|
ຄືບ້ານຊາວຊ່ານ,ຕົວຢ່າງທີ່ອິນເຕີເນັດການສຶກສາທາງໄກຊ່ວຍຊາວກະສິກອນສ້າງລາຍຮັບນັ້ນມີຫຼາຍຈົນນັບບໍ່ຖ້ວນຢູ່ແຫ່ງຕ່າງໆທົ່ວປະເທດຈີນ. ຕາມສະຖິຕິ,ປັດຈຸບັນ,ສະຖານີອິນເຕີເນັດການສຶກສາທາງໄກໄດ້ມີຢູ່ໃນ 12 ແຂວງໃຫຍ່ດ້ານກະສິກຳເຊັ່ນແຂວງເຮີນານແລະແຂວງເຈີ້ຈ່ຽງເປັນຕົ້ນ,ຊາວກະສິກອນນັບເປັນໝື່ນຄົນໄດ້ຮັບຜົນປະໂຫຍດ. ພຽງແຕ່ຢູ່ແຂວງກຸ້ຍໂຈ່ວ,ກໍມີສະຖານີອິນເຕີເນັດແບບນີ້ 1 ໝື່ນ 7 ພັນກວ່າບ່ອນຢູ່ໃນບ້ານ 70% ຂຶ້ນໄປຂອງທົ່ວແຂວງ.
ຄອບຄົວຂອງທ່ານເສີນຢົງຄ່າງ ຊາວກະສິກອນຂອງແຂວງເຈີ້ຈ່ຽງ ພາກຕາວເວັນອອກຂອງຈີນໄດ້ປູກໝາກອະຫງຸ່ນໂດຍຕະຫຼອດ,ໃນບໍ່ເທົ່າໃດປີມານີ້,ບັນຫາທີ່ປ້ອງກັນແລະປາບປາມສັດຕູພືດນັ້ນໄດ້ເຮັດໃຫ້ທ່ານພົບຄວາມຫຍຸ້ງຍາກ. ທ່ານເວົ້າວ່າ,ຫຼັງຈາກອິນເຕີເນັດການສຶກສາທາງໄກຕິດຕັ້ງຢູ່ໃນບ້ານແລ້ວ,ທ່ານໄດ້ຮຽນຮູ້ວິທີປ້ອງກັນແລະປາບປາມສັດຕູພືດທີ່ບັງເກີດຜົນ. ລາວເວົ້າວ່າ:
ແຕ່ກ່ອນ ຜົນຜະລິດມີ 1500 ກິໂລຕໍ່ໄຮ່ຈີນ,ປັດຈຸບັນ ສູງເຖິງ 1750 ກິໂລ,ບໍ່ພຽງແຕ່ສະມັດຕະພາບເພີ່ມຂຶ້ນເທົ່ານັ້ນ,ຄຸນນະພາບກໍດີຂຶ້ນອີກດ້ວຍ."
ຕາໜ່າງການສຶກສາທາງໄກເຮັດໃຫ້ຊາວກະສິກອນບໍ່ຕ້ອງອອກໄປ ກໍສາມາດເຊີນຜູ່ຊ່ຽວຊານ ສາດສະດາຈານມາເປັນຜູ່ຊີ້ນຳດ້ານເຕັກນິກ. ອີກດ້ານໜຶ່ງ,ຜູ່ຊ່ຽວຊານກະສິກຳຫຼາຍຄົນ ຊຶ່ງລວມທັງທ່ານຢວນຫຼົງພິງທີ່ມີຊື່ສຽງໃນໂລກກໍຍິນດີຜ່ານຕາໜ່າງການສຶກສາທາງໄກສະໜອງການບໍລິການໃຫ້ຊາວກະສິກອນຢ່າງທັນການ.
"ນັກວິຊາການຖາມວ່າ: ຊາວກະສິກອນຢູ່ເຂດພວກເຮົາມີບັນຫາຈຳນວນໜຶ່ງ,ຂ້ອຍຕາງໜ້າເຂົາເຈົ້າຂໍຖາມວ່າ,ເຂົ້າປະສົມພັນຊູເປີມີຈຸດພິເສດຫຍັງ?ທ່ານຢວນຫຼົງພິງຕອບວ່າ:ເຂົ້າປະສົມພັນຊູເປີໄດ້ຜົນຜະລິດ 800 ກິໂລຕໍ່ 1 ໄຮຈີນ( 1 ເຮັກຕາທໍ່ກັບ 15 ໄຮຈິນ),ພາຍໃນເຂດທົດລອງ,ບໍ່ພຽງແຕ່ໄດ້ສະມັດຕະພາບສູງທໍ່ນັ້ນ,ທັງມີຄຸນພາບດີອີກ."
ນອກຈາກໄຂຊຸດສຳມະນາຜູ່ຊ່ຽວຊານແລ້ວ,ອົງການຄົ້ນຄວ້າແລະຜູ່ຊ່ຽວຊານດ້ານກະສິກຳຈຳນວນຫຼວງຫຼາຍຍັງຕັ້ງຫຼັກສູດມີເດຍ,ເຊິ່ງລວມທັງຜັກ ໝາກໄມ້ ການລ້ຽງສັດ ຜະລິດຕະພັນໃນນ້ຳ ການປຸງແຕ່ງຜະລິດຕະພັນກະສິກຳ ປ້ອງກັນແມງໄມ້,ຊາວກະສິກອນສາມາດອີງຕາມຄວາມຕ້ອງການຂອງຕົນ,ຮຽນນຳຕາໜ່າງສຶກສາທາງໄກ.
ເຕັກນິກແລະຂໍ້ມູນຂ່າວສານທີ່ນຳມາຈາກຕາໜ່າງສຶກສາທາງໄກ ເຮັດໃຫ້ຊາວກະສິກອນໃນແຫ່ງຕ່າງໆຂອງຈີນ ບໍ່ພຽງແຕ່" ໄຮ່ນາ ຕັດຫຍ້າ ເຂົ້າສາລີແລະປູກເຂົ້າຈ້າວໃຫ້ດີກວ່າເກົ່າທໍ່ນັ້ນ, ຫາກຍັງເຮັດໃຫ້ຊາວກະສິກອນນັບມື້ນັບຫຼາຍຮູ້ຈັກຊອກຫາຕະຫຼາດແນວໃດອີກ. ຕາໜ່າງສຶກສາທາງໄກເຮັດໃຫ້ເຂົາເຈົ້າຮູ້ຂໍ້ມູນຂ່າວສານຈຳນວນຫຼວງຫຼາຍຈາກພາຍນອກ,ປູກຫຍັງ ລ້ຽງຫຍັງ,ລ້ວນແຕ່ມີສິ່ງທີ່ມີປະໂຫຍດ. ທ່ານໝ້າຈິ້ນ ປະທານສະມາຄົມຝ້າຍບ້ານຮ່ວາຊຽວແຂວງຫູໜານພາກກາງຈີນກໍ່ມີຄວາມຮູ້ສຶກອັນເລິກເຊິ່ງຕໍ່ເລື່ອງນີ້.ທ່ານເວົ້າວ່າ:
"ຫຼັງຈາກຊົນນະບົດສ້າງຕາໜ່າງສຶກສາທາງໄກແບບທັນສະໄໝແລ້ວ,ພວກເຮົາສາມາດຮູ້ສະພາບການຈຳໜ່າຍຂອງແຫ່ງຕ່າງໆ ຈົນກະທັ້ງທົ່ວໂລກຢ່າງທັນການ,ໃນໄລຍະເລີ່ມຕົ້ນ ສະມາຄົມພວກເຮົາມີຊາວກະສິກອນພຽງແຕ່ 50 ຄອບຄົວ,ມີທີ່ດິນປະມານ 2,4 ເຮັກຕາ,ເມື່ອມາຮອດປະຈຸບັນມີປະມານ 133 ກວ່າເຮັກຕາແລ້ວ,ຊາວກະສິກອນ 5 ພັນກວ່າຄອບຄົວເຂົ້າຮ່ວມ."
ການແລກປ່ຽນຂໍ້ມູນຂ່າວສານ ບໍ່ພຽງແຕ່ເຮັດໃຫ້ຊາວກະສິກອນຮູ້ຈັກໂລກພາຍນອກທໍ່ນັ້ນ,ຫາກຍັງເຮັດໃຫ້ຄົນຢູ່ນອກຮູ້ຈັກບ້ານທີ່ຢູ່ຫ່າງໄກແຫ່ງນີ້ອີກ. ທ່ານເຈີ້ງເສຍທ່ຽນທີ່ເຮືອນຢູ່ປັກກິ່ງ ກໍແມ່ນຍ້ອນວ່າ ຜ່ານຕາໜ່າງສຶກສາທາງໄກຖືກໃຈຕໍ່ຊັບພະຍາກອນນ້ຳທີ່ພິເສດຂອງບ້ານຮ່ວາສຽວ,ຈິ່ງໄດ້ສ້າງຟາມລ້ຽງປາອ່ຽນ.ລາວເວົ້າວ່າ,ຢູ່ບ້ານຮ່ວາສຽວ ມີຊາວກະສິກອນ 20 ກວ່າຄອບຄົວຢາກຮ່ວມມືທຸລະກິດກັບລາວ.
ແຕ່ເວລາດົນນານມານີ້,ການຜະລິດທາງກະສິກຳຂອງຈີນ ຕົ້ນຕໍແມ່ນດຳເນີນການທຸລະກິດຂະໜາດນ້ອຍທີ່ຖືຄອບຄົວເປັນຫົວໜ່ວຍການຜະລິດໂດຍພື້ນຖານ,ວິທີເຜີຍແຜ່ເຕັກນິກວິທະຍາສາດດ້ານກະສິກຳໃນເມື່ອກ່ອນ ບໍ່ສາມາດສະໜອງການບໍລິການໃຫ້ແກ່ຊາວກະສິກອນໄດ້ຢ່າງກວ້າງຂວາງ. ປະຈຸບັນ,ຄຽງຄູ່ກັບການເຜີຍແຜ່ຂອບເຂດນຳໃຊ້ຕາໜ່າງການສຶກສາທາງໄກ,ສະພາບດັ່ງກ່າວພວມປ່ຽນແປງ,ໃນເວລາຜະລິດແລະຈຳໜ່າຍຜະລິດຕະພັນ ຊາວກະສິກອນນັບມື້ນັບຫຼາຍບໍ່ຕ້ອງອາໄສບົດຮຽນ ຫາກແມ່ນອາໄສເຕັກນິກວິທະຍາສາດແລ້ວ, ຈິ່ງໄດ້ເດີນຕາມເສັ້ນທາງສ້າງລາຍໄດ້ນັບມື້ນັບສູງຂຶ້ນ.
1 2
|
