|
|
 |
| (GMT+08:00)
2008-05-14 15:17:25
|
 |
|
ການກູ້ໄພຂະຫນາດໃຫຍ່ຢູ່ເຂດປະສົບໄພຂອງແຂວງເຊສວນຈີນ
cri
ນັບມາຮອດວັນທີ 13 ພຶດສະພານີ້ ຜູ່ເສຍຊີວິດໃນແຜນດິນໄຫວທີ່ເກີດຂຶ້ນຢູ່ແຂວງເຊສວນຂອງຈີນນັ້ນໄດ້ມີຫລາຍກວ່າ 1 ຫມື່ນ 2 ພັນກວ່າຄົນແລ້ວ, ຈີນພວມນຳໃຊ້ກຳລັງແຮງທັງຫມົດຂອງຊາດ,ເພື່ອດຳເນີນການກູ້ໄພຂະຫນາດໃຫຍ່ຢູ່ເຂດປະສົບໄພ.ຫນ່ວຍກູ້ໄພໄດ້ເຂົ້າສູ່ເຂດສູນກາງຂອງແຜ່ນດິນໄຫວແລ້ວ.
ເຖິງວ່າເມືອງເວີ້ນຊວນທີ່ເປັນສູນກາງແຜ່ນດິນໄຫວ ຫ່າງຈາກເມືອງເຊິງຕູ ເທດສະບານແຂວງເຊສວນພຽງແຕ່ 100 ກວ່າກິໂລແມັດທໍ່ນັ້ນ, ແຕ່ຍ້ອນວ່າແຜ່ນດິນໄຫວເຮັດໃຫ້ພູເຈື່ອນ,ຕັນທາງເຂົ້າໄປເມືອງເວີ້ນຊວນ,ບວກກັບອາກາດບໍ່ດີແລະເກີດແຮງສັ່ນສະເທືອນຕາມມາອີກຫລາຍເທື່ອ,ໄດ້ສ້າງຄວາມຫຍ້ງຸຍາກຫລາຍໃຫ້ແກ່ການກູ້ໄພ.ທ່ານລິວທ່າວ ນັກຂ່າວວິທະຍຸ cri ໄດ້ສົ່ງຂ່າວຈາກເມືອງຕູ່ຈ່ຽງອ້ຽນທີ່ໃກ້ກັບເວີ້ນຊ່ວນວ່າ:
ຈາກເມືອງເຊີນຕູ່ໄປເມືອງເວີ້ນຊວນຕ້ອງຜ່ານເມືອງຕູ່ຈ່ຽງອ້ຽນ,ຍ້ອນວ່າພູເຈື່ອນ, ເຄື່ອງຊ່ວຍເຫລືອຈຳນວນຫນຶ່ງທີ່ແຂວງເຊສວນແລະທົ່ວປະເທດສົ່ງໄປໃຫ້ເມືອງເວີ້ນຊວນນັ້ນກໍ່ຍາກທີ່ສຸດທີ່ຈະສົ່ງເຂົ້າເມືອງເວີ້ນຊ່ວນ.ແຕ່ເດີມຢາກຈະໃຊ້ຍົນເຮລິກົບຂົນສົ່ງໄປ,ແຕ່ຍ້ອນວ່າເມືອງຕູ່ຈ່ຽງອ້ຽນ ເມືອງເຊີງຕູ່ແລະເມືອງເວີ້ນຊວນມີຝົນຕົກຕະຫລອດ,ອາກາດຂີ້ຮ້າຍຫລາຍ, ຍົນເຮລິກົບຈິ່ງບໍ່ສາມາດຂົນສົ່ງເຄື່ອງເຫລົ່ານີ້ໄດ້.
ຕອນທ່ຽງວັນທີ 13 ພຶດສະພານີ້ ທະຫານຊຸດທຳອິດໄດ້ໄປຮອດເມືອງນ້ອຍອິງຊິ້ວ ຂອງເມືອງເວີ້ນຊວນແລະໄດ້ກອບກູ້ປະຊາຊົນທີ່ຕິດຄ້າງຢູ່ໃນຊາກຕຶກອາຄານທີ່ເພພັງ.ຫລັງຈາກນັ້ນ, ມີນາຍແລະພົນຕຳຫລວດປະກອບອາວຸດ 800 ກວ່າຄົນໄດ້ໄປເຖິງເມືອງເວີ້ນຊ່ວນເພື່ອດຳເນີນການກູ້ໄພ.ຈາກລາຍງານຂ່າວ,ມາຮອດປັດຈຸບັນ, ເຮືອນຢູ່ຂອງເມືອງເວີ້ນຊວນຖືກທຳລາຍຢ່າງຫນັກຫນ່ວງ,ໄດ້ຢືນຢັນວ່າມີ 500 ຄົນເສຍຊີວິດ,ສ່ວນຕາແສງຫລົງຊີ ເມືອງນ້ອຍອິ້ງຊິ້ວທີ່ຢູ່ບ່ອນໃກ້ນັ້ນຍິ່ງມີສະພາບຫນັກຫນ່ວງກວ່າ.ທະຫານຈີນຢ່າງຫລວງຫລາຍພວມຂ້ຽວເດີນທາງໄປເມືອງເວີ້ນຊວນ.ທ່ານເວີ່ນເຈ່ຍປາວ ນາຍົກລັດຖະມົນຕີຈີນຮຽກຮ້ອງຝ່າຍທີ່ກ່ຽວຂ້ອງຕ້ອງບຸກເບີກທາງທີ່ເຂົ້າໄປສູ່ເມືອງເວີ້ນຊ່ວນໂດຍດ່ວນ.ທ່ານກ່າວວ່າ:
ແຜ່ນດິນໄຫວເທື່ອນີ້ຮ້າຍແຮງຫລາຍ,ສູນກາງແຜ່ນດິນໄຫວຢູ່ເມືອງເວີ້ນຊວນ,ດຽວນີ້ທາງຍັງບໍ່ລຸລ່ວງ, ກອງທັບປົດປ່ອຍພວມສົ່ງຄົນໄປບຸກເບີກທາງດ້ວຍຫລາຍໆວິທີ,ເພື່ອກອບກູ້ປະຊາຊົນທີ່ຍັງຕິດຄ້າງຢູ່ໃນຊາກເຮືອນອາຄານທີ່ເພພັງ.ກອງທະຫານປົດປ່ອຍຕ້ອງການຄົນຫລາຍປານໃດກໍ່ຕ້ອງຕອບສະຫນອງໃຫ້.
1 2
|
|
|
