|
ນາງວາງປີ້ເຟິ້ງ ນັກຮຽນຜູ້ລອດຊີວິດຂອງໂຮງຮຽນມັດທະຍົມຊວນຂົງໄດ້ຮັບການເບິ່ງແຍງເປັນຢ່າງດີຢູ່ແຫ່ງນີ້,ເຖິງວ່ານາງຕິດຕໍ່ກັບຍາດພີ່ ນ້ອງຂອງຕົນເອງຍັງບໍ່ໄດ້ກໍຕາມ,ແຕ່ຈິດໃຈທີ່ສັບສົນວຸ້ນວາຍກໍໄດ້ຮັບການ ຟຶ້ນຟູເທື່ອລະຫນ້ອຍຢູ່ແຫ່ງນີ້.
ນັກຂ່າວຖາມວ່າ:ເຈົ້າ, ຊິນເຄີຍກັບບ່ອນນີ້ບໍ່?ນາງວາງຕອບວ່າ:ຮູ້ສຶກດີຫຼາຍ,ຢູ່ນີ້,ຄູແລະນັກຮຽນເອົາໃຈໃສ່ນຳພວກຂ້ອຍຫຼາຍ.
ໃນຈຳນວນອາສາສະຫມັກທີ່ໃຫ້ການບໍລິການແກ່ນັກຮຽນຜູ່ລອດຊີວິດ ຢູ່ໂຮງຮຽນມັດທະຍົມຊວນຄົງ,ຍັງມີພະນັກງານຕ່າງປະເທດທີ່ເຮັດວຽກໃນສະຖາບັນການ ແພດຂອງເມືອງເສີນຕູ່.ນາງໄຮເຊີຣ໌ ກໍ່ແມ່ນຄູສອນຜູ່ຫນຶ່ງຂອງເຂົາເຈົ້າ.ຫຼັງຈາກນາງໄດ້ຮັບຟັງເລື່ອງຈິງຂອງນັກຮຽນທັງຫມົດແລ້ວ,ນາງກໍສະຫມັກຂໍເປັນອາສາສະຫມັກມາເບິ່ງແຍງເຂົາເຈົ້າຢູ່ແຫ່ງນີ້.ນາງບໍ່ພຽງແຕ່ນຳເອົາຂອງຂວັນມາໃຫ້ເດັກນ້ອຍເທົ່ານັ້ນ,ຍັງສອນເດັກນ້ອຍຫຼິ້ນເກມໃຫ້ມ່ວນຊື່ນອີກ.
ນາງໄຮເຊິນສ໌ຖາມວ່າ:ຢູ່ໂຮງຮຽນນີ້ ເຈົ້າຮູ້ສຶກສະບາຍດີບໍ່? ນ້ອງນັກຮຽນຕອບວ່າ:ສະບາຍດີ.ນາງໄຮເຊິນສ໌ເວົ້າວ່າ:ຂ້ອຍດີໃຈທີ່ສຸດທີ່ໄດ້ເຫັນເດັກນ້ອຍທີ່ກ້າຫານເຫຼົ່ານີ້.
ເມື່ອກ່າວເຖິງສາເຫດທີ່ນາງມາເປັນອາສາສະຫມັກ,ນາງໄຮເຊີສ໌ເວົ້າວ່າ,ນາງຮູ້ສຶກສະເທືອນໃຈຢ່າງເລິກເຊິ່ງຕໍ່ປະສົບການຊີວິດຂອງເດັກນ້ອຍເຫຼົ່ານີ້.
ຂ້ອຍຮູ້ສຶກພູມໃຈຕໍ່ເພື່ອນມິດຈີນຂອງຂ້ອຍ,ຂອບໃຈທີ່ສຸດນຳການກະທຳຕ່າງໆຂອງຈີນທີ່ໄດ້ເຮັດໃນແຜ່ນດິນໄຫວເທື່ອນີ້,ໂດຍສະເພາະແມ່ນພາຍໃຕ້ເງື່ອນໄຂອັນຫຍຸ້ງຍາກແນວນີ້,ເຂົາເຈົ້າຊ່ອຍເຫຼືອເຊິ່ງກັນແລະກັນ,ຂ້ອຍ ກໍຢາກເປັນສະມາຊິກຜູ່ຫນຶ່ງຂອງເຂົາເຈົ້າ.
ການຊ່ວຍແນະນຳນັກຮຽນຜູ່ລອດຕາຍດ້ານຈິດໃຈຫຼັງໄພນັ້ນ ແມ່ນບັນຫາສຳຄັນທີ່ວົງການຕ່າງໆເອົາໃຈໃສ່ນຳຫຼາຍ. ວັນທີ21ພຶດສະພານີ້, ນັກກິລາຈີນທີ່ເຄີຍໄດ້ຮັບຫຼຽນຄຳງານກິລາໂອລິມປິກຫຼາຍຄົນໄດ້ເດີນທາງໄປບ່ອນພັກຊົ່ວຄາວຂອງປະຊາຊົນຜູ່ປະສົບໄພ ຢູ່ເມືອງມຽນຢາງ ແຂວງເສສວນ, ອັນໄດ້ເຮັດໃຫ້ນັກຮຽນຢູ່ບ່ອນນັ້ນດີອົກດີໃຈຫຼາຍ, ເຮັດໃຫ້ຮອຍຍິ້ມທີ່ຂາດໄປດົນສົມຄວນນັ້ນກັບຄືນມາສູ່ເຂົາເຈົ້າ. ນາງກ່າວໝິນ ແມ່ນອະດີດນັກກິລາຍິງໂດດນ້ຳຂອງຈີນ, ນາງເວົ້າວ່າ,ພວກເຂົາເຈົ້າຫວັງຜ່ານຈາກວິທີຂອງຕົນເພື່ອໃຫ້ກຳລັງໃຈແກ່ນັກຮຽນ ຜູ່ລອດຕາຍໃນໄພແຜ່ນດິນໄຫວ.
ກ(ກ່າວໝິນ):ແຕ່ກ່ອນ,ໃນຖານະທີ່ເປັນແຊມປຽນງານກິລາໂອລິມປິກ ພວກເຮົາໄດ້ຮັບການສະໜັບສະໜູນຈາກພວກນ້ອງ,ແມ່ນບໍ່?
ດ(ພວກເດັກນ້ອຍ):ເຈົ້າ.
ກ:ຂ້ອຍຫວັງວ່າພວກນ້ອງຈະໄປໃຫ້ກຳລັງໃຈແກ່ນັກກິລາຈີນໃນງານກິລາໂອລິມປິກປັກກິ່ງປີນີ້ ໄດ້ບໍ່?
ດ:ໄດ້ແທ້.
ກ:ປັດຈຸບັນ, ພວກນ້ອງເຮັດໃຫ້ເອື້ອຍຮູ້ສຶກພາກພູມໃຈຫຼາຍທີ່ເປັນຄົນເສສວນ. ພວກເຮົາມາຮ້ອງຄຳວ່າ:"ເອົາຊະນະຕົນເອງ"ຮ່ວມກັນ ໄດ້ບໍ່?
ດ:ໄດ້
ກ:ພວກນ້ອງຄອ້ງພະຍາມ ທຸກມື້, ເອົາຊະນະຕົນເອງ, ບັນລຸຄວາມຝັນຂອງຕົນ, ດີບໍ່?ດ:ດີກ:ເອົາ ພວກເຮົາມາຮ້ອງ"ເອາຊະນະຕົນເອງ" 3ເທື່ອ,ດີບໍ່?ເອົາຊະນະຕົນເອງ.1,2,3…ດ:ເອົາຊະນະຕົນເອງ,ເອົາຊະນະຕົນເອງ,ເອົາຊະນະຕົນເອງ!ກ:ພວກນ້ອງເວົ້າແລ້ວ ຕ້ອງເຮັດໃຫ້ໄດ້ແທ້ເດີ!
ດ:ໄດ້ແທ້.
ພວກເຮົາມາພ້ອມກັນອວຍພອນນັກຮຽນທີ່ໝັ້ນແກ່ນເຫຼົ່ານີ້ ຂໍໃຫ້ພວກເຂົາເຈົ້າຈົ່ງສາມາດຫຼຸດພົ້ນອອກຈາກຄວາມເສົ້າສະຫຼົດໃຈທີ່ເສຍຍາດພີ່ນ້ອງແລະ ຟື້ນຟູປົກກະຕິໂດຍໄວ,ເລິ່ມດຳລົງຊີວິດໃໝ່ທີ່ດີງາມກວ່າເກົ່າ. ຂອບໃຈທ່ານທີ່ຮັບຟັງ,ສະບາຍດີ.
1 2
|
