|
ທວນໄຟງານກິລາໂອລິມປິກປັກກິ່ງ
ຕາມຂ່າວCRI: ຕອນຄ່ຳວັນທີ26ເມສານີ້,ຢູ່ແທ່ນສະຕະວັດຈີນຂອງປັກກິ່ງ,ທວນໄຟແລະເສັ້ນທາງສົ່ງຕໍ່ທວນໄຟຂອງງານກິລາໂອລິມປິກປັກກິ່ງປີ2008ໄດ້ຮັບການປະກາດຢ່າງເປັນທາງການ.
ການອອກແບບຮູບທວນໄຟ
ນັບແຕ່ງານກິລາໂອລິມປິກແບັກແລັງລິເລີ່ມການສົ່ງຕໍ່ທວນໄຟຂອງງານກິລາໂອລິມປິກເມື່ອປີ1936ມານີ້,ການສົ່ງຕໍ່ທວນໄຟໄດ້ເສີມຂະຫຍາຍບົດບາດສຳຄັນໃນການເຜີຍແຜ່ວັດທະນະທຳງານກິລາໂອລິມປິກຍ້ອນເສັ້ນທາງສົ່ງຕໍ່ໄດ້ກວມເນື້ອທີ່ຢ່າງກວ້າງຂວາງ,ແລະໄດ້ກາຍເປັນສ່ວນປະກອບອັນສຳຄັນຂອງງານກິລາໂອລິມປິກທຸກຄັ້ງໃນປະຫວັດສາດ.
ແຜນທີ່ສົ່ງຕໍ່ທວນໄຟຂອງງານກິລາໂອລິມປິກປັກກິ່ງປີ2008
ຫົວຂໍ້ຂອງການສົ່ງຕໍ່ທວນໄຟຂອງງານກິລາໂອລິມປິກປັກກິ່ງແມ່ນ"ການເດີນທາງຢ່າງກົມກຽວກັນ",ຄຳຂວັນແມ່ນ"ໄຟແຫ່ງຄວາມກະຕືລືລົ້ນ,ສົ່ງຕໍ່ຄວາມຝັນ".ທວນໄຟຈະອອກເດີນທາງຈາກປັກກິ່ງໃນເດືອນມີນາປີ2008,ເດີນຜ່ານ22ຕົວເມືອງທີ່ຢູ່ຕ່າງປະເທດແລະ 113ຕົວເມືອງແລະທ້ອງຖິ່ນທີ່ຢູ່ພາຍໃນດິນຈີນ,ແລະຈະກັບຄືນມາຮອດສະໜາມກິລາທີ່ຈັດພິທີໄຂງານກິລາໂອລິມປິກປັກກິ່ງໃນຕອນຄ່ຳວັນທີ8ສິງຫາປີ2008.ການເຄື່ອນໄຫວສົ່ງຕໍ່ທວນໄຟຈະໃຊ້ເວລາ130ມື້,ແລະເດີນທາງໃນໄລຍະທາງປະມານ1ແສນ3ໝື່ນກິໂລແມັດ.
1 2
|
