ທ່ານລໍກ້ານ ກຳມະການກົມການເມືອງສູນກາງພັກກອມມູນິດຈີນແລະ
ທ່ານໂລເກີ ປະທານຄະນະກຳມະການໂອລິມປິກສາກົນພ້ອມກັນປະກາດ
ແຜນທີ່ສົ່ງຕໍ່ທວນໄຟ
ທ່ານລິວຊີ ປະທານຄະນະກຳມະການຈັດຕັ້ງງານກິລາໂອລິມປິກປັກກິ່ງກ່າວວ່າ: "ນີ້ຈະແມ່ນການເຄື່ອນໄຫວສົ່ງຕໍ່ທວນໄຟທີ່ມີເສັ້ນທາງຍາວກວ່າທຸກຄັ້ງ ກວມເນື້ອທີ່ກວ້າງກວ່າທຸກຄັ້ງ ມີຄົນເຂົ້າຮ່ວມຫຼາຍກວ່າທຸກຄັ້ງໃນປະຫວັດສາດຂອງງານກິລາໂອລິມ ປິກທີ່ຜ່ານມາ.ພວກຂ້າພະເຈົ້າຫວັງວ່າ,ການສົ່ງຕໍ່ທວນໄຟຂອງງານກິລາໂອລິມປິກປັກກິ່ງຈະເຜີຍແຜ່ນ້ຳໃຈຂອງງານກິລາໂອລິມປິກໄປເຖິງທົ່ວໂລກອີກຄັ້ງໜຶ່ງ,ແລະເຮັດໃຫ້ປະຊາຊົນປະເທດຕ່າງໆໃນໂລກເພີ່ມຄວາມເຂົ້າໃຈແລະມິດຕະພາບເຊິ່ງກັນແລະກັນ."
ບ່ອນຈັດພິທີປະກາດ--ແທ່ນສະຕະວັດຈີນຂອງປັກກິ່ງ
ເລື່ອງທີ່ຄວນກ່າວເຖິງນັ້ນແມ່ນໃນຂະບວນການສົ່ງຕໍ່ທວນໄຟຢູ່ຕ່າງປະເທດ, ທວນໄຟຈະສົ່ງໄປຕາມ"ເສັ້ນທາງຜ້າໄໝ" ທີ່ເປັນເສັ້ນທາງການຄ້າກັບຕ່າງປະເທດທີ່ສຳຄັນຂອງຈີນໃນສະໄໝບູຮານ, ແລະຈະສົ່ງໄປສູ່ຫຼາຍປະເທດທີ່ບໍ່ເຄີຍເປັນເຈົ້າພາບຈັດງານກິລາໂອລິມປິກ. ຈົນຮອດປະຈຸບັນ, ຢູ່ອາຊີພຽງແຕ່ໄດ້ຈັດງານກິລາໂອລິມປິກລະດູຮ້ອນ2ເທື່ອເທົ່ານັ້ນ, ສະນັ້ນການສົ່ງທວນໄຟຄັ້ງນີ້ກໍຈະຖືອາຊີເປັນຈຸດໜັກ. ທ່ານແຈຄີ ຣອັກເກ ປະທານຄະນະກຳມະການໂອລິມປິກສາກົນໄດ້ຍ້ອງຍໍວ່າ,
ຜ່ານເສັ້ນທາງຜ້າໄໝທີ່ມີຄວາມໝາຍປະຫວັດສາດເຊິ່ງເປັນເສັ້ນທາງການຄ້າທີ່ເປັນສັນຍາລັກແຫ່ງການພົວພັນລະຫວ່າງຈີນກັບໂລກໃນສະໄໝບູຮານ, ແລະໄດ້ຜ່ານ5ທະວີບໃນໂລກ, ໄປຮອດບ່ອນທີ່ໄຟສັກສິດໂອລິມປິກບໍ່ເຄີຍໄປ, ການສົ່ງຕໍ່ທວນໄຟຂອງງານກິລາໂອລິມປິກປັກກິ່ງໄດ້ສະທ້ອນໃຫ້ເຫັນນ້ຳໃຈທີ່ວ່າ"ການເດີນທາງແຫ່ງຄວາມກົມກຽວ", ຈະນຳເອົາມິດຕະພາບແລະຄວາມເຄົາລົບໄປສູ່ປະຊາຊາດຕ່າງໆ ເຊື້ອຊາດຕ່າງໆແລະປະຊາຊົນທີ່ມີຄວາມເຊື່ອຖືຕ່າງກັນ.
ທວນໄຟຍັງຈະສົ່ງຂຶ້ນສູ່ຍອດພູຈູ່ມູ້ລັງມາຊຶ່ງເປັນເທື່ອທຳອິດທີ່ໄຟສັກສິດຂອງງານກິລາໂອລິມປິກໄປຮອດບ່ອນສູງສຸດຂອງໂລກ.
ຕອນຄ່ຳມື້ດຽວກັນ,ຄະນະກຳມະການຈັດຕັ້ງງານກິລາໂອລິມປິກປັກກິ່ງໄດ້ປະກາດຮູບຊົງຂອງທວນໄຟງານກິລາໂອລິມປິກ.ທວນໄຟມີຄວາມຍາວ72ຊັງຕີແມັດ,ມີນ້ຳໜັກ985ກຼາມ.ຜູ້ອອກແບບແບ່ງທວນໄຟອອກເປັນສອງພາກສ່ວນຕາມມາດສ່ວນ1:1,ທາງເທີງເຕັມໄປດ້ວຍຮູບແບບເມກສີຂາວພື້ນສີແດງທີ່ມີມູນເຊື້ອຂອງຈີນ,ສ່ວນທາງລຸ່ມເປັນ"ສີແດງ" ເຊິ່ງເປັນສີປະດັບປະດາພິເສດຂອງລາດຊະວົງຮ້ານຂອງຈີນ.
ກ່ຽວກັບການໃຊ້ຮູບຊົງ"ມ້ວນເຈ້ຍ"ອັນມີເອກກະລັກຂອງຈີນນັ້ນ,ທ່ານຊິວເຈ່ຍອູ້ ຜູ້ຮັບຜິດຊອບອອກແບບທວນໄຟກ່າວວ່າ,
"ເຈ້ຍມີຄວາມໝາຍອັນດີງາມ,ມັນເປັນສັນຍາລັກແຫ່ງຄວາມສີວິໄລ.ຍ້ອນຮູ້ວິທີຜະລິດເຈ້ຍ,ຄວາມສີວິໄລຂອງທົ່ວໂລກຈິ່ງໄດ້ມີການພັດທະນາໃໝ່.ມັນໄດ້ຫັນປ່ຽນສິ່ງທີ່ມີລາຄາແພງນັ້ນເປັນສິ່ງຂອງທີ່ຄົນສາມັນກໍ່ໃຊ້ໄດ້.ນີ້ກໍ່ສອດຄ່ອງກັບນ້ຳໃຈສົ່ງຕໍ່ທວນໄຟຂອງພວກເຮົາ,ບໍ່ວ່າໃຜກໍ່ສາມາດເຂົ້າຮ່ວມໄດ້."
1 2
|
