|
"ປະຊາຊົນຈີນແມ່ນຜູ່ຍິ່ງໃຫຍ່. ພວກເຈົ້າມີກຳລັງແຮງ, ມີຄວາມກ້າຫານ ແລະ ໝັ້ນໜຽວ, ຮູ້ຈັກຊ່ວຍຕົນເອງ ແລະ ຮ່ວມມືກັນ. ຂ້າພະເຈົ້າໄດ້ເຫັນຫຼາຍໆຄົນເຫັນ, ນັກລົບ ແລະ ອາສາສະໝັກຫຼາຍໆຄົນ, ເຂົາເຈົ້າຍອມສະຫຼະຕົນເອງໄປຊ່ວຍເຫຼືອຄົນອື່ນທີ່ຢູ່ອ້ອມຂ້າງ. ພວກເຂົາເຈົ້າລ້ວນແຕ່ແມ່ນຜູ່ຍິ່ງໃຫຍ່!"
ຄຳເວົ້າດັ່ງກ່າວ ແມ່ນທ່ານບານກິມູນ ເລຂາທິການໃຫຍ່ສະຫະປະຊາຊາດເວົ້າໃນເວລາທ່ານໄປສຳຫຼວດສະພາບໄພແຜ່ນດິນໄຫວຢູ່ອີ້ງຊີ້ວ ເມືອງເວີ້ນຊວນ ແຂວງເສສວນ ເຂດປະສົບໄພແຜ່ນດິນໄຫວໃນວັນທີ24ພຶດສະພານີ້, ທ່ານໄດ້ຕີລາຄາຢ່າງສູງຕໍ່ການກະທຳຂອງປະຊາຊົນຈີນໃນກູ້ໄພເທື່ອນີ້.
ຫຼັງຈາກເກີດແຜ່ນດິນໄຫວຢູ່ເມືອງເວີ້ນຊວນ ແຂວງເສສວນແລ້ວ, ກອງທັບຈີນໄດ້ສົ່ງທະຫານ, ຕຳຫຼວດປະກອບອາວຸດ ແລະ ທະຫານລາດທະຫານກອງໝູນໜຶ່ງສິບແສນກວ່າຄົນໄປຊ່ວຍເຫຼືອ. ພວກເຂົາເຈົ້າກ້າຫານທີ່ສຸດການກະທຳພິລະອາດຫານຂອງເຂົາເຈົ້າ,ໄດ້ເຮັດໃຫ້ຄົນທັງຫຼາຍສະທ້ອນໃຈ. ບ່ອນໃດມີຄວາມອັນຕະລາຍ, ກໍ່ເຫັນພວກເຂົາເຈົ້າໄປຊ່ອຍຢູ່ບ່ອນຫັ້ນ. ພວກເຂົາເຈົ້າກໍ່ແມ່ນຜູ່ຍິ່ງໃຫຍ່ຄືທີ່ທ່ານບານກິມູນເວົ້າມານັ້ນ.
ທ່ານເຊີນອຽນ ແມ່ນອາສາສະໝັກຜູ່ໜຶ່ງທີ່ມາຈາກແຂວງກວາງຕຸ້ງຂອງຈີນ, ລາວແມ່ນເຈົ້າຂອງໂຮງງານເອກະຊົນແຫ່ງໜຶ່ງ. ໃນມື້ລຸນມາທີ2ທີ່ເກີດແຜ່ນດິນໄຫວ,ລາວ ກັບ ເມຍຂອງລາວກໍ່ເອົາລົດແກເອົາເຄື່ອງໄປຊ່ອຍເມືອງມຽນຈູ ແຂວງເສສວນ. ອາສາສະໝັກຄືທ່ານເຊີນອຽນມີຫຼາຍຈົນນັບບໍ່ຖ້ວນ. ເຂົາເຈົ້າຊອກຫາຜູ່ທີ່ຍັງມີຊີວິດໃນຊາກສະຫຼັກຫັກພັງ, ແຈກຢາຍເຄື່ອງນຸ່ງຫົ່ມທີ່ມວນຊົນບໍລິຈາກນັ້ນໃຫ້ປະຊາຊົນເຂດປະສົບໄພ, ແຈກຢາຍອາຫານ ແລະ ນ້ຳກິນໃຫ້ແກ່ຄົນທັງຫຼາຍ.
ພວກເຮົາບໍ່ສາມາດບອກຊື່ຂອງພວກເຂົາເຈົ້າແຕ່ລະຄົນ, ແຕ່ພວກເຮົາຮູ້ດີວ່າ, ເຂົາເຈົ້າກໍ່ແມ່ນຜູ່ຍິ່ງໃຫຍ່ທີ່ທ່ານບານກີມູນເວົ້າມານັ້ນ.
ຫຼັງຈາກແຜ່ນດິນໄຫວ, ແພດໝໍ, ທະຫານຕຳຫຼວດທີ່ຊອກກອບກູ້ຄົນ ແລະ ຜູ່ຂົນສົ່ງເຄື່ອງຢູ່ຂອງກິນຈາກແຫ່ງຕ່າງໆມາໃຫ້, ລວມທັງຮົງກົງ, ມາວກາວ ແລະ ໄຕ້ຫວັນລ້ວນແຕ່ມາໂຮມກັນຢູ່ເຂດປະສົບໄພ. ພວກເຂົາເຈົ້າປິ່ນປົວເອົາຜູ່ບາດເຈັບ, ສ້ອມແປງຫົນທາງ, ຂົນສົ່ງເຄື່ອງກູ້ໄພ ແລະ ແຈກຢາຍເຄື່ອງຂອງ. ຢູ່ເຂດປະສົບໄພ, ມື້ໃດກໍ່ເຫັນພວກເຂົາເຈົ້າຂຸ້ນເຮັດວຽກຢູ່. ນອກນີ້, ຊາວຈີນທີ່ຢູ່ຕ່າງປະເທດກໍ່ທະຍອຍກັນບໍລິຈາກເງິນ ແລະ ສິ່ງຂອງໃຫ້ແກ່ປະຊາຊົນຜູ່ປະສົບໄພ. ພວກເຂົາເຈົ້າກໍ່ແມ່ນຜູ່ຍິ່ງໃຫຍ່ທີ່ທ່ານບານກີມູນເວົ້າເຖິງ.
1 2
|
