|
ຢູ່ແຂວງກຸ້ຍໂຈ່ວທີ່ພາກຕາເວັນຕົກສສຽງໃຕ້ຂອງຈີນ, ມີດິນທາມພູພຽງທີ່ຊື່ວ່າສ້າວໄຮ. ເມື່ອຮອດລະດູໜາວ, ນົກຍ້າຍຖິ່ນຕາມລະດູການ 1 ແສນກວ່າໂຕຈາກພາກເໜືອບິນໄປແຫ່ງນີ້, ໃນລະດູໜາວທີ່ເປັນເວລາຍາວນານແລະໜາວຈັດເພື່ອຊອກຫາບ້ານທີ່ອົບອຸ່ນ, ໃນນັ້ນກໍ່ມີນົກຂຽນຄໍດຳທີ່ເປັນສັດອະນຸລັກລະດັບຊາດຂອງຈີນ. ໃນລາຍການທ່ຽວເມືອງຈີນພາກນີ້, ພວກເຮົາກໍຈະພາທ່ານສຳຜັດກັບທິວທັດທີ່ແຕກຕ່າງຂອງສ້າວໄຮໃນລະດູໜາວ, ເພື່ອຊົມນົກຍ້າຍຖິ່ນຕາມລະດູການອັດດີງາມຢູ່ແຫ່ງນີ້.
ສ້າວໄຮຕັ້ງຢູ່ໃນເມືອງປົກຄອງເຜົ່າມົ້ງເຜົ່າຮຸຍເຜົ່າອີເວ່ນິງແຂວງກຸ້ຍໂຈວພາກຕາເວັນຕົກສຽງໃຕ້ຈີນ, ຂຶ້ນກັບລະບົບຊີວະພາບດີນທາມພູພຽງແບບຢ່າງອັນດີງາມ, ແມ່ນໜຶ່ງໃນ 3 ໜອງນ້ຳຈືດພູພຽງໃຫຍ່ຂອງຈີນ. ຍ້ອນວ່າພືດແລະສັດທີ່ມີຊີວິດຢູ່ໃນນ້ຳອຸດົມສົມບູນ, ແສງຕາເວັນພຽງພໍ, ມີນົກຍ້າຍຖິ່ນຕາມລະດູການດຳລົງຊີວິດຢູ່ແຫ່ງນີ້ໃນລະດູໜາວ. ຕາມສະຖິຕິ, ປະເພດນົກທີ່ດຳລົງຊີວິດຢູ່ສ້າວໄຮໃນລະດູໜາວມີ 203 ປະເພດ, ຫຼາຍກວ່າ 1 ແສນໂຕ, ສ້າວໄຮໄດ້ສົມຍານາມວ່າ, ທະເລຫຍ້າແລະສະຫວັນນົກ.
ໃນຕົ້ນປີນີ້, ທ່ານເສີນຈ້ຽນ ຜູ້ຮັກສັດໄດ້ໄປຮອດສ້າວໄຮ, ຈຸດປະສົງກໍແມ່ນເພື່ອຊົມນົກຍ້າຍຖິ່ນຕາມລະດູການອັນສວຍງາມຊະນິດຕາງໆ. ທ່າເວົ້າວ່າ:
ສ້າວໄຮແມ່ນໜອງນ້ຳຈືດທີ່ມີເນື້ອທີ່ 2 ແສນ 5 ໝື່ນກິໂລແມັດຕາ, ເຖິງວ່າແຫ່ງນີ້ບໍ່ມີຟອງໃຫຍ່ຄືທະເລກໍຕາມ, ແຕ່ວ່າພາບທີ່ຂ້າພະເຈົ້າເຫັນມັນແມ່ນໜອງນ້ຳທີ່ກວ້າງໃຫຍ່ຫຼາຍແລະສວຍງາມທີ່ສຸດ.
ທ່ານເສີນຈ້ຽນມີຄວາມປະທັບໃຈຕໍ່ພາບທິວທັດອັນສວຍງາມຫຼາຍ, ແຕ່ທ່ານກໍບໍ່ໄດ້ລືມຈຸດປະສົງອັນສຳຄັນທີ່ສຸດ, ນັ້ນກໍຄືນົກຂຽນຄໍດຳ. ທ່ານເສີນຈ້ຽນແນະນຳວ່າ, ນົກຂຽນຄຳດຳແມ່ນປະເພດນົກຂຽນພຽງອັນດຽວວທີ່ມີໜ້ອຍທີ່ສຸດທີ່ຍັງມີຊີວິດຢູ່ພູພຽງ, ມັນແມ່ນປະເພດນົກລ້ຳຄ່າທີ່ມີໜ້ອຍທີ່ສຸດຂອງຈີນ. ປະຈຸບັນ, ນົກຂຽນຄໍດຳທີ່ຍັງມີຊີວິດຢູ່ໃນໂລກສ່ວນຫຼາຍແຜ່ພັນແລະດຳລົງຊີວິດຢູ່ພູພຽງຊີນໄຮຕິເບດ ພູພຽງຢຸນນານກຸ້ຍໂຈ່ວແລະເຂດພາກເໜືອແຂວງເສສວນ.
ໃນເວລາພວມລົງກັນຢູ່ນັ້ນ, ສຽງນົກຈາກໜ້າໜອງໄດ້ດຶງດູດຄວາມສົນໃຈຂອງທ່ານເສີນຈ້ຽນ.
ທ່ານເສີນຈ້ຽນເວົ້າວ່າ, ນີ້ກໍ່ແມ່ນສຽງຮ້ອງຂອງນົກຂຽນຄໍດຳແນມຕາມສຽງຮ້ອງຂອງນົກ. ກໍໄດ້ເຫັນນົກຂຽນຄໍດຳຫຼາຍໂຕທີ່ມີທ່າທາງອ່ອນຊ້ອຍແລະສວຍງາມພວມຍ່າງຊ້າໆຢູ່ໃກ້ໆ, ກົ້ມຊອກຫາອາຫານຢູ່ໃນນ້ຳຫຼືທົ່ງຫຍ້າຂອງໜອງ.
ຂ່າວແຈ້ງວ່າ, ແຕ່ເດືອນມັງກອນປີນີ້ເປັນຕົ້ນມາ, ນົກຂຽນຄໍດຳທີ່ຈາກພູພຽງຊິນໄຮຕິເບດບິນໄປຣອດສ້າວໄຮແຂວງກຸ້ຍໂຈ່ວເພື່ອຜ່ານລະດູໜາວມີຫຼາຍກວ່າ 1200 ກວ່າໂຕເປັນເທື່ອທຳອິດ, ສ້າວໄຮໄດ້ກາຍເປັນບ່ອນສຳຄັນທີ່ສຸດທີ່ນົກຂຽນພັກພາອາໄສ, ເລື່ອງນີ້ກໍ່ແຍກອອກຈາກມາດຕະການປົກປ້ອງຕ່າງໆທີ່ທ້ອງຖິ່ນປະຕິບັດນັ້ນບໍ່ໄດ້
1 2
|
