|
CRIລາຍງານວ່າ:ປັດຈຸບັນ,ຢູ່ເຂດປະສົບໄພແຜ່ນດິນໄຫວຮ້າຍແຮງເມືອງເວິ້ນຊ່ວນແຂວງເສສວນຈີນ,ພາກສ່ວນການປົກຄອງແລະປະຊາສົງເຄາະຈີນພວມອອກແຮງຈັດວາງຊີວິດການເປັນຢູ່ຂອງມວນຊົນຜູ່ປະສົບໄພ.ເດັກນ້ອຍ ແມ່ນກຸ່ມຄົນທີ່ເຮັດໃຫ້ທຸກຄົນເປັນຫ່ວງກວ່າໝູ່ໃນແຜ່ນດິນໄຫວຮ້າຍແຮງເທື່ອນີ້.ສຳລັບເດັກນ້ອຍທີ່ບໍ່ມີບ່ອນເພິ່ງພາອາໄສ,ອົງການປົກຄອງຂອງຈີນໄດ້ເບິ່ງແຍງດູແລຊີວິດການເປັນຢູ່ຂອງພວກເດັກນ້ອຍຢ່າງເໝາະສົມ,ຊ່ວຍເຂົາເຈົ້າຊອກຫາຄົນໃນຄອບຄົວທີ່ພັດພາກຈາກັນ.ອີກດ້ານໜຶ່ງກໍ່ໄດ້ລົງມືກໍ່ສ້າງໂຮງຮຽນຊົ່ວຄາວ,ໃຫ້ເຂົາເຈົ້າກັບຄືນສູ່ຫ້ອງຮຽນໂດຍໄວເທົ່າທີ່ຈະໄວໄດ້.
ວັນທີ21ພຶດສະພານີ້,ນັກຮຽນປະຖົມສອງຄົນພວມນັ່ງຖ້າການເລີ່ມຮຽນ
ໜັງສືໃນໂຮງຮຽນປະຖົມຄວາມຫວັງຕ້ານໄພແຜ່ນດິນໄຫວເມືອງມຽນຈູ
ວັນທີ21ພຶດສະພານີ້,ໂຮງຮຽນປະຖົມຄວາມຫວັງຕ້ານໄພແຜ່ນດິນໄຫວແຫ່ງທຳອິດຂອງເຂດປະສົບໄພເມືອງມຽນຈູໄດ້ເປີດຮຽນແລ້ວ.ໂຮງຮຽນຕ້ານໄພແຜ່ນດິນໄຫວແຫ່ງນີ້ແມ່ນມູນນິທິພັດທະນາຊາວໜຸ່ມເຍົາວະຊົນຈີນລະດົມກຳລັງໃນສັງຄົມແລະກໍ່ສ້າງຂຶ້ນໂດຍຢູ່ພາຍໃຕ້ການຊ່ວຍເຫຼືອຂອງອາສາສະໝັກ.ໃນໂຮງຮຽນຊົ່ວຄາວທີ່ມີຫ້ອງຮຽນ12ຫ້ອງແຫ່ງນີ້,ສາມາດບັນຈຸນັກຮຽນປະມານ600ຄົນ.ເມື່ອໄດ້ຍິນວ່າໂຮງຮຽນເປີດຮຽນຄືນໃໝ່ແລ້ວ,ຫຼານ ເຊ້ຍຊື່ຢູ ທີ່ຢູ່ໃນຕູບຜ້າເຕັ້ນກູ້ໄພມໍ່ໂຮງຮຽນນັ້ນກໍ່ຟ້າວໄປໂຮງຮຽນຊົ່ວຄາວຢ່າງເບີກບານມ່ວນຊື່ນເພື່ອເຂົ້າໄປໃນຫ້ອງຮຽນໃໝ່.ນັກຂ່າວຖາມວ່າ:
"ເຂົ້າຮຽນໃນໂຮງຮຽນໃໝ່ໄດ້ແລ້ວ,ຫຼານດີໃຈບໍ່?ຫຼານເຊ້ຍຊື່ຢູບອກວ່າ:ຫຼານດີໃຈຫຼາຍເພາະເຂົ້າຮຽນຄືນໃໝ່ໄດ້ແລ້ວ. "
ທ່ານທູເໝີ້ງ ເລຂາມູນນິທິພັດທະນາຊາວໜຸ່ມເຍົາວະຊົນຈີນທີ່ຕັ້ງໃຈເດີນທາງມາເຂົ້າຮ່ວມການຟື້ນຟູການຮຽນຂອງໂຮງຮຽນເຂດປະສົບໄພ ບອກວ່າ:
"ຫ້ອງຮຽນແຕ່ລະຫ້ອງສາມາດບັນຈຸນັກຮຽນໄດ້54ຄົນ,ຍັງມີຫ້ອງໜຶ່ງເປັນຫ້ອງການຂອງຄູສອນ,ສາມາດຮັບເອົານັກຮຽນປະຖົມທີ່ມີຢູ່ໃນປັດຈຸບັນຂອງເຂດນີ້ມາເຂົ້າຮຽນໄດ້."
ວັນທີ19ພຶດສະພານີ້,ນັກຮຽນຂອງໂຮງຮຽນມັດທະຍົມຊວນໂຂລົມກັນໃນ
ຫ້ອງພັກຊົ່ວຄາວທີ່ຢູ່ໃນສະຖາບັນແພດສາດເສິງຕູ່
ຢູ່ເມືອງເວີ້ນຊ່ວນທີ່ຢູ່ສູນກາງໃນແຜ່ນດິນໄຫວເທື່ອນີ້, ມີໂຮງຮຽນມັດທະຍົມແຫ່ງໜຶ່ງຊື່ວ່າໂຮງຮຽນຊວນໂຂ, ຕຶກຂອງໂຮງຮຽນນີ້ພັງທະລາຍໝົດໃນແຜ່ນດິນໄຫວ, ທົ່ວໂຮງຮຽນມີແຕ່ປະມານ 150 ຄົນລອດຕາຍ. ດຽວນີ້, ນັກຮຽນທີ່ລອດຕາຍເຫຼົ່ານີ້ຖືກສົ່ງໄປສະຖາບັນແພດສາດນະຄອນເຊິງຕູ່, ສະຖາບັນແພດສາດໄດ້ຕັ້ງໂຮງຮຽນຄວາມຮັກໃຫ້ນັກຮຽນເຫຼົ່ານີ້ເພື່ອໃຫ້ເຂົາເຈົ້າສືບຕໍ່ຮຽນ.
ວັນທີ19ພຶດສະພານີ້,ນັກຮຽນໂຮງຮຽນຊວນໂຂພວມກິນເຂົ້າຢູ່ໃນຫ້ອງອາຫານ
ສະຖາບັນແພດສາດເສິງຕູ່
ຢູ່ສະໜາມກິລາຂອງສະຖາບັນແພດສາດເຊິງຕູ່, ນັກຮຽນທີ່ໃສ່ເສື້ອແຂນສັ້ນສີແດງຈຳນວນໜຶ່ງກຳລັງຫຼິ້ນບານບ້ວງ, ເຂົາເຈົ້າກໍ່ແມ່ນນັກຮຽນຂອງໂຮງຮຽນມັດທະຍົມຊວນໂຂ, ເສື້ອສີແດງຂອງເຂົາເຈົ້າກໍ່ແມ່ນເຄື່ອງແບບນັກຮຽນທີ່ສະຖາບັນແພດສາດເຊິງຕູ່ຂ້ຽວກຽມໃຫ້ເຂົາເຈົ້າ.
ໂຮງຮຽນຄວາມຮັກແມ່ນດັດແປງໂຮງອາຫານຂອງສະຖາບັນແພດສາດເຊີງຕູ່ຫຼັງຈາກແຜ່ນດິນໄຫວ, ຢູ່ໜ້າປະຕູຕຶກມີປ້າຍແຜ່ນໜຶ່ງ, ຂຽນວ່າ: ຄອບຄົວຮັກແພງກັນ. ຕຶກຂອງໂຮງຮຽນຄວາມຮັກແບ່ງເປັນຫຼາຍພາກສ່ວນ, ຫໍພັກ, ໂຮງອາຫານແລະຫ້ອງຮຽນຂອງນັກຮຽນລ້ວນແຕ່ຢູ່ໃນນີ້. ໂຮງຮຽນໄດ້ຊື້ເຄື່ອງຂີດຂຽນ, ຕຽງນອນ,ໂທລະພາບພັດລົມແລະອື່ນໆໃຫ້ພວກນັກຮຽນ. ດຽວນີ້,ນັກຮຽນນອກຈາກຈະຮຽນວິຊາຕ່າງໆໃນຫຼັກສູດແລ້ວ,ຍັງມີການຮຽນກິລາແລະການຊ່ອຍແນະນຳດ້ານຈິດໃຈ. ອາຈານກັບອາສາສະໝັກກໍ່ມາເວົ້າລົມກັນກັບເດັກນ້ອຍເລື້ອຍໆ,ເພື່ອໃຫ້ເຂົາເຈົ້າຜ່ອນຄາຍຈາກຄວາມເສົ້າສະຫຼົດໃຈໂດຍໄວ. ອາສາສະໝັກຜູ້ຍິງທີ່ມາຈາກສະຖາບັນແພດສາດເສີງຕູເວົ້າວ່າ:
"ລະຫວ່າງພັກການຮຽນ, ຂ້ອຍເວົ້າລົມກັບເຂົາເຈົ້າ, ດຽວນີ້, ອາລົມຈິດໃຈຂອງເຂົາເຈົ້າດີຂຶ້ນຫຼາຍແລ້ວ, ຍັງນັກຮຽນໜ້ອຍດຽວນີ້ອາລົມຍັງບໍ່ສະຫງົບດີ."
ເພື່ອໃຫ້ນັກຮຽນທີ່ລອດຕາຍລືມຄວາມເຈັບປວດໂດຍໄວ, ໂຮງຮຽນລະດົມໃຫ້ນັກຮຽນລະບາຍອາລົມຂອງຕົນອອກມາດ້ວຍການແຕ້ມຮູບ, ຢູ່ບ່ອນລ້ຽວຂອງຂັ້ນໃດໂຮງຮຽນ,ໄດ້ຕິດຮູບແຕ້ມຂອງນັກຮຽນ, ບາງຄົນໄດ້ແຕ້ມໃບໜ້າຍີ້ມແຍ້ມ, ບາງຄົນຂຽນວ່າ "ພວກເຮົາຢູ່ນຳກັນ".
1 2
|
