|
ໂດຍປະເຊີນໜ້າກັບໄພພິບັດອັນຮ້າຍແຮງ, ປະຊາຄົມໂລກກໍພາກັນຍື່ນມືຊ່ວຍເຫຼືອ. ຫຼາຍປະເທດ ເຊັ່ນ, ຣັດເຊຍ, ຍີ່ປຸ່ນ, ສ.ເກົາຫຼີ ແລະ ສິງກະໂປເປັນຕົ້ນໄດ້ສົ່ງໜ່ວຍຊ່ວຍເຫຼືອກູ້ໄພໄປເຂດປະສົບໄພ, ເຢັຍລະມັນ,ຝຣັ່ງ, ອີຕາລີ, ກູບາ, ຣັດເຊຍ, ຍີ່ປຸ່ນ ແລະ ປະເທດອື່ນໆກໍ່ໄດ້ສົ່ງໜ່ວຍແພດໄປຊ່ອຍ, ຍັງມີອາສາສະໝັກທີ່ມາຈາກປະເທດຕ່າງໆໃນໂລກ. ພວກເຂົາເຈົ້າໄດ້ນຳເອົາຄວາມສະໜັບສະໜູນ ແລະ ກຳລັງໃຈຈາກປະຊາຊົນປະເທດຕ່າງໆໃນໂລກມານຳ. ຜູ່ທີ່ມາຈາກປະເທດຕ່າງກັນເຫຼົ່ານີ້, ສ່ຽງໄພອັນຕະລາຍທີ່ຍັງມີການສັ່ນສະເທືອນຕາມມາ, ຊ່ວຍເຫຼືອປະຊາຊົນຈີນຜູ່ປະສົບໄພ. ພວກເຂົາເຈົ້າກໍ່ແມ່ນຜູ່ຍິ່ງໃຫຍ່ທີ່ທ່ານບານກີມູນເວົ້າເຖິງນັ້ນຄືກັນ.
ປັດຈຸບັນ, ມວນມະນຸດຍັງບໍ່ ສາມາດຄວບຄຸມໄພແຜ່ນດິນໄຫວ, ໄພຊືນາມີ ແລະ ໄພພູໄຟລະເບີດໄດ້ເທື່ອເປັນຕົ້ນ. ແຕ່ຕໍ່ໜ້າໄພພິບັດ, ມະນຸດເຮົາສາມາດເລືອກການກະທຳຂອງຕົນໄດ້. ໃນເວລາກູ້ໄພ, ການສະຫຼະຕົນເອງ ແລະ ການປະກອບສ່ວນຂອງ"ຜູ່ຍິ່ງໃຫຍ່"ເຫຼົ່ານີ້, ກໍ່ແມ່ນການເລືອກເອົາຄວາມຮັກແພງຂອງມະນຸດ. ການກະທຳຂອງພວກເຂົາເຈົ້າ, ໄດ້ເຮັດໃຫ້ຄວາມເສຍຫາຍຍ້ອນໄພພິບັດຫຼຸດໜ້ອຍລົງ, ເຮັດໃຫ້ມະນຸດມີຄວາມສາມາດກູ້ໄພເພິ່ມຂຶ້ນ, ເຮັດໃຫ້ມະນຸດຍິ່ງເຂັ້ມແຂງກວ່າເກົ່າ, ເຮັດໃຫ້ສັງຄົມມະນຸດຍິ່ງກົມກຽວກັນ. ການປະພຶດຂອງປະຊາຊົນຈີນ ແລະ ປະຊາຄົມໂລກ ໃນແຜ່ນດິນໄຫວເທື່ອນີ້ກໍ່ແມ່ນແບບຢ່າງດີເດັ່ນ.
ນະທີ່ນີ້, ພວກເຮົາຂໍສະແດງຄວາມເຄົາລົບນັບຖືຢ່າງສູງຕໍ່"ຜູ່ຍິ່ງໃຫຍ່" ໝົດທຸກຄົນ!
1 2
|
