ການສົ່ງຕໍ່ທວນໄຟງານກິລາໂອລິມປິກປັກກິ່ງຢູ່ແຂວງຫູນານສິ້ນສຸດ ລົງ
(GMT+08:00) 2008-06-05 15:43:42 cri
-----------------------------------------------------------------------------------------------------------------
-----------------------------------------------------------------------------------------------------------------
ຕາມຂ່າວ cri:ວັນທີ 5 ມິຖຸນານີ້ ໄຟສັກສິດງານກິລາໂອລິມປິກປັກກິ່ງໄດ້ສົ່ງຕໍ່ຢູ່ເມືອງຊ່ຽງຖານແລະເມືອງຊາວຊານ ທາງພາກກາງຂອງຈີນຢ່າງສຳເລັດຜົນ, ແລ້ວໄດ້ສິ້ນສຸດການສົ່ງຕໍ່ຢູ່ແຂວງຫູນານ.
ການສົ່ງຕໍ່ຢູ່ເມືອງຊ່ຽງຖານໄດ້ເລີ່ມຕົນຢູ່ສະຫນາມຫລວງຕົ່ງຟ່າງຫົງ, ໄປຮອດສະຫນາມກິລາຂອງມະຫາວິທະຍາໄລຊ່ຽງຖານ.ຫລັງຈາກນັ້ນໄດ້ເດີນທາງ 57 ກິໂລແມັດ,ໄຟສັກສິດຖືກສົ່ງໄປຮອດເມືອງຊາວຊານ ບ້ານເກີດຂອງທ່ານເຫມົາເຈີຕົງ, ແລະໄດ້ສິ້ນສຸດການສົ່ງຕໍ່ຢູ່ເມືອງນີ້ໃນເວລາ 13 ໂມງມື້ດຽວກັນ.ໄລຍະທາງສົ່ງຕໍ່ໃນມື້ດັ່ງກ່າວຍາວ 82 ກິໂລແມັດປາຍ,ມີ 205 ຄົນໄດ້ເຂົ້າຮ່ວມການສົ່ງຕໍ່.
ວັນທີ 6 ມິຖຸນານີ້, ໄຟສັກສິດງານກິລາໂອລິມປິກປັກກິ່ງຈະສົ່ງຕໍ່ຢູ່ເມືອງກຸ້ຍລິນເຂດປົກຄອງຕົນເອງເຜົ່າຈ້ວງກວາງຊີທາງພາກໃຕ້ຂອງຈີນ.
ຂ່າວ-ບົດທີ່ກ່ຽວຂ້ອງ
ຄຳເຫັນ
