ວັງບຸດຕະລາ
-----------------------------------------------------------------------------------------------------------------
ວັງບຸດຕະລາແມ່ນພະລາຊະວັງລະດູຫນາວຂອງພະດາໄລທຸກໆສະໄຫມ,ແລະກໍແມ່ນໃຈກາງປົກຄອງໂດຍໂຮມການເມືອງກັບສາດສະຫນາເປັນອັນດຽວກັນຂອງຜູ່ປົກຄອງທ້ອງຖິ່ນໃນເມື່ອກ່ອນ.ເລີ່ມແຕ່ພະດາໄລອົງທີ5ເປັນຕົ້ນມາ,ພິທີສາດສະຫນາແລະການເມືອງທີ່ສຳຄັນລ້ວນແຕ່ຈັດຂຶ້ນຢູ່ແຫ່ງນີ້,ພ້ອມກັນນັ້ນຍັງແມ່ນບ່ອນດອຍໂລງສົບທີ່ພະດາໄລແລະພະລາມາທຸກໆອົງເພື່ອໃຫ້ຄົນນົບໄຫວ້.ວັງບຸດຕະລາແມ່ນຈຸ່ມສິ່ງກໍ່ສ້າງໃຫຍ່ກວ່າຫມູ່ຂອງເຂດຊົນເຜົ່າຕິເບດ, ເປັນຂີດຫມາຍທີ່ມີລັກສະນະເປັນຕົວແທນຂອງຕິເບດແລະເປັນສັນຍາລັກໃຫ້ແກ່ຜົນສຳເລັດດ້ານສິນລະປະຂອງສິ່ງກໍ່ສ້າງກັບຄວາມຈະເລີນຮຸ່ງເຮືອງດ້ານສິນລະປະວັດທະນະທຳຂອງເຜົ່າຕິເບດ,ແລະກໍແມ່ນສິ່ງກໍ່ສ້າງອັນເປັນຫົວກະທິແຫ່ງສິ່ງກໍ່ສ້າງສະໄຫມບູຮານຂອງປະຊາຊາດຈີນ
ວັງບຸດຕະລາຕັ້ງຢູ່ທິດຕາເວັນຕົກຂອງເມືອງລາຊາບູຮານ,ຢູ່ເທິງພູບຸດຕະລາ.ວັງບຸດຕະລາທີ່ພວກເຮົາເຫັນຢູ່ດຽວນີ້ໂດຍພື້ນຖານແລ້ວແມ່ນສ້າງໃຫ້ກວ້າງອອກຢ່າງຕໍ່ເນື່ອງກັນແຕ່ສະຕະວັດທີ 17 ເປັນຕົ້ນມາ,ວັງບຸດຕະລາແມ່ນພາສາສັນສະກິດ, ລາງເທື່ອກໍແປເປັນພຸດໂທຕາມພື້ນເມືອງເຂົາເຈົ້າຍັງເອີ້ນວ່າພູພຸດໂທທີສອງ.
ວັງບຸດຕະລາສູງກວ່າຫນ້ານ້ຳທະເລ 3700 ກວ່າແມັດ,ມີເນື້ອທີ່ທັງຫມົດ 3 ແສນ 6 ຫມື່ນແມັດຕາ.ເນື້ອທີ່ກໍ່ສ້າງ1ແສນ3ຫມື່ນກວ່າແມັດຕາ.ຫໍສຳຄັນສູງ 117 ແມັດ,ລວມມີ 13 ຊັ້ນໃນນັ້ນມີສິມ ມີສິມເຈດີ ມີສິມພະພຸດທະຮູບມີຫໍສູດ ມີກຸຕິແລະເດິ່ນຄົບຫມົດທຸກສິ່ງທຸກຢ່າງ,ແມ່ນຈຸ້ມສິ່ງກໍ່ສ້າງແບບພະລາຊະວັງໃຫຍ່ກວ່າຫມູ່ແລະຢູ່ບ່ອນສູງກວ່າຫມູ່ໃນໂລກປະຈຸບັນ.ວັງບຸດຕະລາສ້າງຂຶ້ນຢູ່ຕາມເນີນພູ,ຕັ້ງຢູ່ຢ່າງສະຫງ່າຜ່າເຜີຍ, ມີຍອດຄຳເຫຼືອງເຫຼື້ອມງາມຕາ,ສະແດງໃຫ້ເຫັນຈຸດພິເສດທີ່ເຮັດໃຫ້ຄົນທັງຫຼາຍຕິດອົກຕິດໃຈນຳສິ່ງກໍ່ສ້າງສະໄຫມບູຮານຕິເບດ.
