|
ທ່ານວາງເກິ່ງນຽນ: "ການສ້າງສາລະບົບກະຈາຍສຽງສາກົນທີ່ທັນສະໄໝແມ່ນວຽກງານທີ່ມີລັກສະນະກວມລວມແລະຍຸດທະສາດອັນໜຶ່ງໃນວຽກງານວິທະຍຸ ໂທລະພາບແລະຮູບເງົາ,ແມ່ນວຽກງານທີ່ຫຍຸ້ງຍາກສັບສົນ.ຕ້ອງການພະນັກງານກະຈາຍສຽງສາກົນພະຍາຍາມຢ່າງລຳບາກຫຼາຍເຊັ່ນຄົນ.ໜ້າທີ່ສຳຄັນຂອງພວກຂ້າພະເຈົ້າໃນປັດຈຸບັນແມ່ນຕ້ອງເລັ່ງລັດກໍ່ສ້າງຂອບລວມຂອງລະບົບກະຈາຍສຽງສາກົນທີ່ທັນສະໄໝ,ນັ້ນກໍຄື,ພວກຂ້າພະເຈົ້າສ້າງສາລະບົບກະຈາຍສຽງສາກົນທີ່ທັນສະໄໝຄວນມີລັກສະນະສັງລວມ,ໄຂປະຕູສູ່ພາຍນອກແລະຕໍ່ເນື່ອງໄດ້.ຈຸດພິເສດພື້ນຖານຂອງລະບົບນີ້ແມ່ນໃນໄລຍະທີ່ຄາດຄະເນໄດ້ພະຍາຍາມຫັນຈາກສື່ມວນຊົນແບບເກົ່າໄປເປັນສື່ມວນຊົນທີ່ທັນສະໄໝ,ຫັນຈາກສື່ມວນຊົນພຽງຢ່າງດຽວໄປເປັນສື່ມວນຊົນຫຼາຍດ້ານ,ຫັນຈາກການກະຈາຍສຽງຕໍ່ຕ່າງປະເທດໄປເປັນການເຜີຍແຜ່ຕໍ່ສາກົນ,ສ້າງວິທະຍຸສາກົນແຫ່ງປະເທດຈີນໃຫ້ເປັນສື່ມວນຊົນຫຼາຍດ້ານແບບໃໝ່ທີ່ທັນສະໄໝທີ່ປະກອບເປັນວິທະຍຸກະຈາຍສຽງວິທະຍຸທາງອິນເທີເນັດ ແລະສາລະພັດສື່ ແລະມີອິດທິພົນແລະກຳລັງແຂ່ງຂັນໃນສາກົນ."
ຜູ່ດຳເນີນລາຍການ:"ແມ່ນແທ້,ຂ້າພະເຈົ້າກັບໝູ່ຮ່ວມງານຂອງຂ້າພະເຈົ້າລ້ວນແຕ່ໄດ້ສຳຜັດຮູ້ດ້ວຍຕົນເອງວ່າວິທະຍຸສາກົນແຫ່ງປະເທດຈີນCRIພວມພັດທະນາຢູ່,ທັດສະນະຄະຕິກໍພວມປ່ຽນແປງຢູ່.ເຄີຍມີພະນັກງານໃໝ່ສົມທຽບCRIເປັນວົງຄະນະຍາດທີ່ບັນຈຸຄວາມໄຝ່ຝັນ.ຜູ່ຟັງຕ່າງປະເທດຫຼວງຫຼາຍກໍນຳເອົາຂອງລະລຶກເຊັ່ນປຶ້ມທີ່ມີຄວາມໝາຍທີ່ສຸດ ຮູບຖ່າຍຂອງຕົນແລະອື່ນໆສົ່ງໃຫ້CRI,ໃນຖານະເປັນຫົວໜ້າວົງຄະນະຍາດCRI,ທ່ານຈະແນະນຳປະສົບການເຕີບໂຕຂອງຕົນໃນCRI ໄດ້ບໍ່?ທ່ານຫວັງຢາກເຮັດໃຫ້CRIເປັນວົງຄະນະຍາດຄືແນວໃດສຳລັບຜູ່ຟັງຕ່າງປະເທດແລະພະນັກງານຈີນທັງຫຼາຍ"
ທ່ານວາງເກິ່ງນຽນ: "ເວົ້າສຳລັບຜູ່ຟັງແລ້ວ,ວົງຄະນະຍາດທີ່ພວກຂ້າພະເຈົ້າຈະກໍ່ສ້າງນັ້ນກໍແມ່ນຜ່ານຈາກຄື້ນວິທະຍຸພວກເຮົາ,ສົ່ງສຽງຂອງຈີນໄປເຖິງ5ທະວີບໃຫຍ່ໃນໂລກ,ກ່າຍຂົວທາງມິດຕະພາບ,ເຮັດໃຫ້ເຂົາເຈົ້າເຂົ້າໃຈ ຈີນຫຼາຍຍິ່ງຂຶ້ນ,ສຳຜັດຮູ້ມິດຕະພາບທີ່ສົ່ງມາຈາກທາງໄກແສນໄກ.ທັງນີ້ກໍຮຽກຮ້ອງໃຫ້ພວກຂ້າພະເຈົ້າໃນເວລາເຮັດລາຍການ,ຕ້ອງຍຶດໝັ້ນການສອດຄ່ອງກັບສະພາບຕົວຈິງແຫ່ງການພັດທະນາຂອງຈີນ,ຕອບສະໜອງຄວາມຕ້ອງການຂອງຜູ່ຟັງທີ່ຢາກຊອກຮູ້ຂໍ້ມູນຂ່າວສານຈີນ,ສອດຄ່ອງກັບຄວາມຊິນເຄີຍນຶກຄິດຂອງຜູ່ຟັງຕ່າງປະເທດ,ເຮັດໃຫ້ຜູ່ຟັງຢາກຟັງແລະມັກຟັງລາຍການພວກຂ້າພະເຈົ້າ.ໃນຮູບການເຜີຍແຜ່,ຕ້ອງສອດຄ່ອງກັບຄວາມຊິນເຄີຍຂອງຜູ່ຟັງແລະເງື່ອນໄຂຕົວຈິງຂອງເຂດແຄວ້ນເປົ້າໝາຍຂອງວິທະຍຸ,ພະຍາຍາມຈົນສຸດຂີດ,ຮັບປະກັນຜູ່ຟັງທີ່ຕ່າງກັນໄດ້ຮັບຟັງລາຍການພວກຂ້າພະເຈົ້າ.ໃນດ້ານພາສາຂອງລາຍການແລະຮູບການລາຍການ,ຕ້ອງໃຊ້ຮູບການທີ່ສອດຄ່ອງກັບຄວາມມັກຂອງຜູ່ຟັງ,ກຳຈັດອຸປະສັກດ້ານພາສາ,ຫຍັບມໍ່ເຂົ້າກັບຜູ່ຟັງ,ໃນດ້ານເນື້ອໃນລາຍການ,ຕ້ອງແນໃສ່ບັນຫາທີ່ຜູ່ຟັງແລະຫາງສຽງທີ່ຢູ່ຂອງຜູ່ຟັງທີ່ສົນໃຈນຳ,ແລະເຮັດໃຫ້ການລາຍງານທີ່ກ່ຽວຂ້ອງໃຫ້ທັນເຫດການ,ໃຫ້ຜູ່ຟັງສາມາດເລືອກຟັງລາຍການພວກຂ້າພະເຈົ້າໃຫ້ຫຼາຍຂຶ້ນ."
"ເວົ້າສຳລັບພະນັກງານຂອງCRIແລ້ວ,ພວກຂ້າພະເຈົ້າຕ້ອງສ້າງວົງຄະນະຍາດໃຫ້ມີຈຸດພິເສດສາມຂໍ້ຄື, ໜຶ່ງເປັນວົງຄະນະຍາດທີ່ມີຄວາມສຸກ,ສອງເປັນວົງຄະນະຍາດທີ່ມີຜົນສຳເລັດ,ສາມເປັນວົງຄະນະຍາດທີ່ອົບອຸ່ນ. ເຮັດໃຫ້CRIກາຍເປັນວົງຄະນະຍາດອົບອຸ່ນດ້ານຈິນໃຈຂອງພະນັກງານທັງຫຼາຍ,ເຮັດໃຫ້ ເຂົາເຈົ້າມີຄວາມຮູ້ສຶກອົບອຸ່ນທີ່ເໝືອນດັ່ງຢູ່ໃນວົງຄະນະຍາດ.ເວົ້າສຳລັບຂ້າພະເຈົ້າເອງ,CRIແມ່ນສະຖານທີ່ເຕີບໃຫຍ່ຂອງຕົນ,ແລະກໍແມ່ນສະຖານທີ່ທີ່ຂ້າພະເຈົ້າຍິນດີປະກອບສ່ວນຂອງຕົນເອງ."
ຜູ່ດຳເນີນລາຍການ: "ກະແສຄື້ນວິທະຍຸກໍເໝືອນດັ່ງສາຍພານເຮັດໃຫ້ພວກຂ້າພະເຈົ້າກັບຜູ່ຟັງທີ່ຢູ່ທາງໄກແສນໄກນັ້ນຕິດພັນກັນຢ່າງແໜ້ນແຟ້ນ,ແລ້ວໄດ້ປະກອບເປັນວົງຄະນະຍາດ.ທ່ານຫົວໜ້າວາງເກີ່ງນຽນ,ຕອນທ່ານຫາກໍ່ຮຽນຈົບມະຫາວິທະຍາໄລແລ້ວກໍມາເປັນນັກຂ່າວເຮັດວຽກຢູ່CRI,ກາຍເປັນສະມາຊິກຜູ່ໜຶ່ງຂອງວົງຄະນະຍາດCRI.ທ້າວອະນຸພອນ ໝູ່ຮ່ວມງານຂອງເຮົາກໍຫາກໍ່ຮຽນຈົບຈາກມະຫາວິທະຍາໄລບໍ່ດົນ,ລາວແມ່ນພະນັກງານທີ່ໜຸ່ມກວ່າໝູ່ໃນພະແນກພາສາລາວCRI,ໄດ້ຍິນວ່າພວກເຮົາໄດ້ສຳພາດທ່ານ,ລາວກໍຢາກຂໍຖາມບັນຫາໜຶ່ງນຳທ່ານ."
ພະນັກງານຜູ່ໜຸ່ມ: "ສະບາຍດີ, ທ່ານຫົວໜ້າວາງເກິ່ງນຽນ ການເປັນນັກຂ່າວແມ່ນຄວາມໄຝ່ຝັນຂອງເຮົາແຕ່ຍາມຍັງນ້ອຍ,ພາຍຫຼັງຮຽນຈົບຈາກມະຫາວິທະຍາໄລແລ້ວ,ເຮົາກໍໄດ້ເຂົ້າມາເຮັດວຽກຢູ່CRI.ຕາມນ້ອງຮູ້ວ່າ,ນັກຂ່າວCRIກໍແມ່ນອາຊີບທຳອິດຂອງທ່ານ,ຂໍຖາມວ່າ,CRIແມ່ນສະຖານທີ່ສຳລັບທ່ານບັນລຸຄວາມຝັນຂອງຕົນບໍ່?
"ພາຍຫຼັງຮຽນຈົບມະຫາວິທະຍາໄລແລ້ວ,ສະຖານທີ່ເຮັດວຽກແຫ່ງທຳອິດຂອງຂ້າພະເຈົ້າກໍແມ່ນວິທະຍຸCRI,ພາຍລຸນມາເຖິງວ່າອອກຈາກCRIໄປເຮັດວຽກຮູບເງົາ,ໂທລະພາບແລະວຽກອື່ນໆ10ກວ່າປີ,ແຕ່ຂ້າພະເຈົ້າໄດ້ຖືCRIເປັນວົງຄະນະຍາດຕົນໂດຍຕະຫຼອດ,ໃນດ້ານນີ້,ຂ້າພະເຈົ້າຢາກເວົ້າວ່າ,CRIແມ່ນບ່ອນເລິ່ມຕົ້ນແຫ່ງຄວາມຝັນ,ທັງແມ່ນເສັ້ນທາງທີ່ບັນລຸຄວາມຝັນ.ໃນໄລຍະ65ປີມານີ້,CRIໄດ້ຈາກບໍ່ມີຫາມີ,ຈາກນ້ອຍຫາໃຫຍ່,ຈາກອ່ອນນ້ອຍຫາເຕີບໂຕ,ໄດ້ເຕີບໃຫຍ່ຂຶ້ນເລື້ອຍໆ.65ປີມານີ້,CRIພວກຂ້າພະເຈົ້າໄດ້ຈາກການກະຈາຍສຽງພຽງພາສາດຽວຂະຫາຍເປັນສື່ມວນຊົນຫຼາຍດ້ານທີ່ມີວິທະຍຸກະຈາຍສຽງດ້ວຍ43ພາສາ,ກະຈາຍສຽງທາງອິນເທີເນັດດ້ວຍ48ພາສາເຊິ່ງມີທັງສຽງທັງພາບ ອິນເທີເນັດແລະໜັງສືພິມ.ແນ່ນອນແລ້ວ,ພວກຂ້າພະເຈົ້າກໍຄວນເຫັນໄດ້ຢ່າວຈະແຈ້ງວ່າ,ພວກຂ້າພະເຈົ້າຍັງມີຄວາມຜິດໂຕນກັນກັບສື່ມວນຊົນກະຈາຍສຽງສາກົນສຳຄັນຈຳນວນໜຶ່ງໃນໂລກ,ເມື່ອທຽບໃສ່ກັບຖານະຂອງປະເທດຈີນເຮົາໃນສາກົນ ນັບມື້ນັບຍົກສູງຂຶ້ນນັ້ນ,ພາລະກິດກະຈາຍສຽງຕໍ່ຕ່າງປະເທດຂອງພວກຂ້າພະເຈົ້າຍັງບໍ່ເໝາະສົມກັນປານໃດ.ການກໍ່ສ້າງວຽກງານກະຈາຍສຽງສາກົນຂອງຈີນໃຫ້ທັນສະໄໝແລະພັດທະນາແບບກ້າວກະໂດດ,ແມ່ນຄວາມຮຽກຮ້ອງຕ້ອງການຂອງປະເທດແລະປະຊາຊາດພວກຂ້າພະເຈົ້າ,ແລະກໍແມ່ນຄວາມຮຽກຮ້ອງຕ້ອງການຂອງຜູ່ຮັກຫອມສັນຕິາບໃນໂລກ.ພວກຂ້າພະເຈົ້າຕ້ອງທຳຄວາມພະຍາຍາມຢ່າງບໍ່ລົດລະ,ສຸມກຳລັງເຂົ້າໃນການເຮັດສຳເລັດພາລະກຳອັນສັກສິດແລະມີກຽດຂອງການກະຈາຍສຽງສາກົນ.ສະນັ້ນ,ເວົ້າສຳລັບພະນັກງານກະຈາຍສຽງສາກົນຄືພວກຂ້າພະເຈົ້າແລ້ວ,ຄວນມີການປະກອບສ່ວນ,ຄວນມີອຸດົມການ,ສິ່ງທີ່ສຳຄັນທີ່ສຸດແມ່ນຄວນສ້າງນ້ຳໃຈທີ່ຮັກໜ້າທີ່ວຽກງານແລະໂຄລົບໜ້າທີ່ວຽກງານ.ພວກເຮົາບໍ່ພຽງແຕ່ຕ້ອງຖືການກະຈາຍສຽງສາກົນເປັນອາຊີບໜຶ່ງເທົ່ານັ້ນ,ຫາກຍັງຕ້ອງຖືມັນເປັນພາລະກິດອັນໜຶ່ງເປັນອຸດົມການຈົນກະທັ້ງເປັນຄວາມຝັນ.ໃນທີ່ສຸດ,ຂ້າພະເຈົ້າຂໍຍົກເອົາຄຳເວົ້າປະໂຫຍດໜຶ່ງເພື່ອລະດົມໃຈພວກເຮົານຳກັນ ຄື ກະແຈໄຂຄວາມຝັນອັນດີງາມກໍຢູ່ໃນການຊອກຫາຄວາມມ່ວນຊື່ນໃນວຽກງານ."
ຂໍຂອບໃຈນຳທ່ານຫົວໜ້າວາງເກິ່ງນຽນໃຫ້ສຳພາດຕໍ່ພວກເຮົາ,ເຮັດໃຫ້ພວກເຮົາໄດ້ຮັບຄວາມມ່ວນຊື່ນຈາກວຽກງານ.ລາຍການພິເສດກ່ຽວກັບການສະຫຼອງວັນສ້າງຕັ້ງວິທະຍຸສາກົນແຫ່ງປະເທດຈີນຄົບຮອບ65ປີສຳພາດທ່ານວາງເກິ່ງນຽນ ຫົວໜ້າວິທະຍຸສາກົນແຫ່ງປະເທດຈີນ.ຂໍອວຍພອນໃຫ້ທ່ານຈົ່ງຊອກໄດ້ຄວາມມ່ວນຊື່ນໃນວຽກງານຂອງຕົນເໝືອນດັ່ງພະນັກງານCRIທຸກທ່ານ,ກໍອວຍພອນໃຫ້ລາຍການຕ່າງໆຂອງພວກເຮົາເປັນເພື່ອນເປັນມິດຂອງທ່ານໃນທຸກເວັນທຸກຄືນ.
1 2
|
