ້ມກ່ຽວກັບຮ້ານນີ້,ໃນປຶ້ມໃຫ້ຮູ້ວ່າ ຜ້າໄໝຂອງຮ້ານນີ້ພິເສດຫຼາຍ,ຂ້ອຍກໍມາຊື້ຜ້າໄໝທີ່ດີພິເສດຢູ່ຮ້ານນີ້ໂລດ.ເວົ້າສຳລັບຄົນອາເມລິກາຈຳນວນໜຶ່ງແລ້ວ,ຮ້ານນີ້ແມ່ນເຮັດໃຫ້ເຂົາເຈົ້າປະທັບໃຈຫຼາຍ."
1 2 3
|
|
|
