|
ຄົນທົ່ວໄປມັກກຽມຢາປົກກະຕິໃນເຮືອນຂອງຕົນ,ຖ້າເປັນພະຍາດທຳມະດາເຊັ່ນເປັນຫວັດແລະອື່ນໆກໍບໍ່ຈຳເປັນຕ້ອງໄປໂຮງໝໍ.ແຕ່ວ່າ,ລາງຄົນຍ້ອນໃຊ້ຢາບໍ່ຖືກຕ້ອງ,ນອກຈາກປົວພະຍາດບໍ່ໄດ້ແລ້ວ,ຍັງສົ່ງຜົນກະທົບທາງລົບຕໍ່ຮ່າງກາຍອີກ.ລາງເທື່ອມີອາການໜັກຈົນມີຄວາມອັນຕະລາຍເຖິງແກ່ຊີວິດ.ຄັນຊັ້ນ,ໃນເຮືອນຄວນກຽມຢາປະເພດໃດ,ຄວນຮັກສາຢາເຫຼົ່ານີ້ແນວໃດ?
ທຳມະດາແລ້ວ,ທຸກໆຄອບຄົວມັກມີຕູ້ຢານ້ອຍປະຈຳເຮືອນ,ໃນຕູ້ຢາສ່ວນຫຼາຍໃສ່ຢາຫຍັງແດ່?ນັກຂ່າວພວກເຮົາໄດ້ສຳພາດຄວາມເຫັນຂອງຜູ່ສັນຈອນໄປມາຕາມທ້ອງຖະໜົນ.
ຜູ່ທຳອິດເວົ້າວ່າ:ຢາພື້ນຖານຂອງຂ້ອຍມີຢາບັນເທົາອາການເຈັບ,ແລະແກ້ຄີງຮ້ອນຍັງມີຢາປົວພະຍາດຫົວໃຈແລະເສັ້ນເລືອດ,ຢາຕ້ານອາການແພ້.
ຜູ່ທີສອງບອກວ່າ,ໃນເຮືອນຂອງຂ້ອຍ,ທຳມະດາແລ້ວ,ສ່ວນຫຼາຍແມ່ນກຽມຢາແກ້ໄຂ້ຫວັດ.
ຈາກການສຳພາດດັ່ງກ່າວ,ພວກເຮົາໄດ້ພົບເຫັນວ່າ,ຊາວເມືອງມັກກຽມຢາແກ້ໄຂ້ຫວັດໃນເຮືອນຫຼາຍກວ່າໝູ່,ຖັດມາແມ່ນປະເພດຢາຕ້ານເຊື້ອ,ສ່ວນຢາຊະນິດອື່ນໆມີຢູ່ຫຼາຍຢ່າງຫຼາຍແນວ.ຄັນຊັ້ນ,ຄວນກຽມຢາຊະນິດໃດໃນເຮືອນເປັນປົກກະຕິ?ທ່ານລິວຕວນສີ ນາຍໝໍຂອງໂຮງໝໍໃຫຍ່ທະຫານເຂດປັກກິ່ງແນະນຳວ່າ:
"ເມື່ອເວົ້າເຖິງຕູ້ຢາປະຈຳເຮືອນແລ້ວ,ຂ້າພະເຈົ້າຄິດວ່າຄວນມີຫຼັກການດັ່ງນີ້,ກ່ອນອື່ນຕ້ອງຖືຫຼັກການ"ໜ້ອຍແຕ່ດີ",ເພາະວ່າໃນຍາມທຳມະດາ,ພວກເຮົາຕ້ອງການຢາບໍ່ຫຼາຍ,ແຕ່ລະຊະນິດໃຫ້ກຽມປະລິມານທີ່ພໍກິນໄດ້2,3ມື້. ຂ້າພະເຈົ້າເຫັນວ່າຕ້ອງກຽມຢາໃຫ້ຖືກຕາມກາລະເທສະແລະຕາມກໍລະນີຂອງແຕ່ລະຄົນ.ອັນທີ່ວ່າຕາມກາລະເທສະນັ້ນ,ຕົວຢ່າງຄື,ໃນລະດູຮ້ອນ,ຄວນກຽມຢາກັນຍູງ,ຮອດລະດູໜາວຄວນກຽມຢາແກ້ໄອ.ຂ້າພະເຈົ້າເຫັນວ່າບໍ່ຈຳເປັນຕ້ອງກຽມຢາຫຼາຍໆ.ກຽມຢາຕາມກໍລະນີຕ່າງກັນຂອງຄົນແມ່ນໃຫ້ກຽມຢາຕາມສະພາບຕົວຈິງໃນຄອບຄົວ."
1 2
|
