ສະຖານີວິທະຍຸສາກົນແຫ່ງປະເທດຈີນພະແນກພາສາລາວ
China Radio International
ຂ່າວ​ພາຍ​ໃນ​
  ປະ​ເທດ
ຂ່າວ​ຕ່າງປະ​ເທດ
   ການເມືອງ
   ເສດຖະກິດ
   ວັດທະນະທຳ
   ສັງຄົມ
   ຮຽນພາສາຈີນ

ຄວາມຈິງ 14 ມີນາຕິເບດ

ປາເລັສຕິນອິສຣາແອນ

ສະຖານະການອິຣັກ

ງານກິລາໂອລິມປິກ
ປັກກິ່ງປີ2008
ອ່ານຕໍ່...>>
(GMT+08:00) 2006-12-16 17:25:20    
ການ​ສຶກສາ​ທາງ​ໄກ​ຊ່ອຍ​ຊາວ​ກະສິກອນ​ຈີນ​ມີ​ລາຍ​ໄດ້​ເພີ່ມ​ຂຶ້ນ

cri

ຄຽງ​ຄູ່​ກັບ​ການ​ພັດ​ທະ​ນາ​ຢ່າງ​ບໍ່​ຢຸດ​ຢັ້ງ​ຂອງ​ເຕັກ​ນິກ​ການ​ສຶກ​ສາ​ທາງ​ໄກ​ຍຸ​ກ​ປັດ​ຈຸ​ບັນ​ຄື​ໂທລະ​ພາບ,​ໂທ​ລະ​ສັບ​ແລະ​ອິນ​ເຕີ​ເນັດ​ເປັນ​ຕົ້ນ,​ການ​ນຳ​ໃຊ້​ເຕັກ​ນິກ​ເຫຼົ່າ​ນີ້​ມາ​​ເຜີຍ​ແຜ່​ວິທະ​ຍາ​ສາດ​ເຕັກ​ນິກ​ກະ​ສິ​ກຳ​ແລະ​ສຶກ​ສາ​ຊາວ​ກະ​ສິ​ກອນ​ນັ້ນ​ພວມ​ກາຍ​ເປັນ​ເລື່ອງ​ທຳ​ມະ​ດາ​ຢູ່​ໃນ​ຊົນ​ນະ​ບົດ​ຈີນ.

ບ້ານ​ຊາວ​ຊ່ານ​ແມ່ນ​ບ້ານ​ນ້ອຍ​ຂອງ​ແຂວງ​ຫູ​ນານ ພາກ​ກາງ​ຂອງ​ຈີນ,ມີ​ເນື້ອ​ທີ່​ບໍ່​ຮອດ 5 ກິ​ໂລ​​ຕາ​ແມັດ,​ແລະ​ມີ​ປະ​ຊາ​ກອນ 1600 ກວ່າ​ຄົນ. ​ໃນ​​ເມື່ອ​ກ່ອນ​,ຊາວ​ກະ​ສິກອນ​ຢູ່​ແຫ່ງ​ນີ້​ໄດ້​​ໃຊ້​ວິ​ທີ​ດັ້ງ​ເດີມ​ທີ່​ສືບ​ທອດ​ມາ​ແຕ່​ທຸກ​ເຊັ່ນ​ຄົນ​ນັ້ນ​ມາ​ປູກ​ເຂົ້າ​ນາ​ນ້ຳ,ຜົນ​ຜະລິດ​ບໍ່​ຫຼາຍ​ປານ​ໃດ. ​​ແຕ່​ໃນ​ສອງ​ປີ​ກ່ອນ,​ເຂົາ​ເຈົ້າ​ເລີ່​ມປ່ຽນ​​ໄປ​ປູກ​ຊຸບ​ເປີ​ເຂົ້າ​ປະ​ສົມ​ພັນ​ຊະນິດ​ໃໝ່,ສິ່ງ​ທີ່​ຄາດ​ຄຶດ​ບໍ່​​ເຖິງນັ້ນ​ແມ່ນ​ຜົນ​ຜະ​ລິດ​ຕໍ່​ປີ​ໄດ້​ເພີ່ມ​ຂຶ້ນ​ໜຶ່ງ​ເທົ່າ. ທ່ານ​ຫຼີ​ຕີ້​ງ​ຮົງ ຊາວ​ກະ​ສິ​ກອນ​ຜູ້​ປູກ​ເຂົ້າ​ບອກ​ນັກ​ຂ່າວ​ວ່າ,ການ​ປູກ​ເຂົ້າ​ປະ​ສົມ​ພັນ​ຊະນິດ​ນີ້​ຍາກ​ຫຼາຍ​ໃນ​ດ້ານ​ເຕັກ​ນິກ,​ແຕ່​ດີ​ຢູ່​ບ່ອນ​ໜຶ່ງ​ມີ​"ຜູ້​ຊ່ອຍ​ເກັ່ງ",ລາວ​ເວົ້າ​ວ່າ:

"ຖ້າ​ພົບ​ຄວາມ​ຫຍຸ້ງ​ຍາກ​ຫຼື​ບັນ​ຫາ​ໃນ​ເວລາ​ປູກ​ເຂົ້າ​ປະ​ສົມ​ພັນ,ຂ້ອຍ​ກໍ​​ເຂົ້າອິນ​ເຕີ​ເນັດ​ໄປ​ຖາມ​ນັກ​ວິ​ຊາ​ການ​ຂອງ​ສະ​ພາ​ບັນ​ດິດ​ວິ​ທະ​ຍາ​ສາດ​ກະ​ສິ​ກຳ​ຈີນ. ​ເມື່ອ​ທຽບ​ໃສ່​ແຕ່​ກ່ອນ​ແລ້ວ,ຜົນ​ຜະ​ລິດ​ຕໍ່​ໄຮ່​ຈີນ​ໄດ້​ເພີ່ມ​ຂຶ້ນ 3-400 ກິ​ໂລ."

ອິນ​ເຕີ​ເນັດ​ທີ່​ຊາວ​ກະ​ສິ​ກອນ​ຜູ້​ນີ້​ເວົ້ານັ້ນກໍ​ແມ່ນ​ສະ​ຖາ​ນີ​ອິນ​ເຕີ​ເນັດ​ການ​ສຶກ​ສາ​ທາງ​ໄກ​ທີ່​ຕັ້ງຢູ່​ໃນ​ບ້ານ. ​ແຫ່ງ​ນັ້ນ​ໄດ້​ມີ​ອຸ​ປະ​ກອນ​ໂທລະ​ຄົມ​ຍຸກ​​ໃໝ່​ເຊັ່ນ​ໂທ​ລະ​ພາບ,ຄອມ​ພິວ​ເຕີ​ແລະ​ລະ​ບົບຮັບ​ສັນ​ຍານ​ຜ່ານ​ດາວ​ທຽມ​ເປັນ​ຕົ້ນ. ດ້ວຍ​ຮູບ​ການ​ເຕັກ​ນິກ​ສູງ​ຊະນິດ​ນີ້,ຜູ້​ຊ່ຽວ​ຊານ​ດ້ານ​ວິທະ​ຍາ​ສາດ​ກະ​ສິກຳ​ໃນ​ແຫ່ງ​ຕ່າງໆ​ທົ່ວ​ປະ​ເທດ​ສາມາດ​ຜ່ານ​ຈາກ​ອິນ​ເຕີ​ເນັດ​ຜ່ານ​ລະ​ບົບ​ດາວ​ທຽມ,​ເຄື​ອຂ່າຍ​ຄອມ​ພິວ​ເຕີ,​ເຄືອ​ຂ່າຍ​ໂທ​ລະ​ພາບ​ມີ​ສາຍຫຼື​ເຄ​ໂບທີ​ວີ​ແລະ​ເຄືອ​ຂ່າຍ​ວິທະ​ຍຸ​ເປັນ​ຕົ້ນ,ຕິດ​ຕໍ່​ພົວ​ພັນ​ກັບ​ຊາວ​ກະ​ສິ​ກອນ​ທີ່​ຢູ່​ບ່ອນ​ໄກ​ແສນ​ໄກ,​ແລ້ວ​ອົບຮົມ​​ເຕັກ​ນິກ​ກະ​ສິ​ກຳ​ໃຫ້​ເຂົາ​ເຈົ້າ.

ນອກ​ນີ້,ຢູ່​ສະ​ຖານີ​ອິນ​ເຕີ​ເນັດ​ການ​ສຶກສາ​ທາງ​ໄກ​​ແຕ່ລະ​ບ່ອນ​ຍັງ​ມີ​ນັກວິຊາການ​ຄອມ​ພິວ​ເຕີ. ທ່ານ​ຫູ​ຢົງ​ເວີ້​ຍ ນັກ​ວິ​ຊາ​ການ​ຂອງ​ສະຖານີ​ອິນ​ເຕີ​ເນັດ​ການ​ສຶກ​ສາ​ທາງ​ໄກ​ຂອງ​ບ້ານ​ຊາວ​ຊ່ານ​ບອກ​ໃຫ້​ຮູ້​ວ່າ,ວຽກ​ງານ​ຂອງ​ທ່ານ​ກໍ​ແມ່ນ​ເອົາ​ບັນ​ຫາ​ທີ່​ຊາວ​ກະສິກອນ​ຕັ້ງ​ຂຶ້ນ​ຢູ່​ທຸກ​ເວລາ​​ໃຫ້​ຄຳ​ປຶກ​ສາ​ຂອງ​ຜູ້​ຊ່ຽວຊານ​ຢ່າງ​ທັນ​ການ​ໂດຍ​ຜ່ານ​ຈາກ​ອິນ​ເຕີ​ເນັດ​ການ​ສຶກ​ສາ​ທາງ​ໄກ. ທ່ານ​ເວົ້າວ່າ:

"ຖ້າ​ຜູ້​ຊ່ຽວ​ຊານ​ຢູ່​ແລະ​ບໍ່​ຄາ​ວຽກ,ປະ​ມານ 1 ນາທີ,​ເພີ່ນ​ກໍຈະ​ໄດ້​ຮັບ​ຄຳ​ຕອບ; ​ແຕ່​ບາງ​ເທື່ອ ຜູ້​ຊ່ຽວ​ຊານ​ບໍ່​ຢູ່,ກໍ​ຕ້ອງ​ຖ້າ​ໜ້ອຍ​ໜຶ່ງ,​ແລ້ວ​ຝາກ​ຄຳ​ຕອບ​ຢູ່​ໃນ​ອິນ​ເຕີ​ເນັດ."

1 2