|
ນາຍົກລັດຖະມົນຕີລາວກ່າວວ່າຈະຖອດຖອນເອົາບົດຮຽນຂອງຈີນ,ຍຶດໝັ້ນການປ່ຽນແປງໃໝ່ແລະການໄຂປະຕູສູ່ພາຍນອກ
cri
Author: min hua
ຕອນເຊົ້າວັນທີ 12 ພຶດສະພານີ້, ເວລາວຽງຈັນ, ຄະນະນັກຂ່າວວິທະຍຸກະຈາຍສຽງແລະໂທລະພາບທີ່ເດີນທາງໄປສຳພາດການຮ່ວມມືຈີນອາຊຽນ" ໄດ້ເຂົ້າສຳພາດທ່ານບົວສອນ ບຸບຜາວັນ ນາຍົກລັດຖະ ມົນຕີລາວຢູ່ວຽງຈັນ. ທ່ານເວົ້າວ່າ, ລາວຈະຖອດຖອນເອົາບົດຮຽນການປະຕິຮູບໄຂປະຕູສູ່ພາຍນອກຂອງຈີນໃນ 30 ປີມານີ້, ຍຶດໝັ້ນເສັ້ນທາງການປ່ຽນແປງໃໝ່ແລະໄຂປະຕູສູ່ພາຍນອກຂອງລາວເອງ.
ການສຳພາດທ່ານບົວສອນແມ່ນດຳເນີນຢູ່ທີ່ທຳນຽບນາຍົກລັດຖະມົນຕີທີ່ຕັ້ງຢູ່ໃຈກາງນະຄອນວຽງຈັນ. ປະຕູໄຊທີ່ຢູ່ຕໍ່ໜ້າທຳນຽບນາຍົກລັດຖະມົນຕີແມ່ນສັນຍາລັກແຫ່ງຄວາມເປັນເອກະລາດແລະການປົດປ່ອຍຂອງລາວ, ເພື່ອຄວາມເປັນເອກະລາດແລະການປົດປ່ອຍຂອງລາວ, ມີນັກຮົບຈີນຫຼາຍຮ້ອຍຄົນໄດ້ເສຍສະຫຼະຢູ່ເທິງດິນແດນລາວ. ສະນັ້ນການສຳພາດກໍ່ໄດ້ເລີ່ມຕົ້ນຈາກມິດຕະພາບລະຫວ່າງຈີນກັບລາວທີ່ສ້າງຂຶ້ນໃນແປວໄຟແຫ່ງສົງຄາມ.
ທ່ານບົວສອນເວົ້າວ່າ, ລາວແລະຈີນແມ່ນສອງປະເທດທີ່ມີອຸດົມກັນທາງການເມືອງ, ຄືກັນ, ແລະຍັງເປັນສອງປະເທດທີ່ມີສາຍແດນຕິດຈອດກັນທັງເປັນສາຍພູແລະສາຍນ້ຳ, ສອງປະເທດພວກເຮົາເປັນສອງປະເທດທີ່ມີມູນເຊື້ອແຫ່ງການພົວພັນຮ່ວມມືແລະຊ່ອຍເຫຼືອກັນເປັນເວລາດົນນານແລ້ວ, ລັດຖະບານແລະປະຊາຊົນລາວພວກຂ້າພະເຈົ້າຍາມໃດກໍ່ລະນຶກເຖິງບຸນຄຸນຂອງພັກລັດແລະປະຊາຊົນຈີນທີ່ໄດ້ໃຫ້ການສະໜັບສະໜູນຊ່ອຍເຫຼືອໃນພາລະກິດການຕໍ່ສູ້ປົດປ່ອຍຊາດກໍຄືພາລະກິດສ້າງສາປະເທດຊາດ
ເມື່ອເວົ້າເຖິງການຮ່ວມມືລະຫວ່າງສອງປະເທດໃນໄລຍະໃໝ່, ທ່ານບົວສອນໄດ້ສະແດງຄວາມນັບຖືຕໍ່ຈີນທີ່ໄດ້ຮັບໝາກຜົນໃນການປະຕິຮູບໄຂປະຕູສູ່ພາຍນອກໃນ 30 ປີມານີ້, ແລະເວົ້າວ່າ, ການປ່ຽນແປງໃໝ່ແລະການໄຂປະຕູສູ່ພາຍນອກຂອງລາວໄດ້ຖອດຖອນເອົາບົດຮຽນຈາກຈີນໃນຫຼາຍດ້ານ.
ທ່ານເວົ້າວ່າ, ຜົນສຳເລັດຂອງການປະຕິຮູບແລະເປີດປະຕູຢູ່ຈີນບໍ່ພຽງແຕ່ໃຫ້ບົດຮຽນອັນລ້ຳຄ່າແກ່ພວກຂ້າພະເຈົ້າ, ແລະຍັງເປັນການປຸກລະດົມແລະໃຫ້ກຳລັງໃຈແກ່ພວກຂ້າພະເຈົ້າໃນການຍຶດໝັ້ນຈຸດໝາຍປາຍທາງຂອງຕົນ, ພວກຂ້າພະເຈົ້າເຫັນວ່າ, ຜົນສຳເລັດຂອງການປະຕິຮູບແລະເປີດປະຕູຢູ່ລາວຂອງພວກຂ້າພະເຈົ້າມີສ່ວນປະກອບອັນແຂງແຮງແລະບົດຮຽນອັນລ້ຳຄ່າຈາກສ.ປຈີນ.
1 2
|
|
