|
ທ່ານວາງລ້ຽງ ຜຸູ້ຮັບຜິດຊອບພາກສ່ວນອະນຸລັກສິ່ງແວດລ້ອມຂອງເມືອງເວ່ນິງເວົ້າວ່າ:
ໃນເວລານັ້ນ, ພວກເຮົາໄດ້ໃຊ້ມາດຕະການຫຼາຍອັນ, ເຊັ່ນວ່າ: ເຮັດໃຫ້ປະຊາຊົນທີ່ຢູ່ອ້ອມຂ້າງຮູ້ຄວາມສຳຄັນຂອງສ້າວໄຮແລະຄວາມໝາຍແຫ່ງການປົກປ້ອງນົກຂຽນຄຳດຳ; ອົງການປົກຄອງກໍ່ໃຊ້ງົບປະມານຫຼາຍກວ່າເກົ່າເຂົ້າໃນການເບິ່ງແຍງນົກຂຽນຄໍດຳ, ພ້ອມກັນນັ້ນກໍ່ເພື່ມການລົງໂທດຕໍ່ພວກລ່າເນື້ອທີ່ຜິດກົດໝາຍ. ສາມາດເວົ້າໄດ້ວ່າ, ໃນຫຼາຍປີມານີ້, ບໍ່ມີປະກົດການລ່າເນື້ອແລະຂ້ານົກຂຽນຄໍດຳຢ່າງທົ່ວທີບ, ຮັບປະກັນໃຫ້ນົກຂຽນຄໍດຳມີເງື່ອນໄຂດຳລົງຊີວິດທີ່ດີ.
ພ້ອມກັນນັ້ນ, ອົງການປົກຄອງທ້ອງຖິ່ນໄດ້ເພີ່ມການໂຄສະນາອະນຸລັກສິ່ງແວດລ້ອມໃຫ້ຫຼາຍຂຶ້ນ, ປູກຈິດສຳນຶກທີ່ມະນຸດກັບທຳມະຊາດແລະມະນຸດກັບນົກຢູ່ຮ່ວມກັນຢ່າງຜາສຸກ. ເມື່ອຜ່ານການໂຄສະນາຢ່າງຕັ້ງໜ້າຂອງອົງການປົກຄອງ, ຊາວກະສິກອນຢູ່ແຫ່ງນັ້ນກໍຄອຍໆປ່ຽນແປງທັດສະນະ, ນັບມື້ນັບເອົາໃຈໃສ່ນຳການປົກປ້ອງນົກເຫຼົ່ານີ້, ບາງຄົນຍັງເປັນຜູ້ລ້ຽງນົກດ້ວຍຄວາມສະໝັກໃຈ, ທ້າວຈ່ຽງໄຟ້ໄຮ ຊາວບ້ານເວົ້າວ່າ:
ກ່ອນນີ້ຫຼາຍປີ, ເມື່ອພວກເຣົາເຫັນນົກເຫຼົ່ານີ້ມາກິນເຂົ້າກໍຮູ້ສຶກຊັງມັນທີ່ສຸດ. ແຕ່່າ, ຜ່ານໂຄສະນາມາຫຼາຍປີຂອງອົງການປົກຄອງ, ພວກເຮົາຈິ່ງຮູ້ວ່ານົກປະເພດນີ້ແມ່ນນົກຊະນິດໜຶ່ງທີ່ມີໜ້ອຍທີ່ສຸດ. ພວກເຮົາຈິ່ງຍອມໃຫ້ມັນກິນເຂົ້າແລະບໍ່ໄລ່ພວກມັນອີກ. ໃນຕົ້ນປີນີ້, ອາກາດໜາວທີ່ສຸດ, ນົກຂຽນຄໍດຳຊອກຫາອາຫານບໍ່ໄດ້, ກໍບິນມາສວນຂອງພວກເຮົາ, ພວກເຮົາກໍເອົາເຂົ້າເບຼເກືອມັນແລະເອົານ້ຳສະອາດໃຫ້ພວກມັນກິນ.
ໃນເວລາແຂວງກຸ້ຍໂຈ່ວໄດ້ປະສົບໄພຫິມະແລະນ້ຳກ້າມອັນຮ້າຍແຮງໃນລະດູໜາວຂອງປີນີ້, ແຕ່ລະມື້ປະຊາຊົນທ້ອງຖິ່ນໄດ້ເອົາເຂົ້າເບຼ 1500 ກວ່າກິໂລມາເກືອນົກຂຽນຄໍດຳ, ລວມທັງໝົດມີຮອດ 30 ກວ່າໂຕນ, ຍ້ອນຊາວບ້ານຢູ່ແຫ່ງນັ້ນໄດ້ເບິ່ງແຍງຢ່າງດີຈິ່ງເຮັດໃຫ້ຈຳນວນນົກຂຽນຄໍດຳເພີ່ມຂຶ້ນເກືອບ 4% ຕໍ່ປີ.
ຢູ່ໂຮງຮຽນປະຖົມແລະມັດຖະຍົມຂອງເມືອງເວ່ນິງ, ຫົວຂໍ້ອະນຸລັກສິ່ງແວດລ້ອມໄດ້ຈັດເຂົ້າໃນຫຼັກສູດຮຽນ. ນາງທາງຈິ່ວ ນັກຮຽນຂອງໂຮງຮຽນປະຖົມເມືອງເວ່ນິງເວົ້າວ່າ, ການອະນຸລັກນົກທີ່ຫາຍາກແມ່ນຄວາມປາຖະໜາຮ່ວມຂອງນາງກັບຄອບຄົວ.
"ໃນກິດຈະກຳອະນຸລັກສິ່ງແວດລ້ອມທີ່ໂຮງຮຽນຈັດຂຶ້ນ, ຫຼານຮູ້ສຶກວ່າ, ມະນຸດຕ້ອງອະນຸລັກສິ່ງແວດລ້ອມ, ປົກປ້ອງພວກນົກ, ເຖິງວ່າມັນບໍ່ແມ່ນສັດອະນຸລັກລະດັບຊາດກໍຕາມ, ແຕ່ພວກເຣົາກໍຕ້ອງປົກປ້ອງ. ໃນຫຼາຍປີມານີ້, ພໍ່ບໍ່ຈົ່ມວ່າອີກແລ້ວ, ຍັງໄດ້ປະຊຸມກັບລຸງໃນບ້ານແລະຜູ້ທີ່ມາຈາກເຂດສະຫງວນ, ຫຼານຄິດວ່າເຂົາເຈົ້າແມ່ນຊອກຫາວິທີເຮັດໃຫ້ຊີວິດການເປັນຢູ່ຂອງປະຊາຊົນສ້າວໄຮນັບມື້ນັບດີຂຶ້ນ, ແລະເຮັດໃຫ້ນົກຂຽນຄໍດຳດຳລົງຊີວິດຢ່າງສະບາຍ.
ປະຈຸບັນ, ແຂວງກຸ້ຍໂຈ່ວພວມເພີ່ມທະວີປົກປ້ອງສ້າວໄຮຢ່າງບໍ່ຢຸດຢັ້ງ, ໃຊ້ມາດຕະການຕ່າງໆເຊັ່ນປິດປ່າປູກຕົ້ນໄມ້ເປັນຕົ້ນ, ເຮັດໃຫ້ສິ່ງແວດລ້ອມທຳມະຊາດຂອງສ້າວໄຮໄດ້ມີການປັບປຸງໃຫ້ດີຂຶ້ນຢ່າງເດັ່ນຊັດ, ປະຈຸບັນ, ຈຳພວກນົກຊະນິດຕ່າງໆທີ່ມາດຳລົງຊີວິດໃນລະດູໜາວແຕ່ລະປີໄດ້ມີເຖິງ 1 ແສນກວ່າໂຕ, ປະຈຸບັນ, ຢູ່ສ້າວໄຮບ່ອນໃດກໍມີພາບທີ່ສວຍງາມຄືມະນຸດກັບນົກຢູ່ຮ໋ວມກັນຢ່າງກົມກຽວ.
1 2
|
